有冇人可以幫下我

我收養左 david 半年(1 year old) , 佢一向都細胆/好奇/小小惡, 但從未咬過我, 又識去 vv,
但我在 1月1日收養多隻仔仔 (叫 jan jan) , david 就開始精神緊張/兇惡, 成日係 jan jan 圍欄 vv & cc, 又追住我 (好似想咬我咁)

以前 david 可以全屋走, 而家就 only 比左個客廳 jan jan,
david 放在飯廳, 客廳&飯廳 同間放圍欄, 用長枱布隔住圍欄, 佢2個無見面,

以前 david 多數由我照顧, 但 jan 黎左后, 我就照顧左佢 1 week, 少左理 david, david 由兔爸照顧,
可能係咁, david 不開心, 在1月9日 早上, 我清潔好 jan 個寵, 洗左手, 就放 david 出黎, david 好緊張 & 兇惡, 不停聞我隻手同衫 (maybe 有 jan 的氣味) , 我用幾粒糧去氹 david, 怎料david 食完就咬我手指公, 佢好大力,  手指公不停流血, 我十分震驚, 一路cry 一路鬧 david, 原本都有 d 嬲佢, 我只不過係中意兔仔, 想養多隻, 我都係好錫 david, 但佢竟然咬我, 我不但手痛 (傷口到而家都有小小痛), 仲係好心痛, 最主要係吾知以后點同 david 相處 , 但而家係嬲自己, 令 david 不開心 又照顧吾到 jan  ...

1月10日開始, 改為我照顧 david, 兔爸照顧 jan , 但 david 好似對 兔爸不太兇惡 , 兔協的小姐同我講, 可能係 david 覺得有外來者入侵佢屋企, 而且又因為 jan 由我照顧, 又少左埋 david ,
david 其實係好中意我 ,所以先咁嬲我, 的確, 呢2日的觀察, 好似真係咁 ...

其實jan jan (4 years old) 好乖, 我知佢成日想周圍走, 但為左令 david 慢慢適應 (因為 jan 不抗拒 david, 係david 抗拒 jan / or 我 ) , 只好等 david 係房間先放 jan 出黎走動下,

被 david 咬過, 呢2日都好驚佢, 佢一走埋我度, 我就佢留意佢, 驚佢又咬我,                       
以前我係屋企就一定放 david 出黎, 但而家, 如果得我一個係屋企, 只會放一陣 or 吾敢放, 兔爸係度先放耐d
我吾想咁對 david, 係我吾好, 令 david 緊張/兇惡 , 又令jan 成日困係寵入面

大家可能會話我, 咬下又駛乜咁驚... 但第一次比david 咬, 就咬得咁 "甘" , 真係好大陰影 ...
我都一早預左 david 同 jan 未必 bonding 到, 但我從未想過 david 會咬我 , 佢原來咁嬲我 ...

希望大家吾好話我, 我已經好內疚, 一見到 DAVID 就 cry ,
有冇人可以幫 / 教 我點做 ?? 最主要係我吾知以后點 同 david 相處 , :054:

[ 本帖最後由 otola 於 2010-1-12 02:22 PM 編輯 ]

其實真係要有方法比佢知咬你係唔岩..例如佢咬你之後.你反應可以誇張d.比佢知道整痛左你.唔好鬧佢..

因為佢出發點係唔想自己阿媽比人分左一半...我認為你明白呢一點

唔好表兀得驚佢...佢會感到更加比你孤立..因為事實上..janjan黎左之後佢既生活習慣真係改變左

而且兔兔是習慣性既動物..已經比人分左一半阿媽..仲要連玩既時間同空間都咁大轉變的話..就更加有大既反應

所以我認為你應該放膽比佢一如以往的空間..而你亦都唔好驚..要表現得更加愛佢

比佢知道..其實就算多左janjan都好..都會一樣的愛錫佢

兔兔有地盤意識 (四圍vv及cc係霸地盤的表現), 而家地盤和主人都比人分左一半, 當然唔開心, 不過david反應咁大, 我想問佢絕育未呀?

