你願為愛兔堅持嗎?

如果父母/另一半/子女討厭兔兔的話, 你會為他們放棄養兔嗎? 還是堅持己見呢, 為兔兔方放棄其他東西呢?

我媽一直不喜歡小動物, 我曾為兔兔跟媽大吵, 說要跟兔兔一起搬出, 當時是認真, 連住的地方也想好了, 最後當然我媽屈服啦! (不要學我)
結婚後, 周邊的人常說兔毛會影響未來bb身體, 叫我不要養, 當時我心諗你都傻, 我寧願要兔也不要bb. 其實好怕父母壓力, 好采另一半也是愛兔之人, 只要堅持什麼也不怕.

人家說話人家說, 最緊要自己做足功課有理據

不論貓、狗、兔、鼠, 毛毛都有機會令人敏感, 而貓、狗更可能有菌傳染人
預防的方法有很多, 我身邊有很多朋友有養竉物又有養小朋友, bb都好健康
亦有研究, 若小朋友自小接觸小動物, 身體抵抗力會較其他人高, 亦較會有愛心
詳細資料你可以上網找

好多野都係藉口
如果你個心真係想養既話
根本冇野可以拆散我地同d兔兔
因為我地一定會想盡辦法去解決
而唔係唔要佢地!!!!!!

通常我會在帶小動物回家前看看家人的意願再決定，如果他們不是特別討厭小動物的話，一般都OK。其實我選擇養，家人不會很管，還會慢慢喜歡上，因為不用他們照顧，他們只係負責和他們玩。
我同意經濟獨立很重要，小動物的洗費自己一力承擔，不要家人幫助，這樣也會好一點。

原帖由 happygirl2009 於 2010-1-7 12:17 PM 發表
好多野都係藉口
如果你個心真係想養既話
根本冇野可以拆散我地同d兔兔
因為我地一定會想盡辦法去解決
而唔係唔要佢地!!!!!!

AGREE!!!好多都係藉口姐, 話兔兔令BB敏感的話,
咁D非洲人係點出世嫁?佢地都係同D動物生活係一齊
到BB要係有兔兔既情況下出世, 佢就要自己免疫抵抗, 咪先人類點進化?

我家人都係一時中意嫁咋, 有時兔兔激嬲我DADDY 媽咪, 佢地一出聲就話唔要佢嫁啦
(我家人冇人性既, 細細個我DADDY撿左兔兔回家養, 養左幾年阿媽一句唔中意就掉左佢上山了,
我跪係度喊哂求佢地都唔理,真係記佢地一世)
SO我而家搵既鋪頭都可以住得人的, 兔兔有時可以回家住, 有時可以住鋪頭

而我另一半雖然係鼻敏感, 不過如果係愛我, 都會俾我養兔兔, 因為佢會知道兔兔對我而言是親生女,

然而如果佢唔中意兔兔, 我唔會再俾佢做我"另一半", 唔體諒對方心情既要黎做咩=_=

[ 本帖最後由 Jessie 於 2010-1-7 04:01 PM 編輯 ]

因為我本身18歲已經搬左出去獨立同朋友住..
不經不覺無同屋企人住都6年啦,不知幾開心....自己鐘意點design間屋都得
約朋友黎打牌又得 打邊爐又得 好寫意
我本身自己係一個好硬好屈強既人
我覺得 我自己有能力 我自己搵自己洗 無人有資格話我囉...
而且又唔洗寄人離下 就算同屋企人住 嘈起上黎 咪又係話你痴住屋企...
反而搬左出去關係就好左.... 我都會成日返去探佢地
不過前排10月喵喵做絕育 我阿媽又發癲 好話我用2千蚊去幫喵喵絕育
又話我d阿E d貓都係$500-800
之後我就話喇　我搵個醫生好出名　即 dr betty ｄ兔朋友介紹既
佢就話佢地呃我　佢都有病　我一於懶理　照同喵喵去做囉
之後我ｍｓｎ仲要串我媽　佢用MSN 的 寫住" 我覺得用左２千蚊好值得”
好老實　我自己搵既Ｄ錢　我點洗關佢咩事姐
我就算鐘意亂咁買野亂咁用　Ｄ錢都係我搵既　無人有資格理
而且係關於我喵喵生命　我多多錢都肯為佢花的　＾＾

