請大家比d意見我

話說森美呢幾日唔係點食草,屎屎都細哂
今日帶左佢去睇大圍
e生話佢好健康,腸胃冇事,牙又冇事,表面徵況都冇顯示有病
e生話應該係d草問題
叫我比多d唔同種類既草佢食
但我係屋企oxbow, apd 同momi既t草都比過佢食,佢都唔係咁肯食
我想問重有冇其他牌子or品種既草可以比佢食??

究竟隻仔係度諗緊d咩....好擔心,唉.

佢之前食開邊隻草?:013:

我養左佢2個月,佢之前係兔協都係食開oxbow,但大概1月尾到唔知點解唔鐘意食,之後轉左momi 1st cut,之後我見佢食但食得唔夠多,驚佢食唔夠草所以買埋apd 1st cut比佢2溝,食左1個月即係而家佢就無啦啦唔食momi, apd都唔係話好食

森美嘅情況同我家COOKIE之前嘅情況都好似喎~
兔爸陣買咗五種牌子嘅草都唔係咁食, 食幾條就唔食, 睇醫生又係話佢冇事, 嗰陣就叫兔爸每日餵一次少量草粉, 同埋隔一至兩日就餵菜, KEEP住佢啲營養, 不過奇蹟地佢喺我過咗嚟嗰日開始佢就食返好多草喇~ 之前唔食嗰啲牌子嘅草都食得好開心, 食咗好多~ 雖然最後都唔可以好肯定係咩事, 但我個人有少少覺得係兔兔唔開心, 心情唔好所以唔多食囉~ 因為我過嚟之後日日都陪佢, 同佢玩, 摸頭仔同餵佢食草, 唔知係咪因為咁開心返所以就食草正常喇~ 或者你都留意下有冇啲乜嘢係令到森美心情唔好嘅~!!

我都諗到jojo's,如果唔得試下Q兔草= =a
不過佢係咪一向都細食呀? 唔係每隻兔都剷草機BOR,
好似BU后就唔係:056:

其實我都有相同諗法!!
因為我屋企人上星期成日抱森美同森美玩
我覺得森美其實係唔鐘意,所以我都下左旨唔比佢地再亂抱森美黎玩
佢呢幾日都有背住我訓覺同埋訓係一d佢睇我唔到,我睇佢唔到既位訓,我覺得有d奇怪
可以點同佢玩而佢又開心??
我都有摸佢頭仔同餵佢食草

我琴日餵完佢食草粉,佢即刻開心到彈起

請問你兔兔個情況維持左幾耐??

[ 本帖最後由 happygirl2009 於 2010-3-2 11:07 PM 編輯 ]

原帖由 happygirl2009 於 2010-3-2 23:04 發表
其實我都有相同諗法!!
因為我屋企人上星期成日抱森美同森美玩
我覺得森美其實係唔鐘意,所以我都下左旨唔比佢地再亂抱森美黎玩
佢呢幾日都有背住我訓覺同埋訓係一d佢睇我唔到,我睇佢唔到既位訓,我覺得有d奇怪
可以 ...

我整咗個紙皮箱同佢玩捐"LOAN", 同佢傾計, 本身我哋有儲草入嘅花花, 所以就用花花引佢跑完俾佢食, 佢會好開心咖~!!

COOKIE嘅問題其實都攪咗成個幾月, 之前我開POST都有個兔友覆過我, 話佢有隻兔兔都試過咁, 都係攪咗個幾月先正常返~!! 如果佢真係為咗之前你屋企人成日攪佢同抱佢, 我諗你暫時冇乜特別都唔好抱佢住, 以免佢連你都記入腦中唔喜歡你啊~!!

呀~ 仲有呀~ 兔爸喺呢段時間喺屋企嘅幾個角落都會放一兜草喺地下, 等佢出嚟玩嗰陣玩攰會去食, 雖然嗰陣都唔係話食得特別多, 但兔爸話比就咁放嗰草架食草係會多食咗喎~ 如果你屋企環境許可嘅, 你都試下呢個方法呀~!!

[ 本帖最後由 波子 於 2010-3-2 11:16 PM 編輯 ]

你可以試下溝oxbow botanical hay比兔兔食
botanical hay都係timothy, 但加左d乾花有花香味
好香ga.. 我隻仔好中意食ga
因為佢食momi, 我每日會溝少少botanical hay

兔兔除俾Timothy外還可俾 :

Oxbow Orchard grass hay - 果樹草,味甜多葉
APD Mountain grass hay - 果樹草,味甜多葉
Oxbow  botanical hay - Timothy 草加香草洋甘菊、薰衣草等,較多香味
Organic Meadow Hay - 有機牧場雜草,味甜
Oat Hay - 麥草,草粗但有麥粒.
可以試下買些作小食,提高兔兔食草興趣.

另外,草粉裡面有維他命和益生菌,食左會開胃d,可以keep住俾多幾日呀.
有食開菜的就每天都俾會好d,因為新鮮的菜都會增加胃口的.
試下俾d新鮮香草Parsley / 芫茜,都有幫助開胃架.

如果兔兔情緒有問題,接觸佢要小心d,盡量唔好迫佢做d唔鍾意既野,
好似抱佢,剪甲,迫佢出黎咁喇.可以試下坐係佢旁邊同佢講下野,
講俾佢知你知道佢唔開心,你唔會再俾其他人蝦佢喇.
唔好睇少兔兔的理解能力呀,佢地會明的.
人有脾氣兔都有,情緒要d時間平復的,
睇過vet知佢健康冇事都安心d,俾d時間兔兔囉.

p.s. e幾日熱,開下風扇,空氣流通,兔兔會舒服d.

我睇書都有講到新鮮parsley係有助開胃,
我自己都成日俾rabbit仔食, 佢好鐘意食架, 你可以試下=)

唔該哂各位!
我聽日會買Oxbow  botanical hay 同parsley比森美食
我亦會同佢傾多d計,唔比佢受到騷擾
希望佢快d有番胃口啦!!

thank you all!

希望森美快啲變返隻大食兔啦~^^

小B好似胃口有小小差左~ 我都諗住買Oxbow  botanical hay俾佢mix 黎食下

可以試下買d 零食草等佢試下, 開胃d..上面都有講到
可以買隻oxbow organic 草. 都幾香架..
我覺得可能係心情問題..可能天氣都有影響..試下留意佢耐d..睇下主要係咩野原因..