只係想搵人聽下我感受....:(

我養左我個囝都半年幾喇,
可能因為要換毛問題, 近排個囝甩毛甩得好勁好勁..
抱完距之後都可以見到幾舊毛係到飛..
我已經成日都同距梳毛毛,但梳極都仲有..
之前岩岩買個囝返黎果陣,屋企人都吾反對..
而且有時都會幫手幫我餵野食同斟水果d..
但係近排因為個囝甩毛太勁喇..
攪到我媽咪有鼻敏感(距之前無的)..
之後就係甘話我個囝,又話叫我出街要閂room門..
又叫我吾好成日抱距出黎,又話有豬流感..
總之好多吾想聽既說話都講哂出黎:077: :077:
琴晚仲叫我掉左隻兔仔距!!我覺得好過份!!!
我點可以甘吾負責任話養就吾養???
距究竟有無理過我感受!!?因為自己病就甘!!
距都有生命架!!!點解成日都覺得距似怪物甘??
我真係好吾開心..所以先係呢到發洩下我既感受..
多謝大家比耐性睇我聽篇廢up.....:050: :050:

p.s. 囝囝吾洗驚,媽咪一定吾會吾要你!一定會保護你!!

你可以解釋俾你媽咪知
兔兔換毛係一個短暫ge必經階段
並唔係成世都係咁甩毛
你仲可以用空氣清新機呀個d解決
anyway好彩你唔放棄，撐住呀
同埋解釋俾佢知豬流感係都只關豬事(更何況其實與豬無關)，唔關兔事=.=

其實養動物真係要同屋企人有商有量架~
當然,我地一定唔可以咁樣就遺棄兔兔la

既然媽媽有敏感~唯有生活上將就一下~
因為敏感都可大可小~
例如你自己勤d吸塵,勤d幫佢梳毛~盡量將你仔仔玩既地方同你媽媽出沒既地方隔開少少,

不過豬流感果d....其實係佢無知je....好好解釋一次佢聽~
佢聽就聽~唔聽就算la~我地自己知道兔兔無事就ok

朋友你唔洗咁唔開心住~~~仲有得傾既~~~
囝囝是不是住係你間房??呢排咪暫時唔好出廳住low
費事你媽真係掉左佢就好音公
你有冇辦法買部空氣清新機??真係幫到好多嫁~!!
我都有用嫁~佢會吸左兔兔d毛毛入去....
你試下搵部平平地既, 放係個兔籠隔離

1. 囝囝放係房養, 唔好通屋走
2. 早/放學回家/訓前吸塵一次
3. 買空氣清新機

我阿媽都有鬧我mocha d毛周圍飛

本身mocha住我間房..而我就同brother同房

但上年我brother無病發好耐既哮喘復發

攪到我阿媽鬧到我反艇...仲話不如唔好養.比mocha媽養算了

但最後都大家有商量..從此mocha就住出廳..brother既病都好轉了

我明白你唔開心.但始終同家人住都要理佢地感受..可能你媽咪講得過份左..

但始終都係因你兔兔而起..所以就要大家平心靜8地找解決方法

呢個我都明白，
MIFFY 係長毛兔，
毛毛飛得更勁。
兔爸又係有哮喘，
自從今年SUMMER，唔知點解突然間發得好勁，
搞到入急症室。
其實都唔知係乜野原因搞到咁，
但我同兔爸都中心有數，
一來香港空氣真係越黎越差，
另外兔爸又係倉到做，灰塵都會好多。
兔婆都有講幾句，
就無出聲話唔好養，
但我自己都心中有數，
唯有勤D洗風扇、冷氣機網，
梳毛就抱佢入廁所，
而家就SAVE $$買部好D既空氣清洗機
暫時就買左D洗鼻水俾兔爸晚晚洗鼻，
都好左DD。

[ 本帖最後由 lingyan 於 2009-12-11 03:34 PM 編輯 ]

多謝大家支持我比意見我:054: :054:
我一定吾會放棄架!!絕對吾會拋棄我個囝!!
其實我個囝囝係同我一間房,絕少出廳玩!!
距行動既地方都只係係我間房都玩..
而且媽咪都好少入我間房..我都成日閂房門..
但係甘樣都可以令到媽咪有鼻敏感...
甘想請問空氣清新機可以係邊到買呀??
希望囝囝可以快d換完毛毛啦:056: :056:

甩毛毛果時就勤少少梳毛^^
唔好放棄囝囝呀, 佢已經同你建立左感情呢~
不過兔兔好多時轉天氣就換毛架喇, 所以長遠計買部空氣清新機係岩架~
加油呀:051:

鼻敏感食蜂膠, 500mg以上~~ comxxta一定唔好, 成份太低~~~

我阿媽都成日好惡咁話要丟左max

又話要劏左佢....

所以我平時都一直宣傳max 有幾咁可愛，max做錯野就話max只係一隻兔，人唔好同隻兔計較咁多....:053:

減低我媽的排斥感