我自己以前因為同屋企人住 養動物呢個問題嘈左好耐, 後尾我決定自己搬出黎住, 再帶普樂番屋企, 本身想養狗既, 不過當時住緊地方係可以養先租, 點知到包租公黎個時話唔俾..結果就養左兔, 以前都養過兔,但俾夠媽掉左, 仲厄我兔兔自己走甩左..搞到我喊左好幾日, 不過依家諗番, 個時養兔知識唔夠, 可能係我手上都好快會離開我..都唔知係好事定壞事, 呢因為呢樣野我成日都仲梗梗於懷, 結果就決定去養番隻兔！

依家我屋企人都有成日叫我番去住 但我都唔會肯, 因為我唔想到時嘈交, 唔想佢地再掉普樂出街. 所以我點都會揀自己住, 除非TOUCH WOOD去到一個地壞既環境無能力先會考慮番去住

就算以前我屋企人當初肯俾養, 養到後期要我"放生"我都會堅持唔做呢個決定！因為我唔想佢地出到去會死..但個時太細, 可以推到一次得一次.

至於另一半, 我一直都堅守住一點我自己係好鐘意動物既, 就算另一半唔係好鐘意都唔可以討厭或者唔歡迎佢係屋企, 老實講, 如果佢要我因為佢而放棄養緊既動物, 我唔會肯, 因為我覺得同得我一齊既, 就應該一早就知道呢一點, 你認為接受唔到既就唔好同我一齊！

不過都好好采, 雖然男友本身唔係好鐘意兔, 但佢都無反對, 當初仲話一定唔會照顧佢, 最多同佢玩, 但到依家半年時間, 普樂番左黎幾個月男友已經好錫佢, 仲成日走去搞下佢摸下佢, 而且又肯幫手照顧佢, 我都覺得自己好好彩~

我中學時養過一隻兔, 係徵求左爸爸媽媽同意先養,
我覺得呢點好重要, 因為屋企大家都有份, 如果屋企人唔想養, 自己都堅持要養既, 係自私既行為
雖然我父母唔鐘意動物, 但都知道小朋友有愛心係好事,
之後兔兔有咩病佢地都肯車我同兔兔去見獸醫, 肯俾醫藥費
後尾我去左英國讀書, 細佬就負責幫我照顧兔兔, 到兔兔後尾死左, 我媽媽仲幫我火化左隻兔, 我都好慶幸我一家人都咁明白事理

到我讀大學同男朋友一齊住, 養rabbit仔之前我都有問清楚男朋友係咪真係冇問題
講清楚養兔會有咩麻煩, 會可能用好多錢
佢都真係冇問題我地先養rabbit仔, 因為我唔想佢之後發現原來有咁多問題, 到時先怨/反悔
好彩佢都真係好錫rabbit仔, 每日主動幫rabbit仔執屎, 又會用好多錢響rabbit仔身上, 我地有事要送rabbit仔去寄養, 佢會驚rabbit仔怕嘈, 寧願俾千幾蚊搭的士, 唔搭火車

同埋其實我領養飯飯之前 我男朋友話唔好又拎多隻返黎
到真係中左 反而我自己係度諗 要唔要佢
因為好擔心佢喵喵夾唔到 但反而我男朋友就話 你領左
人地批左 點可以唔要咁唔負責任架...結果佢支持我拎埋飯飯豬返黎架 ~~^^
仲話會幫我手照顧佢地....
雖然平時佢都無幫我理佢地 不過都有同佢地玩摸下佢地
上個月我要去拍廣告 去左4日3夜廣州
佢仲幫我照顧得佢地好好...正到個籠好乾淨等我TIM^^~~

如果屋企人同你講，你養個仔駛費好大，不如掉左佢/送佢去孤兒院

咁講你都會覺得果條友係青山走甩左O既病人啦。

但係點解當一個生命唔係人類，人類就自把自為咁決定佢地生死呢?

