點解會變成咁?

琴日帶左森美去dr.yen度做body check
之後番到屋企成隻兔唔同哂
佢好驚我
比草佢都唔係好肯食
唔肯飲水
又唔肯入籠
蹲係d平時唔會蹲既位(平時佢會訓係我腳邊,而家佢蹲左係牆角&床梯底)
我feel到佢已經完全唔相信我
我好心痛...

睇e生果時check到佢咀仔損左,同埋腸胃唔係咁好
不過睇e生之前佢精神好好,好肯食野,就算咀仔損左但都照食好多野
只係便便冇之前咁大,但飲食方面冇問題
但睇完e生之後個情況差左好多
本來冇病
但而家又唔係好肯食野又唔肯飲水
食草都只係揀食葉
揀食問題salient左
又驚左我
我唔知點算

佢而家唔肯入籠,
又唔肯入我房
出左去廳既一個暗角位度長駐..

我應該點做??
重要餵佢食藥同洗傷口
佢一定驚多幾錢重...

我真係好傷心!
感覺就好似同佢呢兩個星期建立左的感情一瞬間冇哂
佢重要咁驚
佢初黎到我屋企都冇咁驚
我好內疚

岩岩出完街, 有d 驚, 過幾日應該無事既
為左佢好, 點都要餵藥同洗傷口, 被佢嬲一排都無辦法

咁其實係唔係正常(睇完e生的反應)??佢嬲我/驚是否只係暫時性的?
我而家應該點做??應唔應該關佢入籠比佢冷靜下,定keep住比佢自由出入??
佢而家訓左係佢個廁所度,我關左籠門,諗住比佢同我保持距離

正常架~~~棉花糖通常一睇完醫生就會一支箭咁跑返個籠度,點都唔肯出嚟架,又唔痴我(平時佢好痴人)
你俾d時間佢,佢覺得安全就會正常返架啦~~~

唔好咁down啦~~~~

比佢靜下...
呀b去完剪毛剪甲次次都會嬲我地... 最長果次係一星期...
一返屋企用背脊得住我地... 對我地少左互動... 又唔跳兔仔舞...

我諗都好難可以有番安全啦..
一有番安全感
又係洗傷口同餵藥時間
之後2個星期後要重要去覆診
森美應該有排驚...:047:

見到佢咁
我真係好down呀

佢而家係籠入面
肯食番野
頭先見佢都有番d水
有好多便便,不過就比之前果d細少少

唉..

唔好咁擔心住..
波波次次睇完醫生/去完兔爸屋企返返黎都會一支箭衝返屋企..
個排佢會變得勁痴家..

必要時..
要用非常手法去餵佢食藥同洗傷口..
唔係有排好..

過多幾日佢就會痴返你架喇~
我諗佢都知你為佢好先帶佢睇醫生姐=]

唔好唔開心啦~ 森美返咗嚟之後第一次出街, 而且仲係睇醫生, 所以佢驚或者唔開心好正常嘅, 佢唔痴你係可能真係有少少嬲, 又或者只係唔開心發少少痺氣, 你同佢多啲傾計, 如果佢俾你摸嘅就邊摸頭仔邊傾計啦!! 餵藥同洗傷口都好重要, 佢嬲你都一定要做, 因為係為佢好嘛~!! 呢段時間辛苦你喇~ 但你嘅辛苦換來森美嘅健康係好值得咖~ 森美快啲好返, 你同佢就會重新建立變返好似之前咁咖喇~ 加油呀~ 森美媽~!!

森美媽，試下放佢入籠，用布蓋住個籠。
兔兔可能係唔習慣去診所，
診所咁多唔同動物既味道，
可能驚驚都唔定。
話說以前MIFFY自絕育之後，一入診所就發癲呢 XD

菇仔都好返哂，森美都無事既 ^^

便便細唔緊要，佢無乜食過野呀嘛，
心情好返就會食多D野GA LA。

正常架, 初初普樂番黎無耐又係要去睇醫生, 番到黎佢又係唔信我..好驚我咁
我仲因為要抱佢喂藥而俾佢咬到隻手指流到一地都係血#^56^#

隔多一陣 你摸下佢 同佢解釋下..會好D 架..同埋出完街係診所D 味都令兔好驚..
好快會無事.

多謝大家既鼓勵,我心情好番好多,琴日同今朝真係好down好down!
因為我真係好驚森美會從此討厭我,亦都好擔心受驚會令佢健康惡化
我未見過佢咁驚
佢琴日番到黎個感覺好似咩都唔同哂咁
連我平時打開個草盒佢都冇反應
我重見到佢食草果時啤行我:050:

森美而家肯食野,不過依然都係揀食葉,而家連d花都only食個頭
飲水方面,我見到佢想飲水,舔左個水樽一下就收口唔飲落去,我諗可能d水即親個傷口有d痛所致
所以頭先我拎住個水樽就番佢個角度比佢飲,佢肯飲呀:061:
今日d便便都係比平時細
尿量亦係比平時少左好多好多
我一陣會比d菜菜佢食,希望可以補番d水份
希望佢咀仔可以快d好番

dr.yen話要比個area which is森美會覺得safe的
我用左alex個雙層木板放左係籠既另一面
個木板我放高左
佢唔會跳到上去但起到一個cover既作用
叫做係整到一個暗角位比森美
等佢唔使成日訓係廁所對腳仔唔好

唉
一陣又要洗傷口同餵食藥
我唔會放棄!!
冇野比森美的健康更緊要!!

唔洗驚驚,我帶BUBU睇醫生果日要搭車果D佢都好驚,不過我途中一直都撫摸佢,
令佢唔好驚驚,佢返到屋企都好驚,
不過我細細聲同佢講要快D好就要食野同消毒搽藥架,
佢就好聽話.
BUBU黎左我屋企都係三個星期左右,(佢係平安兔:073: )
只要溫柔D,佢就知道你係善意,係幫佢既,佢就唔會啤住你架喇.
同埋我會搵D時間同佢一齊訓覺,擺佢係我張床一齊訓,佢依家去到邊坐一陣就好似BB咁中槍或者貴妃躺.
你可以試試摸摸佢,一入屋就叫下佢=]
咁可能就會快D適應返屋企架喇:066:

我星期日帶完飛飛去剪指甲,
佢而家都係驚左我,
不過我feel到佢而家慢慢唔驚我啦~
飛飛剪完指甲返黎果幾日仲驚我呀!!
果時真係好心痛,
直頭喊左出黎,
好驚我同飛飛7個月建立既感情,
因為一次剪指甲而冇晒!

唔洗驚,,唔洗驚,
上次我帶左choco去左朋友屋企玩左成晚冇返屋企
仲要剪指甲剪到流晒血,
返到屋企既時候佢都嬲我架
跟住我就哄返佢呀,摸下佢咁,
佢都係嬲左1,2日,而家感情仲好過之前tim~

你試下摸下佢,同佢傾多d計~~~因為choco又係一返到屋企個樣明顯地唔開心
總之哄下佢呀,俾佢食佢最鐘意食既野~
唔會冇晒既d感情,始終佢係知你緊佢~:014:

嘩.....指甲剪要小心0的啦.....唔好指紅色0個part#^40^#