點為之識去廁所?

我隻兔兔係兔協果陣係唔識去廁所
但琴日接左番黎之後
佢竟然識自動走去個廁所到尿尿同放屎蛋:061:
我冇教過佢
之後幾次我見到佢尿尿都係去廁所到尿
不過屎就成地都係,因為食完草就即痾( d草我放係地下,冇用草架)

咁...其實佢算唔算識去廁所?
還是要屎屎都全部係哂廁所痾先為之識??
如果佢呢個case既話應該點train佢去廁所?
thx!!!!!!

因為兔兔邊食邊放,所以屎屎會周圍都係。佢識得去廁所尿尿,已經好叻,亦都算係識去廁所。

識習慣要尿尿時跳上廁所已經當識去了

咁而家我係咪應該買個草架比佢擺係廁所隔離等佢一路食一路痾?
佢如果次次食野都係企係廁所度食會唔會整到佢有腳枕??

你買既草架係咩樣嫁. 掛係籠外面既? 定係草波?

其實cc唔識係廁所去哂都無問題
你隻兔已經算識去次所
企得多既話可能會有咁既問題
其實唔一定要迫佢識去哂既
我隻兔兔而家多數連cc都識係次所
其實佢去慣左次所就會連cc都一併去埋...唔洗刻意教

我自己都無用草架, 我就將d 草放係廁所邊2扎咁放
我係用長方形廁, 就前面同側面各放2扎拍住廁所
咁佢食就會係上廁所痾就會照食
有時懶就會訓係出面食..一路訓係到一路食
再唔係佢鐘意或者呢排佢覺凍就會自己將草鋪平係地下, 因為我個隻大多數都唔痾尿好準, 係有時痾出界, 所以就唔怕尿濕草既問題

見佢識跳上廁所去大小便已經係識架啦~!
我囡囡買佢果時原來間pet shop教晒d兔兔去廁所架啦~!
唔怪得之我唔洗點教佢識搵廁所啦~哈~!XD:023:

咁應該令佢地企係廁所度食野好d定就咁係地下食??
兔協姐姐話放係地佢地會食得多d
係廁所食我係驚會有腳枕,
我隻仔每隔一個鐘就開餐一次
長期企係廁所我驚會有腳枕><
有冇得預防??

其實d屎周地都係,兔地會唔會覺得污糟??

原帖由 happygirl2009 於 2010-1-4 12:41 AM 發表
咁應該令佢地企係廁所度食野好d定就咁係地下食??
兔協姐姐話放係地佢地會食得多d
,
我隻仔每隔一個鐘就開餐一次
長期企係廁所我驚會有腳枕><
有冇得預防??

其實d屎周地都係,兔地會唔會 ...

係廁所食我係驚會有腳枕
唔會有問題架傻豬~佢唔會長期企起個wc到架~只係食野飲水去屎尿先企下姐~唔會有影響的~!
周地有小小屎冇咩問題架~好正常的~兔兔d屎唔係好污joe咋ma~你見elvisli玩佢個仔d屎咁開心都知架啦~哈~!XD

[ 本帖最後由 雪姬女 於 2010-1-4 01:37 AM 編輯 ]

我試過 真係放係地到佢食得多D , 因為有時我隻衰仔懶, 真係會訓係地下慢慢食
或者係到發下呆又會咬下草, 咬咬下就走去食

雖然話兔係邊食邊痾, 但我見我隻仔有好多時都係淨食唔痾
其實如果你放佢出黎玩既時間長D 走動多D 小D 時間困籠, 相對應該唔會有太大問題
始終佢係廁所時間都好短, 我自己覺得佢係周圍都食到草就好D 唔洗一定要上廁所食
所以就圍係廁所邊 咁佢想上廁所就上去食, 想係地下就係地下食

腳枕大部份兔都會有, 只要小心D 唔係惡化唔係腳瘡就OKAY！

屎其實你可以見到個時執番上廁所同佢講一次做俾佢地要落番廟所, 睇下佢肯唔肯啦.. 不過唔係尿就無問題既