擔心Cookie, 束手無策=.=

我家三少爺Cookie玩死兔爸同兔媽, 唔知做乜... 大家有冇啲咁嘅經驗, 或者有冇人可以教我點做好??

事情發生係咁嘅...

大約一個多星期前, Cookie差唔多食晒箱9磅嘅Oxbow, 咁兔爸就去訂咗箱新嘅返嚟(喺同一地方買, 同一牌子), 問題就開始發生...

開咗啲草出嚟, 兔爸發覺啲草質比之前嘅差, 少咗草味, 同埋有少少潮嘅感覺, 不過係冇發霉嘅, 但兔爸都喺度開咗post問大家, 大家都話冇發霉就冇問題, 咁兔爸就照俾Cookie食, 但Cookie只係食啲唔食啲, 勁揀嚟食(Cookie由細到大都唔揀草食嘅), 但兔爸見佢都有食咁就照放一堆喺草架, 不過第二朝發覺佢淨咗好多草冇食(平時佢一定清晒嘅), 啲屎屎又細粒咗同冇咁金色, 咁兔爸就已經即刻打俾我話我知, 咁我問佢肯唔肯食糧, 兔爸話飲水、食糧都正常嘅, 只係食少咗草, 咁我就覺得可能真係箱草嘅問題, 咁兔爸就去同買草嗰度講換過一箱, 但情況都係一樣, 食少少, 勁揀食。咁我心諗可能就算換過一箱新草, 但同一間買都應該係同一批草嚟, 所以應該冇分別, 咁兔爸就千撲萬撲搵倒一間賣Oxbow嘅地方買咗包細嘅草, 開出嚟啲草質同草味同之前Cookie會食嗰陣嗰箱草一樣好香、好靚, 兔爸滿心歡喜拎返屋企, 結果問題仲衰, Cookie幾乎唔食咁滯, 終於我哋決定帶Cookie睇醫生。

睇醫生嗰日, 醫生幫Cookie全新Body Check, 驗咗血, 醫生話身體狀況一切正常, 唯一係口入面有一隻牙仔係生歪咗嘅, 所以就整損咗痢仔, 可能因為咁所以食少咗草。醫生跟住幫佢磨咗牙仔, 就話一、兩日倒就會正常。

但一日又一日, Cookie情況依然不變, 兔爸又走去買咗另一個牌子JoJo草俾佢食, 一樣唔係咁食, 最終買埋佢細個食嘅Kayee, 要兔爸一條一條餵先呢隻牌子食幾條, 嗰個牌子食幾條, 但食草量都仲係唔多, 我同兔爸已經俾佢攪到唔知仲可以做得啲乜嘢, 怕佢食得少, 冇營養, 尋晚決定開始餵少少草粉俾Cookie, 個衰仔食到"黏黏痢", 我同兔爸真係發癲了。

可以試嘅草我哋都試晒, 點解Cookie突然會咁樣?? 係耍痺氣?? 定係會有啲暗病係我哋唔知嘅呢?? 真係好擔心!!!

會唔會條脷仲痛呢? 食軟唔食硬 @@
肯唔肯食菜啊??

哦哦~~~ 可能真係唔關d草事呀~
我估佢係整損咗痢仔痛所以先食少左~~
不過你都叫兔爸日日跟進佢既情況有無好轉啦
佢食草粉到"黏黏痢"既原因可能因為食得好呼同埋食果時唔會痛呀
波子媽 你都知d草草質地比較硬身少少 可能磨到利仔有D痛呀 所以佢先唔食
唔洗過份擔心既,佢會乖乖架喇^^

雖然磨左牙
可能仔或者口腔仲痛
試下俾菜同keep住餵草粉先
cookie仔唔好要兔爸媽擔心呵

唔該晒大家~!!! 醫生話過痢仔一、兩日就會好, 但已經成個星期, 真係唔知點解會咁耐都係咁~!!
因為加拿大好難買倒啱食嘅菜, 而白菜同紹菜我已經唔敢俾Cookie食, 但菜心、油麥菜同生菜去咗啲唐人超市都買唔倒, 所以都未俾倒菜佢食, 兔爸今晚放工會再去搵菜, 希望買倒同埋佢會肯食菜啦~!!
草粉暫時都會KEEP住每日俾一次佢食, 因為真係怕佢冇營養。
兔爸每日都會同我講Cookie嘅情況, 只係一直冇好轉, 所以兔爸叫我開post問一問大家, 睇下有冇其他好方法, 既然大家都覺得可能係痢仔仲痛, 咁就再睇多兩、三日, 再唔對先帶Cookie俾醫生再睇睇啦~~!!!!

我隻女前幾日都係咁,我係無換過草,一路都係食同一包,但唔知點解佢前幾日突然唔係好肯食草,糧同水就會照食/飲....
因為佢d屎屎好細粒,我太擔心,後尾帶佢去睇咗醫生,醫生check 過晒所有野都話無問題,咁唯一原因係我隻兔未deex,開始發情期,佢自己心情唔好發脾氣,所以就唔肯食草....
睇完醫生之後呢一,兩日佢就肯自己食返草,d屎都大粒返啦(但實際係咪同之前一樣咁大粒我就唔知,我人唔响香港,全部都係兔婆講我知)

我諗如果cookie未desex,可能會係同一個原因...

原帖由 tracy 於 2010-1-28 21:47 發表
我隻女前幾日都係咁,我係無換過草,一路都係食同一包,但唔知點解佢前幾日突然唔係好肯食草,糧同水就會照食/飲....
因為佢d屎屎好細粒,我太擔心,後尾帶佢去睇咗醫生,醫生check 過晒所有野都話無問題,咁唯一原因 ...

我個仔已經絕咗育, 但就唔知係咪自己發啲少爺痺氣, 兔爸已經晚晚呵佢、陪佢, 但就成日咬兔爸, 真係唔知點解無端端性情大變。

Thank you very much for your comments

我亞布都係咁呀..做左磨牙手術後咩都唔食...之後先慢慢肯食返菜....足足個幾月先叫食野正常返...我都係逐少少咁減草粉去迫佢食野...佢有可能仲鬧緊情緒架...

原帖由 耶律 於 2010-1-28 22:57 發表
我亞布都係咁呀..做左磨牙手術後咩都唔食...之後先慢慢肯食返菜....足足個幾月先叫食野正常返...我都係逐少少咁減草粉去迫佢食野...佢有可能仲鬧緊情緒架...

唔該晒你呀~ 如果好似你咁講, 可能佢真係鬧緊情緒都唔定, 咁我諗真係要叫兔爸努力啲搵啲啱佢食嘅菜俾下佢食先得~!!

耶律, thank you.

So 亞布 was not eating 草 for a few months?

你都係一日餵多幾次草粉....之前我小B唔食野醫生話佢一日要食60ml 先夠營養 (佢地有個table about the standard)

我諗佢仲痛啦~ 所以唔食草