仲要明明係當初你帶左人地返屋企先個喎...

所以而家我阿媽話要掉左MAX，我都唔會理佢....

又有人話，如果另一半唔俾你繼續養呢？

咁我會選擇唔要佢，寧願要返隻兔。

老土D講句，眾生平等。我從來都唔覺人類比較superior
應承得兔就唔可以爽約。

原帖由 喵喵 於 2010-1-7 05:33 PM 發表
因為我本身18歲已經搬左出去獨立同朋友住..
不經不覺無同屋企人住都6年啦,不知幾開心....自己鐘意點design間屋都得
約朋友黎打牌又得 打邊爐又得 好寫意
我本身自己係一個好硬好屈強既人
我覺得 我自己有能力 我 ...

唔好意思都要講句=-=你阿媽真係好...............衰low........
你用$2000關佢咩事呀, 你都大啦, 呢d你d $ 來嫁嘛,
我阿媽都係咁講嫁, 佢會俾我帶兔兔去睇醫生, 有時佢見到阿BEE唔對路,
都會叫我帶佢去睇醫生, 因為果d我d錢來嫁嘛, 都唔關佢事啦,
咩貓500-800, 咁姐係你d阿E D貓有病又掉佢地出街買過隻??
呢d咩思想黎嫁, 拜佛信天主信耶穌 都唔會認同呢d思想low

原帖由 Jessie 於 2010-1-8 02:17 AM 發表


唔好意思都要講句=-=你阿媽真係好...............衰low........
你用$2000關佢咩事呀, 你都大啦, 呢d你d $ 來嫁嘛,
我阿媽都係咁講嫁, 佢會俾我帶兔兔去睇醫生, 有時佢見到阿BEE唔對路,
都會叫我帶佢去睇醫生 ...

係呀　所以我好唔鐘意佢咁講野

原帖由 firen_freeze 於 2010-1-8 12:51 AM 發表
如果屋企人同你講，你養個仔駛費好大，不如掉左佢/送佢去孤兒院

咁講你都會覺得果條友係青山走甩左O既病人啦。

但係點解當一個生命唔係人類，人類就自把自為咁決定佢地生死呢?

仲要明明係當初你帶左人地返屋 ...

agree, 動物都有生命啦, 都有感情嫁, 同人有咩分別??
養之前已經知道要洗$嫁啦, 養個仔都要$啦, 何況係動物,

唉不過我係呢度講咩都冇用, 呢個討論區99%都係有心人,
係要教化冇人性果班姐

原帖由 Jessie 於 2010-1-8 02:21 AM 發表


agree, 動物都有生命啦, 都有感情嫁, 同人有咩分別??
養之前已經知道要洗$嫁啦, 養個仔都要$啦, 何況係動物,

唉不過我係呢度講咩都冇用, 呢個討論區99%都係有心人,
係要教化冇人性果班姐

係囉　依家佢話我點曬錢都好　我都唔理佢講野了
因為我覺得我辛苦搵返黎既錢
我值得咁去做　我咪用囉
我見到喵喵健康快樂　開開心心　我咪用錢去幫佢絕育囉　換黎好多開心　＾＾

同我一樣~~媽咪都係勁唔鐘意兔~~所以我同老公搬左出去lu~~雖然地方都唔會好大~~但係我地一家大細都好開心~~老公唔係唔鐘意兔~~但係你話佢好鐘意又唔係~~即係唔會憎~~亦都唔會理~~好意外地~~買左返黎佢都會負返個責任~~我唔得閒佢會餵威威~~又會幫威威整好多野~~買好多野比佢~~