兔兔唔飲水，俾水兜佢，有錯嗎 ?

今日聽到呢件事，搞到我好激氣，而且好唔開心。

話說1月頭我接左兔協既艾爾 (即係而家既菇仔) 返屋企，
返到屋企發現佢 cc 好細粒同唔多肯飲水
(其實接艾爾個日，兔協有俾一包兔兔既排泄物俾我，入面d cc都係好細粒)，
觀察左2日，cc仍然好少、好多軟便、同無飲過水。

起初我以為係水樽問題，所以買左3個水樽俾佢，
但無一個肯飲。
當然，日頭既時間就無所謂，可以用針筒餵，
但係夜晚我地訓哂覺點算 ??
所以決定俾個水兜佢。
到凌晨兔爸起身去廁所，
睇下菇仔有無飲水，
菇仔自己已經飲哂d水。

但最後因為我接受唔到佢cc太細粒，
覺得係有問題，
最後帶去睇 Dr. Betty。

詳情可以睇返呢個 post : http://mini-house.info/thread-7116-1-1.html


今日聽到，某一個兔義工，係某個兔友既blog入面鬧我，
話我痴線，唔識養兔，俾水兜艾爾，話艾爾如果唔肯飲水，早就係兔協死左。

我聽完真係好嬲，
艾爾唔肯飲水樽，我俾水兜佢，錯係邊 ? 點解要鬧我 ?
一隻兔仔至少都要飲一枝益力多份量既水，
艾爾都飲唔到，連幫佢換水樽，我都做埋，佢都係唔飲，最後唯有出水兜，
都有錯 ? 仲要鬧我唔識養兔 ?

起初我都以為係轉左新環境所以cc細同飲水量少，所以觀察左2日，
但係對比返兔協俾我個包排泄物既size，跟本無分別，
如果仲係因為轉左新環境所以cc細，呢個理由跟本都已經唔成立。

真係好嬲，好鬼激死，點解無計可施之下俾水兜佢，
都仲要俾人鬧。
點解鬧我之前唔可以了解左先 ???

[ 本帖最後由 lingyan 於 2010-1-27 05:54 PM 編輯 ]

lingyan出發點都係想兔兔飲水...我覺得無錯

果位義工如果因為咁而話你唔識養就太過份了..但可能佢覺得用兜飲唔係咁好

其實我覺得用水兜冇所謂..有時mocha唔肯飲我都會比水兜..真係會飲得主動d

飲完幫佢抹下咀我諗都唔會影響既

lingyan唔好太激氣了

原帖由 elvisli 於 27-1-2010 05:50 PM 發表
lingyan出發點都係想兔兔飲水...我覺得無錯

果位義工如果因為咁而話你唔識養就太過份了..但可能佢覺得用兜飲唔係咁好

其實我覺得用水兜冇所謂..有時mocha唔肯飲我都會比水兜..真係會飲得主動d

飲完幫佢抹下 ...

出到兜都係無計可施之下先用，
我都唔想，因為真係怕佢自己打翻水 (雖然有尿片)，
都不知幾想佢用返水樽 ... 放個水樽陣出黎都無一個俾佢寵幸過 ....

其實用水兜飲水有咩問題呢?我知道有d兔兔係唔肯用水樽飲水架wor,咁唔俾水兜佢,可以點做呢?
算啦,你都唔好咁激氣啦,人地點講又控制唔到,嬲嚟都無用,癈事激親自己啦

最重要係你自己問心無愧, 對自己對兔付左責任, 其他人係唔清楚情況下, 唔應該胡亂作出批評,  遇到咁既人唯有一笑置之吧~ 唔駛太唔開心

唔好咁激氣啦,最緊要我地自己知到係對兔兔好,
而又唔係做咗D傷害兔兔既事就得,
我地會支持你嫁!!

用水兜我都唔覺得有問題呀~ 咁兔兔唔用水樽飲, 難度尤得佢喝死嗎?? 那個兔義工講嘢真係好過份喎~ 枉佢仲係義工TIM~ 嗰個HEART去咗邊??? 就算覺得人哋錯都唔係咁鬧人咖~!! 況且, 我深信有好多養兔嘅人遇倒呢個問題都一樣會水兜俾兔兔飲水囉~ 我喺加拿大嗰邊都有見過有啲寵物店嘅兔兔係用水兜飲水啦~ 佢哋都話係因為兔兔唔識用水樽, 所以要用水兜俾水兔兔飲。睇嚟唔識養兔嗰個唔係Lingyan你呀~ 係嗰位兔義工先啱~ 我覺得佢仲係一個井底之蛙TIM~ 少見多怪~!!
Lingyan, 你唔駛為咗呢啲咁少見識嘅人而唔開心, 唔值得咖~!!!! 呢度個個都會撐你咖~!!

Lingyan, 你唔好嬲啦,
如果我係你, 會問下個義工
點解唔可以用水兜?
會有咩問題?
唔知佢係咪有d唔好o既經驗
大家了解下

不過佢唔知情由咁話你, 又真係會好嬲o既

我之前帶 Kulu 去大圍
Dr. Lim 仲叫我唔好單用水樽
最好放個水兜 做後備
話如果唔係, 水樽壞左, 出唔到水
就好大件事

lingyan 唔好嬲啦,
我覺得wesky講得好岩, 最緊要你問心無愧
呢個世界咩人都有, 有D人可能以為自己做義工=識好多野,
就以為可以亂咁鬧人
無謂因為呢D人激氣啦!

唔好理d燥狂兒, 激親自己好唔抵, 直接無視啦

呵呵，個義工應該唔知實際情況而妄下判斷。其實只要你既出發點係為兔地好，而做法對兔地有百利而無一害，就唔駛理佢講乜la。

Lingyan你做得好岩呀~
你都係為左兔兔好之嘛, 完全冇做錯囉.
我地依道個個都支持你~!!~唔洗為左D咁膚淺既人嬲啦~~

redbean講得岩wo...
Lingyan你問心無愧 亦見到你好有心照顧兔兔
倒不如同果個義工對下質
話吾定佢都吾係好識養 或者知識錯了
倒回來要Lingyan你點醒佢呀 畢竟義工吾等於專家
互相交流下都好!! 吾好甘激氣啦~

其實我諗大家知你用兜既原因之後~
都無一個人會話你錯~

唔需要嬲丫~