第一次分享, 主觀分享

Hello, 我養咗免仔兩年, 佢叫粒粒, 好可愛架. 俾將相俾大家睇, 其他日常生活再分享.

事倩係咁, 我知大家都希望人地可以領養兔仔, 正如我都會"見議"朋友去領養. 但係今日我我真係見到一個極端事情.
有個朋友A叫咗我同另外一個朋友B去旺角買兔, 原來A一早就睇中咗一隻兔仔, 但係想叫我同B幫下眼. 點知B死都唔俾A買兔仔, 又話可以幫到兔仔, 又話健康D, 聽話D. 我同意, 我並都有叫佢去兔協睇下, 話唔定睇中呢. 但係A話佢去咗個網到睇, 但無一隻鐘意, 佢鐘意O個隻兔, 响I LOVE RABBIT, 睇咗三次, 真係好鐘意. 話已經買晒野, 準備一買就帶佢去BODY CHECK. 我話OK, 如果你鐘意我無必要逼你吔. 但係B就發晒脾氣, 話點都要去免協, 話口口聲聲愛兔, 根本就唔愛. 佢話旺角隻隻都係病兔,點都唔会幫眼. 仲走埋.

講到呢到, 我覺得係兩回事, 我同B講, 愛兔係主觀感受, "救兔"係客觀決定同理論上有具體行為, 兩者可以有關係, 但係唔相同架喎, A睇中咗一隻兔仔, 愛上並想買下, 點解你(B)唔俾人愛自己愛既兔, 死都要人去救兔, 必定要愛上那些兔呢? 我真係希望A可以親身去兔協睇下, 但係絕不同意領養兔的愛才是真, 買兔的愛就不是愛. 那麽領養十隻会不會比領養九隻兔仔的人更愛兔仔呢? 我也愛兔, 但我盡了力去提議, 但講真, A真的愛上了那兔仔, 為何"必定"要A去領養, "不準"A去買他所愛的呢?

不如大家DISCUSS 下. 什麼是愛兔的根本? 買二手但不喜歡的電器, 當然比較環保, 但就能因為這個理由就不準他人買自己喜愛的電器嗎?

講到未, 我既觀點係點解要逼人, 又堅持自己主觀的一套呢?



[ 本帖最後由 ringowong 於 2009-12-2 01:59 AM 編輯 ]

我明白你的意思, 都認同你地建議左你個朋友 A 已經夠, 緣份既o野好難講, 唯有開解下你朋友B ...

[ 本帖最後由 redbean 於 2009-12-2 02:05 AM 編輯 ]

我完全明白
因為我自己有兩隻兔
一隻係買返黎養左一年半
一隻係岩岩去兔協領養左一個月．．．
我覺得兩者都係愛
第一隻我好愛　第２隻都好愛
根本愛兔無分佢係買返黎定領返黎　仲之係一條生命
我就會好好去愛惜佢去愛佢．．．

係呀,其實你愛兔既係愛措生命咁解,
如果你淨係愛兔而唔愛措其他生命,
其實都係一個惡魔,我既兔兔都係買返嚟,
但係我都視佢地為最愛,
咁唔通我又唔兔兔咩,
每次經過旺角見到d兔兔,我都覺得佢地好慘,
係...買,會助長咗佢地做生意既手法,
但係每一隻已經出咗世既兔兔都有佢地生存既權利.

養咩都好, 好睇緣份
如果你真係睇上左佢, 你就會全心全意地對佢
外表靚既兔出面有好多, 但你家中果隻係無可替代的

棄兔源於不負責任或家中有困難的人, 嘗試去領養, 遇到合眼緣的, 就帶佢返屋企愛惜佢
如遇唔到合眼緣的, 亦無須強逼自己, 終有一天那些兔會找到合緣既人

其實只係你地個觀點出同&性格唔同，
好明顯朋友B就係固執派，自我觀念太重。
世界上有好多呢種人，就算呢個FORUM都會有，
但係點樣相處，點樣可以做到大方得體，
就需要去學習處理。

好多時候，身邊既朋友想養兔兔，
我都會建議先去兔協行一轉，
睇唔中先再去PET SHOP。
我自己上過去兔協做義工，
發現網頁既兔兔相，
同實際上見到兔兔係好大分別。

始終，我覺得養寵物真係需要合眼緣，
唔合眼緣而夾硬養，你係唔會為佢花心機落去。
如果兔兔係合你眼緣，你自己會好錫佢，
佢少少唔舒服都會變做緊張大師，
帶佢睇醫生。

我自己覺得唔可以拎二手電器黎做比喻，
覺得太過唔同。
你去買一個電器，會有個目的去買，
之後因為個目的、價錢而選擇2手/1手。
但寵物就唔會因為目的而去買...

呢個課題好學術性@@

我諗果位固執既朋友會諗

點解你可以係街見到一隻你愛的兔..咁點解唔可以去兔協搵到一隻你愛的兔

不過...愛是不應分對方之出處...街買又好領養又好..我相信愛都沒有分高低的

只要你朋友買了兔兔回家後真心的付出就夠..不用介意買還是領養

其實 A , B 同 Ringowong 你地3人係獨立個體, 有個人思想/意見/自由

何必要去執著誰是誰非 ....
亦吾需要別人完全同意自己 or 自己完全同意別人
大家如果有共識, 大家都係愛兔 , 就好足夠,
nothing need to argue :051:

仲有.....

粒粒好得意:033:

粒粒好可愛:014: 只能說做一個有責任..有愛心的兔奴就足夠...最終是買回來或領養都沒開係!!

太過偏激!的確有好多棄兔需要有心人去領養,但點解一定要係佢?勉強比左你又點?個心唔o係佢果度咪又係晒氣!緣份呢樣野並唔係由一個人去話事架!
錯既唔係想養兔既人,而係放棄兔兔既主人,d兔兔係好可憐好令人心痛,但唔代表可以將怒氣發洩到其他人身上!當然,我唔知係咪a有d咩唔正確既態度而令到b咁激動?但可以慢慢勸導同解釋,唔需要咁勞氣!

真係愛兔兔,最基本做好照顧好自己隻兔兔先!有時d野唔係你滿腔熱情就可以解決到,相信大家都見唔少!

hope 朋友b可以放鬆d, relax~
hope人人都有愛兔既心, 但可以係唔同既方式~

多謝咁多位既分享。估唔到大家對個題目咁有興趣。

其實，講到尾我明白，亦都同意b，只係我覺得唔好逼人，真係唔鐘意就萛啦。
以前我隻兔粒粒會俾我一路抱一路瞓，之後我去咗外國一年，番黎之後佢好似同我無咁熟，唯有慢慢建立番。
我好鐘意同佢影相，佢都會坐定定俾我影架，下次再分享。

It will be better if  your friend go to Rabbit Society and take a look first.
Usually, rabbits look different in photos. Besides, Rabbit Society's website are not always updated.
I understand why friend b were angry.
I thought it would be totally different if friend a DID go to RS.
Friend b actually doesn't mean we should love RC's rabbit more than those in pet shops.
Rabbits in RC and pet shop share the same rights of living, BUT if we want to help rabbits, we should consider those in RC first.

The point is friend b need to understand friend a only want the one in the pet shop, and is no need to persuade her, cause she can never change friend a's idea ;)

其實只要真心鍾意兔兔~會照顧佢一生一世~
買同領養都係一樣!!

我都認同合眼緣真係好緊要...
如果要夾硬領養一隻唔合眼緣o既兔兔~
反而可能會更加影響到兔兔~

不論買定領養,都要一樣咁愛佢地!!!
咁先至係一個真正愛兔o既人嘛=]