你由1/1帶janjan回家到而家只係12日, 建議你買圍欄圍2個範圍比他們活動及慢慢適應對方, 你要預幾個月時間, 唔好心急

唔好咁唔開心啦,  Bonding失敗係好平常既事, 由其係遇到一D比較獨立既兔兔

我家Toffee & Gravy 同你既情況好似, 佢地而家相處左一年都未BOND到嫁

Toffee既脾氣仲變得好臭TIM, 小小野就"咕咕"聲鬧人, 同咬人

當初有諗過放棄GARVY, 不過我知道係我唔可以咁,要對GRAVY負責任

如果David既脾氣真係改唔番, 做主人既就要就下佢啦, 唔好做D會激嬲佢既野

雖然我家兩隻野BOND唔到, 唔會一齊自己行, 不過我會張兩個CAGE痴住放, 就算FRIEND唔到, AT LEAST 比佢地知道有大家既存在

david 係圍欄附近痾屎痾尿可能係霸地盤
而佢咬你, 係唔係你手上有janjan既味, 所以佢唔鐘意而攻擊你﹖
因為我都曾經有湊過另一隻兔番屋企, 我原先隻兔係聞完都有咬我..

仲有呀, 你咁驚佢咬你 david仲唔開心呀, 我初初第一次都俾普樂咬到把把聲流到一地都係血..= =

[ 本帖最後由 bonedog 於 2010-1-12 01:45 PM 編輯 ]

david 咬完我,  我立刻趕佢入寵, 一路cry 一路鬧 , david 定一定, 之后繼續食草 ... maybe 佢覺得無乜野大不了, 但我好心痛, 我到而家都好愛佢, 更愛佢 ..

但一放佢出黎, 佢會不停聞我隻手 & 衫, 有小小想發瘋咁,  我會好驚, 真係好無用,
以前餵佢食糧好開心, 我會放糧係手心,可以乘機抱下撫下,  但而家....

[ 本帖最後由 otola 於 2010-1-12 02:25 PM 編輯 ]

david 絕育了, 佢係兔協領養

我無心急, 而且一早預左 david 同 jan 未必 bonding 到, 但真係未想過 david 會咬我 ,

我覺得好對吾住 "愛我的 david"   同   "好乖的 janjan"

原帖由 otola 於 2010-1-12 01:55 PM 發表
david 咬完我,  我立刻趕佢入寵, 一路cry 一路鬧 , david 定一定, 之后繼續食草 ... maybe 佢覺得無乜野大不了, 但我好心痛, 我到而都好愛佢, 更愛佢 ..

但一放佢出黎, 佢會不停聞我隻手 & 衫, 有小小想發瘋咁,   ...

不如試下放出黎後.你坐係地下收埋對手乜都唔好做.睇佢有咩反應.

我認為要放膽...皮肉之痛可能會換黎修保關係的機會..十分值得

我老公都話我, 比兔仔咬下之麻, 駛乜咁驚 , 我知係我無用 ...   

1月9日 佢咬我個日 , 我都有去 兔協 gathering,  david 見到其他兔仔, 好似死狗咁,

所以我更加覺得, david 係嬲我 ,  而不是好憎 janjan

你第一次都俾普樂咬,  咁你之后點同佢相處  ?
點先吾會咁驚david ?

[ 本帖最後由 otola 於 2010-1-12 02:18 PM 編輯 ]

而家放david 出黎, 會帶對 "勞工手套" +  一定著拖鞋 + 條褲拉低d , 不能露出小腿肉

好似放獅子出黎咁

係唔係試過除左手之外..身體所有部份都會追住你黎咬

咬我個日, david 先抓我隻腳, 之后我比糧, 就咬我

如果我今晚去試下抱佢 ,  一路抱一路講下野,
等佢知我吾驚佢 , 好吾好呢 ?

但未必抱到, 佢好抗拒

應該唔好抱...因為唔好做兔兔唔鐘意既野..

可以放係床邊.你試下用手摸下佢.傾下計..我認為日日咁樣做.令兔兔覺得你不會傷害佢..久而久之一定有成效

知道了,

雖然放少左 david 出黎, 但我會坐係佢寵出邊陪下佢, 同佢傾下計, 希望有用