今日岩岩同斐斐去睇 dr. yen, 就上黎分享下, 睇下對其他兔友有冇用啦!
斐斐的腳枕較輕微, 只是腳跟位有個圓圈位紅咗冇哂毛, dr. yen 話大部分養咗一兩年的兔兔都會有呢個問題, 係遲早的事, 因為冇發炎, 結果都係冇開藥, 只係叫我每日搽少少凡士林喺個位度, 佢話凡士林係冇任何療效的, 只係滋潤下果個位, 同埋俾機會個主人 keep 住 check 到情況有冇惡化到, 冇咗毛的位置, 因為皮膚細胞已經死咗, 個位係永遠都唔會生番毛...#^37^#
至於個籠, dr. yen 話就算係平的膠籠底都係太硬, 要我鋪 vet bed, 但我一直都唔想用 vet bed, 覺得痴草痴毛太難清理, 我話我已經鋪咗 abc 墊, 佢個樣好似唔太滿意咁...不過問咗佢話毛巾同d坐墊 cusion 都ok...
至於廁所, 因為斐斐個廁所同草架好近, 等佢邊食邊柯, 我特登買五角形廁所等佢企/坐得舒服d, 但因為唔係平, 所以都係對腳仔唔好, 現在掙扎緊好冇將草架廁所分開... 同埋 dr. yen 話如果兔兔鍾意成日坐廁所, 係因為廁所包住佢佢會有安全感多d, 為咗令佢唔成日坐廁所, 就要喺個籠度放個紙盒或者屋仔俾佢 lay 入去, 我咪話放咗屋企個籠咪會好細 lor, 佢就話我本身個籠個 size 都細, 應該換個大d ge 籠... (但係已經用緊紫色 alex 籠了, 再大我屋企行都冇位了...#^19^# )
幾個月前已經因為呢個腳枕問題睇過將軍澳 dr eric clinic 的女醫生 (因為當時 betty and yen 都放假), 但今日再問番 dr yen, 好多 information 都唔岩lor, 所以揀 vet最後, 真係要謹慎... 最後, 本身斐斐睇開 betty, 因為 full booking 先第一次睇 dr. yen, 我覺得 dr. betty 俾我感覺親切好多, 但 dr. yen 檢查又好似細心d, 各有各好! |
|