help !!!

大家好~
我隻兔仔屙爛屎   屙好多爛屎  不過佢仲不停食野同飲水
大家幫幫忙睇睇係唔係我養ge方法有問題搞到佢病左

我本人係墨爾本
我係係一間LOCAL PET SHOP買我隻兔仔的
當時個鬼妹STAFF好註細咁介紹點照顧隻兔仔, 介紹我買左D 日常用品比我隻兔仔
不過我覺得佢介紹GE養兔仔方法好似同我係FORUM同網上搵到GE方法有D出入
主要係食物個方面有D唔同
最重要一點係我問個staff 兔糧要一日比幾多佢食~~佢叫我比滿d兔仔食~見到佢就快食哂就再比多d佢~ 者係冇限量供應比兔仔食. . . 不過我係forum見到話兔仔係食草為主, 糧只係一日比小小 , , ,為左尼個問題, 我去過問另外一間local pet shop, 佢都係話叫我無限量咁比糧兔仔. . .( 兔糧有: wheat, sorgham, whole oats, black sunflower seed, banana chips, paw paw, sultanas等等, 唔係啡色一粒野架d糧, 係有d乾果粒, 有d粟米粒, 好多小麥粒粒, 我覺得好似雀糧)
我隻兔仔依家屙爛屎  會唔會係食得太多糧   營養太多消化唔到所以屙爛屎尼??
我好唔好唔比佢食糧住~~只比草佢食先呢~???
有冇melbourne ge朋友仔話我知邊間vet可以醫兔仔架~定間間vet都可以??
唔該哂
p.s 兔仔好似有d唔精神, 平時佢會跳兔仔舞, 不過佢尼幾2日都冇跳
成日都訓係到,  冇咁活躍
仲有我係網上SEARCH過 HK買D草應該係好綠架, 不過我個包草好多枯枝, 黃多過綠, 所以兔仔都揀曬D綠GE食冇食D黃GE ( 黃綠比例大約係7黃:3綠), 不過個STAFF 話尼隻已經係最好quality. . . . .兔仔好似唔係好鐘意食

[ 本帖最後由 兔兔 於 2010-1-15 08:49 PM 編輯 ]

hi, 我係紐西蘭架~
可以同你講~ D PET 教既方法係錯, 錯, 錯晒~~~
不過因為係外國, D 人多數都放D兔係花園, 變相兔地有冇限量既鮮草食,
所以以為乾糧係主食~
糧, 可少則少~ 以前有花園, 我養幾多隻都冇事~
自從搬左, 冇草地, 兔地明顯地易病~
黎左mini-house 之後學左好多野~ 不過係外國, 有D野可以變通~
醫生亦唔係個個識睇兔仔~~
我個VET講, 我諗紐西蘭同澳洲差唔多~
係PET SHOP 買果D草, 頂多比兔地作bedding 用~
食? no way, VET 話其實好污糟, 又唔啱食~ 兔仔最好食timothy hay, 係南半球種唔到~ 所以係冇啱既乾草食架~
有2個方法~
1)我現用既, 請朋友係香港買草, 好就係有靚草食, 健康左, 唔好就係, 貴到爆, 草要高溫消毒, 試左幾個牌子, 只係ADP消毒完之後仲綠~ 久唔久要有鮮草食~
2) 係花園養, 夜晚入屋, 咁當然係要有草比佢食, 同唔好太夜先帶佢返屋企~ 其他食既要照常, 即菜呀, 少少糧咁~ 要有地方比佢遮太陽, 兔地會自己搵舒服既地方晒太陽瞓, 不過多年黎既經驗, 兔地一次只會晒一小部份~ 好似晒PAT PAT,半邊身咁, 唔好係太陽下直晒~~ 花園一定要有水比佢隨時飲~

糧- 雜糧更加NO, 最最最簡單綠色粒粒就得, 雜糧兔地好易揀食, 好味就食, 唔鐘意就唔食, 幾好營養都假~

仲有, 而家係corn 既season, 我比corn D蘇同葉丁丁食, 佢勁鐘意D蘇~
食左屎屎好大好靚~
D corn蘇我媽咪係留黎煲湯~
係中藥角度黎講, 營養好好~
所以而家留比丁丁食, 以前要同媽咪爭架~
葉就食D唔食D, 不過食完D屎都好正~
但唔好過量, 因為始終唔係兔地既正餐~

你隻兔兔幾大?
兔仔主食食草, 兔糧係啡色1粒粒架
你唔好再餵果D糧啦

兔仔主食係timothy hay,
我地多數食apd, oxbow, momi lee d牌子既草
如果仲係BB兔, 可以加alfalfa草比兔B食
同埋BB糧, 早晚1次
timothy hay係無限量比兔仔, 仲有磨牙作用

E+首要做係買草+睇vet
但唔大清楚澳洲邊到有識睇兔ge vet..

