兔兔真係好聰明同埋好有性架........

我隻BB係好鍾意食菜心,我地每日都會俾3-4棵俾佢食,今日照常咁俾LA,通常喂菜呢個責任就由兔婆做既,今日兔爸PAT PAT痕,喂左一棵菜俾佢食喎,佢食晒所有葉剩返D莖,之後走出廰揾兔婆, 眼金金,坐定定係兔婆側邊,諗住兔婆會俾多一條菜心佢,點之佢坐左5MINS之後,兔婆都冇所行動,因為BB今日已經食左4條,不能再俾BB食, 之後BB佢死死地氣走返入房食埋佢未食完既"菜心莖"......我有時真係覺得佢好似人既小朋友咁可愛

好同意呀~ 有陣時反斗, 有陣時又氹你玩...^^
有時真係比佢d行為笑死, 係笑佢點解佢會識咁做呢...?

佢一見我地出街就攪攪震, 要我地走返轉頭呵佢先可以走ga...

haha 我隻毛毛都係咖, 佢想食零食果時會係咁纏住我, 然後帶我去佢個零食櫃前面停低, 眼甘甘望住個櫃! 如果佢急尿, 又同我0係房山埋門果時, 佢會抓門叫我開門比佢出去柯尿尿咖

其實佢地真係好聰明, 不過成日扮聾耳陳咋ma #^23^#

豆釘真係好攪鬼XDD

我男朋友都有同呀b玩"伏哩哩"... 有日佢訓廳, 夠鐘食早餐啦. 呀B望到佢訓覺冇比飯飯佢, 佢就咬個廁所發出聲音叫佢, 我男朋友一起身, 呀B就縮埋係廁所後面+停止咬野 (以為見唔到佢)... 跟住我男朋友又訓返低, 佢又再黎la... 如事姐幾次之後, 我男朋友終於頂唔順D聲音投降起身餵飯飯la....

我發覺呀B係零晨~清晨果陣醒目D... (叫佢會應你 / 識得聽我地講食"飯飯(糧)"要企邊度)
我地醒ge時間可能到佢眼訓, 所以叫極唔應... 囧rz

哈哈~
total都係咁架~
以前都係食剩條莖,
之後就掉底食其他,食到無晒喇~
周圍搵都搵唔到~就會食返岩岩剩果d~

我都覺得BUBU好聰明,因為我無教過佢去廁所,佢依家識得係廁所大小二便,
一大清早佢要起身出黎玩,就要敲野叫我起身開門:069:
出到黎又要咬膠墊,連DR YEN見過佢幾次都知佢曳:062:
叫佢又唔應,都唔知係唔識聽自己個名,定係扮聽唔到:059: