又係我><

咁多位..
頭先我掃完波波可以出走ge範圍之後..諗住抹地..
但係轉個頭我阿女麻就拎緊有紅威寶定洗潔精個啲毛巾抹果個位..
我即刻叫停佢..
再用返平時我自己用開ge毛巾抹左好多次..
但係我仲未敢比返波波出黎玩..

平時佢都唔會理我同波波..
我唔知點解今日佢會突然幫我抹地..
佢ge好意我明白..
但係佢次次都落好重個啲清潔ge嘢黎抹廰個啲地下..

我想問下..
其實會唔會有事..
我知我係過份緊張..
但係想問清楚><

我屋企日日用1:99 抹地, ok 呀,
但唔知你個啲清潔ge嘢落幾重
一係過多幾次水安心d
or 一係隔耐d先比波波出黎玩

仲過1:49><

我到晏就先比皇帝囡出黎玩..
今日鎖佢返屋企..佢已經好唔開心..
頭先同佢講要晏啲先比返個大位佢玩..
佢即刻用個PATPAT對住我><

我都係1:99,會開稀少少,
不過我多數趁佢訓覺先黎抺地,咁過多幾個鐘佢訓醒先有得出黎玩,

波波而家日日都可以有3/4間房自己走..
所以我一拎道門出黎鎖返佢..
佢就好唔開心..

係呀~~bb囡都係係房自由活動..
有時我拖地匙住佢..佢就好嬲好緊張

唉,我矇仔又係咁,鎖多陣都唔得,次次拖地都要靠放菜同糧分散佢注意力先拖到10分鐘,趕頭趕命咁拖,又要唔可以比佢發現鎖左門,難度十級。
我覺得開希到1:99唔會有問題,不過個人認為藍威寶好似d化學劑勁d,滴露會比較好。拖完再過水就好安全啦!

琴日放返波波出黎玩個陣..
佢一支箭沖左去我床底..唔出黎..
我搵佢中意食ge菜引佢都唔理我><
到夜晚佢出返黎..
我要瞓..
佢就成晚係咁發脾氣dum地..又係咁走黎走去..

我同兔爸講返..
佢話波波真係比我寵壞左><

我要同丁丁講數~~
如果返工前唔放, 就要同佢講我要走唔放~
因為丁丁慣左有人係屋企, 佢就一定要放~
個廳係佢個地盤~~ 所以丁丁勁唔鐘意我地打機,
因為冇人摸摸~~
地下, 我唔係拖地, 係吸塵, 我吸既時候, 丁太后會坐係一邊做監工....
有幾日, 我個FRD黎左住幾日, 我又返左工~~
我個FRD當然唔會放丁啦~~
所以咁, 丁太后發晒脾氣咁咬個圍欄~~
而且知道係咩時候要扮瞓, 等我唔迫佢返去~~~:056:

兔兔們太醒了..
我老豆一返黎..佢就知有好嘢食..
即刻圍住老豆轉..唔理我#^76^#