我住apartment,,, 2樓  冇花園得個露台. . . 我可唔可以自已去剪d草反去比兔仔食??
如果得ge話, , ,係唔係公園普通d草就得???要唔要洗下佢先??:055:
我唔敢帶兔仔落公園食草因為好多人放狗, 我怕佢會比狗嚇親
如果要係hk寄d草尼,,,應該唔係咁可行~因為澳洲禁止植物入境架嘛
尼邊太少兔仔用品 :046:   想買多d野比佢玩下都唔得
個鬼妹仲話個d雜糧有營養d :052:  7聽日都係快手去買反d綠色粒粒糧比佢食住先

我尼到冇尼幾種草賣. . .我已經搵左好多大大小小寵物店:056:
可能我比左太多糧佢食. . . 佢都唔係好食草,,又可能d草唔靚佢唔想食啦~

你點都要帶佢去公園一次, 留意下佢食邊D草~
如果剪草, 你要日日剪足夠份量比兔兔~ 要洗下先比佢食~
佢仲係屙好多爛屎??? 睇左醫生未?
你比唔比糧, 佢都唔太食果D垃圾草~~
佢等只係當床舖架JA~

寄草, 紐西蘭一定嚴過澳洲~
草磚, 草屋, 草波, 我比海關掉唔少~
寄草既話, 只係一箱草, 唔好加其他野~
有膠袋一定要攞走佢~ 只係紙箱同草~
海關一定要你消毒~
我用快遞加埋消毒一定要個幾星期~ 你自己預時間~
海關扣起你D草之後, 會問你要點消毒~~
你只可以揀高溫消毒, 其中咩都唔得~ 有化學成份一定唔得~

supermarket 去D大間D或pet shop, 我記得有alfafa草賣,
係澳洲出既, 一小袋, 用啡/綠色紙袋~ 不過都幾貴下~
你留意下有冇~

其實澳洲有冇網上order草呢?

.( 兔糧有: wheat, sorgham, whole oats, black sunflower seed, banana chips, paw paw, sultanas等等, 唔係啡色一粒野架d糧, 係有d乾果粒, 有d粟米粒, 好多小麥粒粒, 我覺得好似雀糧)

我留意到呢段，兔仔食栗米粒乾果等等，咁就係雜糧啦，好多都係有殼食物，消化唔到係好容有爛cc，佢地根本消化唔哂~咁樣好易病....。

多謝哂你GE意見 ^^
今日兔仔屙少左爛屎啦, 早上9點到下午6點都係屙左3粒爛, 其他都係圓GE~偏黑
佢今日都有開心左小小, 出尼玩都會FING下頭摟下PATPAT彈下彈下咁
我見過有寫住ALFAFA 盒糧賣, 不過唔係全部都係草, 得好小草, 其他係個D小麥粒粒同生果粒粒, 近乎. . . . . .無草:069:
平時夜晚佢如果食哂D糧冇野食佢都會食下D草, 第2朝起身我會見到小左好多草
不過如果比好多糧佢佢就唔係點食D草, 如果餵佢佢都會食10幾條GE~
我決定聽日去剪D草反尼比佢食下
實在唔敢帶佢出去, 太多人放狗, 又無兔帶
佢跑得好快, 捉唔反就麻煩

----
RE AKAICATHY
冇見過有得網上ORDER好似HK賣個D草呀~ 籠同其他生活用品就有

個包雜糧已經食左一大半. . .  可能真係消化唔到搞到佢屙啦
今日我問個STAFF 個包雜糧同深綠色一粒粒糧有咩唔同
佢依然叫我買雜糧, 佢話對兔仔好D WO~多D營養
不過最後都係買左深綠色一粒粒糧比兔仔啦

咁當然啦, 雜糧貴咁多~
我個VET 直情同我講買最平得一粒粒既糧就得~
D BEDDING草, 其實所有啡色既都已經唔啱食~
都係去剪多D草啦~ 同暫時比多D菜~
我買個包A草磚有以下網址~ 你睇下有冇用~
http://www.petbarn.com.au/