pota, 我會為你而努力的!

pota佢黎左我屋企三個禮拜...
我已經發現自己好似每日都唔係騰出倒好多時間比佢..同佢玩
最多只係4個鐘..多數兩至三個鐘...
其實我自己都知道太少...
見倒你地同你地d bb關係好close...好多時都比佢自己係屋行
但我只可以比佢係特定範圍內跑..呢個特定範都好細..大約3尺x10尺左右...
始終都驚佢哩埋係窿窿喇喇..同埋亂食野(我屋企真係有好多佢唔舔得既野)

有時我番到黎見倒pota既眼神比我既感覺好似好悶咁...
成日都好想我放佢出黎玩..但每次時間都好有限...
因為我放學番到屋企都係得番幾粒鐘...
有時要做功課/溫書..放佢出黎玩既時候又會縮短左...

唉..我真係覺得自己比唔倒幸福佢..冇辦法令到佢可以好似其他兔仔咁開心

POTA! 對唔住..冇辦法比倒你所需要既生活!
不過我唔會氣餒...我會盡能力令你既生活過得更充實..
縱使這些還不足夠...





聽過你地既意見
我會更努力學習與兔兔既相處之道同埋佢地既快樂之道!

[ 本帖最後由 kolgnat 於 2010-3-11 08:14 PM 編輯 ]

有時陪兔仔既野 我覺得係有冇心架ja~
你放佢十個鍾 唔陪佢 同
你放佢一個鐘 一個鐘都陪佢玩 好唔同的~
兔兔會知你錫佢的

人人既家庭情況都唔同
「子非魚 焉知魚之樂」
兔兔可能可以望住你已經好開心呢~~

俾d信心自己

你有冇辦法可以執一執屋企, 俾佢多D地方行呀??
我都係學生, 之前我會響書檯做野,
但有左rabbit仔之後, 我就搬哂D書同功課響茶几溫, 咁我就可以坐響地下, 方便rabbit仔黎搵我玩
你溫書做功課其實都可以放佢出黎架, 總之我同兔爸響屋企就會放佢出黎架啦
一日有20個鐘被困係籠其實真係會好悶架

其實兔仔要既野好簡單~
就係有地方比佢跑下,唔好屈死係籠~
來不來你經過摸下佢~抱下佢~餵佢食下草~
就算大家對望幾分鐘~
兔兔都已經感受到你既愛....

依你所講...每日得兩至三個鐘出黎...又真係幾慘...仲要係個好細既地方行~
好似只係細籠換大籠咁~
你不如真係試下慢慢接好自己屋企,
有害既野收埋佢~包好佢~欄好佢~
慢慢將自己屋企變成適合兔兔自由行既家~

你咁開post~我見到你都有心錫隻兔~
加油la~~

我都係一個要返學
放左學都係好忙既可憐學生哥
但有陣時佢地淨係想見到我地架咋~好似hill媽話濟
有時我好夜先返到黎,雖然好攰,但都會俾d時間幫佢地整理下
就算我媽點鬧都好都放佢出黎玩一陣
見到妹同聞下佢~又打架咁...佢已經好開心架啦

唔緊要的..比D耐性啦~

[ 本帖最後由 elvisli 於 2010-3-11 01:28 AM 編輯 ]

我未有BUBU之前好少執屋企掃地拖地,
但因為佢想佢大D既地方,我能夠掉左佢既都掉左佢,
因為你會發現,間屋企整潔,唔單止你開心,兔寶寶仲開心*
我之前日間無時間,就夜少少訓比佢走動下,
當然我都明白咁樣會好攰,我都係半工讀生,
好明白你既苦況...
不過唔洗唔開心架,有時候同返POTA講,POTA會明白架,佢咁乖*3*

好多謝你地比我既意見!
我會學識比pota佢更好既生活, 執下屋企..買個圍欄番黎圍住d佢唔鬥得既野!
同埋買多d墊子鋪係地比佢行下跑下..
仲有好似sheena咁話齋坐係地下溫書/做功課..可以一路陪住佢^^~