提一提大家，天氣潮濕嘛

各位好呀，上星期放假都沒上過來:054:
好像有些脫節了，近日開始上班，小弟會經常上黎打攪各位:053:

呢排天氣好潮濕丫，d草同d糧最好就每日換兩次(早一次，晚一次)
仲有呀，潮濕天氣兔仔們不會飲太多水，他們都會懶洋洋的:018:

多謝提醒~
但我的大力呢2日都飲好多水呀.....
不過佢就真係懶左....成日攤係度.....
同埋佢好揀食....淨食嫩草(葉)唔食莖.....=.=

[ 本帖最後由 草莓kiko 於 2010-2-26 08:47 PM 編輯 ]

仲有樣野要留意呀~~~
檢查一下兔兔會唔會有虱呀~
潮濕就最怕有虱~

屋企冇抽濕機，我已經開左冷氣俾ＭＡＸ，希望唔會生虱。。。。#^60^#

返到屋企聞到陣霉味真係。。。。。可憐ＭＡＸ要成日聞住屋企陣味。。。用滴露都唔敢太多，又怕聞壞ＭＡＸ

真係好懶呀...森美今日成日都攤係度,懶洋洋的,
而且食左好少草咋, 好擔心!!:022:

lucky d 草草都好快"sup"晒~多多草都唔夠換=3=

唔止兔...人都懶左..
懶到完全唔想做野.....
呢2日都見到佢地中槍訓多左,
食完就中槍訓,,放佢地出黎玩都好似唔多想咁..
出到黎又係訓...-.-

呢草濕哂...老大爺唔食草...連屎屎都細哂...好彩佢都食下呢枝..反而呢葉唔係好食..

屋企有霉味可以試下用香薰。

草濕哂就無可避免，唯有勤換草啦。

仲有佢地廁所都一日清潔最少一次，咁就會好好多。

原帖由 勞仔 於 2010-3-1 11:24 AM 發表
屋企有霉味可以試下用香薰。

草濕哂就無可避免，唯有勤換草啦。

仲有佢地廁所都一日清潔最少一次，咁就會好好多。

我都係, 逼住3,4次咁俾草.
平時俾1次/2次..
濕到我自己都覺得唔開胃..
好彩過幾日又涼番dd..

用香氛兔兔會唔會唔鍾意????

好彩呀b屋企唔算好濕, 開哂門同窗口好通風...
但係佢呢排好懶, d動作好似鬆弛熊咁... 開門口都唔出黎玩...

我都係開冷氣機搞到屋企變雪房咁先叫做乾返D,不過草呢家野,
我聞過都仲係好香,所以應該無變壞,
廁所都勤力洗,自己個廚房同廁所都有努力:057:
不過飲水量佢一向唔多,所以無乜點大改變=]
感謝提醒:054:

我放左盒吸濕大笨象係個籠格離~唔知有冇用呢.....???