返學返到有啲唔開心..

話說星期二個日..
我地班要present..
到我個組pre個陣..
突然有張鄧掟左出黎..
之後有個男仔a就好大聲咁講: 你望咩呀而家
佢之後仲要推埋枱..

當時我坐喺電腦前面..
個女仔fd拎起支mic準備開始pre..
結果佢大脾就比個張鄧掟中..
到而家都又腫又瘀..
見到都覺得痛..

男仔a本身想掟ge目標係我個男仔fd..即係b (我, 女仔fd同b係同一組present)
但係b佢見到就將張鄧推開,
所以先至會親女仔fd

個陣我要睇住女仔fd..
理唔到b..
a仲要冇冷靜落黎..
除左件外套想打b..
b梗係冇還手..
因為佢知咁係唔啱..

仲有..女仔fd整親..真係好痛..即時紅晒腫晒..
a ge朋友(都係女仔黎的)竟然話: 有冇咁痛呀?咪扮嘢啦!起身啦~
真係好嬲!!

當時miss在場..
但一路到我地走佢都冇提過我地可以報警..
同埋佢都係幫住a..

琴日b同女仔fd家長都去左學校了解..
但結果竟然係話b佢撩人先..
完全係另一個版本..
最後b同女仔fd家長都決定報警..

因為琴日去醫院驗完傷都10點幾..
所以今日先落口供..

啲警察哥哥仲要好惡..質疑b出口撩人..所以先比人掟..

到走之前我地先知..
原來miss話佢冇見到有人掟鄧..
但事實上, 星期二個日佢黎sick room搵我地..佢係親口話見到a掟鄧..
仲話好彩唔係掟佢個邊..佢坐喺度又年紀大..
掟中一定走唔到..

而家成個staff room同埋我個級都有好多個唔同版本..
我地由受害者變左蝦人果個..

冇人問過我地幾個發生咩事, 只係聽a同佢的朋友講..
結果我地幾個就成為衰人..

我覺得好唔抵..
點解學校同警察哥哥都淨係聽a同佢朋友講唔信我地??

冇人比機會我地澄清..



唔好意思咁多位..
晒左大家咁多時間黎聽我呻..
對唔住><

學校可能唔攪大件事, 怕""出名""

今日同個同我地熟又錫我地幾個ge miss傾..
佢同我地講連老師入面都大好多版本..
仲話course leader唔想搞大件事ge其中一個原因可能係院長..
因為院長會係咁話一個老師做得唔好..

我2個朋友而家都仲好嬲..
全部事實相反晒..

而家我地開始擔心老師們對我地印象差..
會比我地唔合格..

睇黎好似好大件事wor
不過如果去到落口供既地步 警察同你地3唔識7都應該唔會偏幫人架?
你地原原本本咁講個事實出黎啦!
支持你

我地有
但警察已經信晒學校同a朋友們講ge野..
好似真係我地錯先咁
我地已經多次強調我地冇郁手先
而家係想告郁手先果個

唔知點解..突然覺得老師唔係可信ge人..
今日呢件事..令我對警察哥哥信心開始動搖><

我地都有後悔唔即日放學去報警..
搞到謠言滿天飛..連警察哥哥們都唔信我地幾個..

如果想追究, 可以搵埋律師幫手

以我所睇, 我覺得樓主你係未睇得夠全面,
除非A係有精神病紀錄, 如果唔係唔會冇啦啦飛張櫈埋來, 一定係B係pre之前已經同A有過節
學校係唔會想搞大件事, so你地都要睇住miss d面口, 唔係你第時就會好難做人嫁喇
而家唔係邊個唔岩既問題, 係要搵人出錢賠返隻腳先, 傷左唔洗賠?有疤唔洗賠?心理陰影唔洗賠?
你朋友傷左 就叫你朋友直接搵掉佢個個賠錢, 唔賠咪出律師信嚇下佢,
咁賠左low大家咪好開心做返friend low =v=
如果 miss講大話幫A, 咪同阿sir講話佢阻差辦工low~
如果你地唔想搞到轉校, 最好唔好上報紙la~

同埋咁啦, 如果b個底好, miss都唔會幫a唔幫b啦~你話係咪先
平時乖d都唔會發生d咁既事~anyway
樓主你真係唔洗理咁多野, 大人既世界真係咁, 唔係話搵出邊個衰就拉左佢
你學校都要理好多野, 如果我係家長俾我知道你地間學校d學生會飛櫈
我一定唔會間呢間學校入, 咁你所有miss都會冇工開, 你要睇大圍d~
你乖~~~而家最緊要係咩?係賠$~咪先以為打人唔洗$喇wor

想當年我都做旁觀者睇過唔小呢d戲....學校多數怕事...又或者係上司比壓力miss要佢收聲..不過個miss真係埋沒良心地收口的話...真係一定好差既榜樣

ka@+,

其實呢個社會就係咁
老師差佬一擔擔
你地宜加係要告人傷人
如果d差佬話你地係先撩人無得追究
就大錯特錯
一, 唔係你個女仔 friend 撩
二, 用口撩人唔係犯法
三, 如果 a 身體有傷, 可以告b, 而唔係可能張傷人一事宜物事外, 更可況比人問候等等不是傷人o既理由
四, 叫佢地唔好屈你俾假口功

如果差人唔理, 記住投訴 , 驚察投訴部同區議員
雖然你唔知a 同 b 有咩恩怨
但做人絕不可以無故當災
我個人認為, 橫掂都攪大左, 就唔可以宜加黎讓步

唔係賠唔賠錢既問題, 傷人應該唔洗賠錢
我覺得傷人o既, 一定要留案底lor...到時 睇官點判

加油呀

JESSIE:
我地同A平時冇接觸過架..
A平時成日都唔返學..
我地都係今個星期先知佢個名架JA..

上年教我地幾個(即係我, B同女仔FD)GE老師都知我地好乖..
但係今次呢個MISS係今年先教..仲要見得個幾次..
今朝同返上年幾個老師傾..
佢地都話今年呢個MISS好怕事..
佢只會幫有利個邊..

咁講法..即係我地輸晒..

而家女仔fd去完醫院驗過傷..
醫生哥哥話係比嘢掟晒..表面傷痕..
但我地個個見到而家係成個位黑晒..
好心痛..



elvisli:
我地真係好唔明點解而家可以有老師可以做到咁..
點解可以見人講人話..見鬼講鬼話??
我明白老師係會有啲偏心..
但係點解可以偏到um住良心講說話??



redbean:
而家冇人聽我地講嘢..
我地諗住寫信去學校個投訴部投訴..
不過都會等埋星期一..因為家長要見院長..
如果真係冇結果..
學校都係淨係聽a同佢朋友所講ge嘢..而唔聽我地講ge嘢..加上focus都係放錯位..
我地會即刻去寄信..


我地都唔希望搞到好大..
但係至少應該比返個公道我地..
我地係比人打個邊..
點解變左我地理虧??

學校就係社會的縮影..
雖然我地學生係成年人..
但係面對咁大件事..根本唔可以即刻做到啲咩..
我由細到大都好信老師講嘢..
因為佢地為人師表..會做個好榜樣比學生睇..
但佢而家對住我地講一套..對住警察哥哥講另一套..
難道呢啲就係老師應有行為??

唔好意思咁多位..
我今次真係好激動..
如果有地方得罪..
請指出及見諒#^56^#

唔需要有人肯聽你地講.只要被襲一方繼續追究.以被襲擊立場就夠

唔係出口串人比人打就係抵死..動手的先係理虧的一方

唔洗聽miss講邊個出口串邊個先..而家個立場係"邊個動手打人先"

學校唔應該有飛櫈事件發生

elvisli:
我地都想用比人傷的立場去追究..
但係而家冇人信我地..
學校得2個老師真係可以保持中立..
佢地話"總之佢掟鄧先就係佢唔啱"
而家的感覺係人多蝦人少..
全部事實都已經比老師們同A朋友們轉晒..

hh0:
而家學校好似冇理到飛櫈事件..
佢地話會比交代我地..
但係而家a淨係say過sorry..
冇下文..
我真係想講..
如果下次佢唔係飛櫈..而係拎刀/攻擊性武器咁點??

我地只希望唔同佢一班..
因為我地真係好驚..
但點解老師唔正視??

如果事實真係好似你咁講~
你學校既老師好有問題~

我諗a同學可能有d精神問題

我自己都試過類似事件,又係有個同學無端端發惡想攻擊我,
當時我真係心諗,你最好埋黎攻擊我,我先明正言順報警~
但係果刻老師叫我避一避,
不過好彩當時我既同班同學們都好明白我係無辜,
落左堂甚至老師+全班男仔落黎接我返課室...仲一齊傾下件事,輔導下~
當我重返課室,好似英雄回歸咁~:051:

自從呢件事之後,個同學就自己罰自己停課,以後都唔上課室,
我知道有好幾個老師都企係佢果邊,(因為同佢好熟),亦都同時一直輔導佢,
過左幾個月後,佢慢慢返黎上堂,
有一次仲寫左封信同我道歉~~
我亦都無乜野喇,情緒一時控制唔到je~

我想講既係....
當時我都知有d老師企佢果邊認為可能係我做左d野去刺激佢~(事實上我無)
但係我無理由因為某d老師誤會我就大吵大鬧,攪到自己唔開心~
事實上我知道自己無唔岩架嘛~
你話你只係唔希望再同佢一班,要求老師正視....
好坦白講...調班唔係一件易事,好多行政工作,而且先例一開,以後d人想同自己朋友一班,又攪d咁既事出黎...你都要睇得全面d~
另一方面,明明你地無理虧,但係要調班,你自己覺得公道咩?

我好讚同"邊個打人先邊個就唔岩"呢樣野~
所以我覺得最緊要係你地自己堅持自己無錯就得~
你唔駛理其他人講咩架~~總之學校話會比個交待你地,你地就等la~
對於一d唔合理既要求/指控唔駛答應唔駛理會~
如果有人問起件事,咪就原原本本講一次,人地誤會既就由得佢~
我覺得唔需要因為咁就攪大件事,亦唔應該退縮(調班),
從正常正確既途徑去拎返個公道就ok~