就快山窮水盡....

唉....我家totwo自接養回家以黎,就一直睇醫生..睇左差唔多一年,d巴氏桿菌都係未好
再唔快d好返.我真係驚無能力再帶totwo去覆診

有咩可以增強兔仔嘅抵抗力架:043:

唔知你平時有冇比佢地食香草既習慣呢?

http://mini-house.info/thread-4787-1-1.html

之前珍媽搜集左D有增強抵抗力既香草資料,睇下有冇岩用既?
希望幫到你,但記住唔可以過量,間唔中比佢地好啦

咁多款香草,巴氏桿菌的話.唔知食邊款會好d呢??
同埋唔知可唔可以幾種一齊食呢?

可以試下去rosy果邊問問..我諗佢會有更多意見比你..因為我之前mocha有巴氏菌而側頭時都係rosy解答左我好多問題

rosy??????

http://www.rosybunny.com/forum/index.php

好多病例會搵到

我有次帶兔兔body check, 聽到有D人俾蟲草粉兔兔食，話會提升免疫力喎...

我同你差不多境況:051:
加油~

巴菌好似話係好普遍存在係兔兔度
只要體質健康就唔會發病
好似有D人容易傷風感冒一樣
所以增加抵抗力好重要
唔知我既理解岩唔岩

巴氏桿菌食香草作用不大<-----個人覺得咋,
花侏之前都有巴菌,我都認同hho所說..只要體質健康就唔會發病
我家的ar b 都生活在同一屋簷下,都無病發....

所以花侏好返左之後,都要好多野避開...
例如清潔用品,草碎之類....仲有溫差問題,近排成日忽冷忽熱...
真係好返左,又要再黎過:077:

原來有咁多兔爸兔媽咁努力生活的！！加油呀!!

其實我矇仔一買返黎都有巴德斯桿菌,睇左Betty&Yan,種左菌跟住配左岩既抗生素食都冇咩用,食左個幾兩個月停左,佢地都話好難清,只要我唔介意佢打乞次就得!所以我依家經常都要幫佢抹鼻涕!不過佢除左呢樣野,其他野都好正常!
請問你家兔兔情況係點?係咪唔食藥情況會變到好壞?醫生有冇話一定要KEEP住覆診?希望你兔兔快D好返~

咦??咁我情況同你好似。我從朋友手上接養totwo個陣已經有巴德斯桿菌。
種左兩次菌都話係巴德斯桿菌,抗生素就食左大約半年.情況好左好好好多。平時真係除左有乞次同白色鼻水之外,其他野都好正常。
不過dr.betty又無同我講只要唔介意打乞次就唔洗覆診

巴菌隻隻都有，只要抵抗力夠就唔會病發。

miffy 起初都有，但係醫完之後betty話其實除左流鼻水之外都無其他問題。
而家唯有keep住佢抵抗力好，
唔好病發。
佢日日都食菜菜同車前草lor...

原帖由 lingyan 於 2010-1-6 10:05 AM 發表
巴菌隻隻都有，只要抵抗力夠就唔會病發。

miffy 起初都有，但係醫完之後betty話其實除左流鼻水之外都無其他問題。
而家唯有keep住佢抵抗力好，
唔好病發。
佢日日都食菜菜同車前草lor...

車前草係乾草定係新鮮草???
份量大約每次幾多??
可以喺邊到買到??

THX