點算好，我兔兔昨晚急病

係咁振，唔食野，滾來滾去好辛苦。betty沒有夜診，佢電話留言轉介那間診唔醫兔。我打電話去其他診所，通過都唔肯醫，話我唔係佢地patient，點解咁啊，兔命尤關，元朗太遠去唔到，車程最少45分鐘，又唔識路。後來終於要去pet central，我聽過佢地唔得，但係又沒哂辦法，結果都帶去。佢地話要hospitalize，咁我就留兔兔係到。但係那個地方很污糟，又有狗，我又要求佢換過地方..好似好唔pro...醫生又好似唔多細心。

今朝打電話去問病情，到現在都沒有人回覆我，又話要等姑娘，我現在工作中不可以打電話，點算...好擔心。

有冇問過大圍,,,?

建議你下午請假/早走(可以的話......)/請朋友/家人幫手 快d book過第間診所 (急診), 然後接走兔兔,
第1, 兔兔不應留院, 佢已經不適, 又dirty又狗吠, 佢會好驚
第2, 你都知.........呢度有不少兔友講過xxt cenxxxl 點對d兔仔....

希望小兔早日康復!:038:

最後, 比條link你: {兔兔獸醫}
http://mini-house.info/thread-41-1-1.html

[ 本帖最後由 katy 於 2010-3-8 03:31 PM 編輯 ]

快0的接走佢
walk in 去大圍 or 九龍 啦
Pet Central 做唔到野
害死好多兔..........就算大圍Dr. Tiger book 唔到Dr. Nicole 都 ok

BETTY而家放假
你請半日假帶佢WALK IN睇DR YEN先啦!

妳可以試吓灣仔獸医診所, 有急症的, 該處啲医生很好的, 我以前的兔兔都是給他們看的.

轉過去睇dr yan, 唔好再浪費時間係pxt central

帶兔兔走,
walk in去大圍或九龍啦!!

你兔兔冇事丫嘛???PXT CENTRAL 既聲譽太差喇, 講得衰D真係留兔兔係屋企仲好過俾佢地醫死
而家兔兔點呀??"到現在都沒有人回覆我"<---好過份WOR~~~>_<!!!

多謝大家回覆，很感動，兔兔現在食返野啦，應該沒事了，公平地說佢地都算醫到啦，不過呢間野的確有些奇怪..沒事我唔想再搵佢地啦。

例如...係咁叫我留院，今晚去睇兔兔的時候，佢明明已經被狗吠聲嚇到縮埋一舊，見到我來開心左D起身跳吓行吓同食草，但係醫生仲堅持要留院，話要打針，我地唔識照顧的，一晚三百，食草食藥另計...其實我有點有點懷疑係為錢定為兔兔好，然後入院原因那欄沒填，其他狗和猫都有填，都現在都唔知咩事。昨晚仲要佢住一隻大狗的籠旁邊，附近仲有3,4隻病重的狗狗，呻吟聲好響好驚，個籠又封左塵，結果要我insist先肯搬，仲要我搬去一間沒窗好悶熱的密室....後來我再insist先被我去猫房...汗。

然後昨晚去檢查的時候，有位姑娘係咁用手捉實兔兔個口，搞到佢好驚，其實兔兔唔會咁容易咬人，點解要捉實個口？

今朝因為工作去唔到探病，於是打電話問病情，結果前後打3次都話要等姑娘覆，早上打二次，下午又打一次，其實好想問吓佢D姑娘去左邊，唔係SUPPOSE應該係度照顧緊往院的小動物咩...:022:

最後出院，...仲驚，個藥袋寫TID，唔多明，咁我問佢啦，佢就寫一日4次，後來側邊有個人話，唔係啊係一日3次啊，我好驚:011: ...嘩.好彩呢位叔叔你聽到咋....然後出錯個姐姐仲係度笑，好似一次普通瘀事咁..真係唔多專業。

哇,我想問間黑店地址在哪?我要小心小心...
有無人知道勝X [旺角]果間好唔好?

我之前打去九龍城想book睇兔仔
之後個姑娘好惡咁話full哂冇位
之後我好急,問我walk in入黎睇得唔得
之後佢同我講話"我地冇得咁ga wo"

果個moment,我真係.......:052:

咁其實有冇得walk in?
walk in左佢會唔會拒醫?


兔兔而家冇事就好了!
都係快d轉番識e兔仔既醫生follow番

[ 本帖最後由 happygirl2009 於 2010-3-9 12:27 AM 編輯 ]

其實我去睇醫生既時候見到櫃台寫住WALK IN要加錢,
好似加多$200...實在唔太記得個數,
不過要加錢就一定*
個姑娘當然唔會比你咁做,人人都WALK-IN入黎,但你又打左電話,
都唔知加唔加你錢,所以唔想發生呢個誤會,一般佢都電話先小人後君子*
佢唔會拒醫既我諗,但佢會保留呢個權利-_-a

walk-in睇都得既, 不過你要等人地book左果d睇哂先到你囉.
九龍城walk-in就好似加$100

我上次去睇Pet Cxxtral 都係咁.....因為public holiday 所以先去.....
佢地都係我insist 出院呀~死都要小B番院#^62^#
不過講真....佢唔知俾咩anti -biotic 我小b食~ 又唔講到底咩事, check 左好多野都無conclusion
之後去大圍先睇好
如果你兔兔係好番......最好就唔好俾太多Anti-biotic 佢
再唔好就去大圍或九龍啦
寧願俾多0的錢都唔好食佢0的藥~

emily,
係啊係啊，佢給好多藥，份量又重，我都唔敢給我兔兔食..
其實我發覺佢根本已經沒事了，好地地又食咁多藥都唔知會點..唉..好奇怪的地方。