促使你地養兔既原因係........

如題......
可以分享下嗎?:053:

自己係獨女想有隻寵物陪下自己咁囉
唔養得貓狗 咁咪兔兔囉
不過唔知點解收養左隻咁蠢既:050:

本身好鍾意兔仔, 以前都有養過, 因為嗰時有個朋友屋企有養賓尼兔, 接觸過真係好鍾意, 所以佢就陪我去咗旺角買兔兔, 不過嗰陣我哋乜都唔識, 又冇上網呢啲嘢, 俾啲SALE呃咗買好多無謂嘢, 錢都唔係問題, 問題係佢要我買咗啲美毛膏, 兔兔餅乾、止疴水嗰啲俾兔兔食, 唔知係咪因為咁... 養咗大半年, 有日起身兔兔就走咗, 我喊咗好耐, 我嗰陣個男朋友同我講, 兔兔係好易死咖~ 從此就唔敢再養兔兔~!!

展轉呢十幾年間都係養狗同養鼠, 但個心都係好鍾意兔兔, 近呢幾年上網睇咗好多兔兔嘅資料, 發覺當年兔兔嘅離開係因為自己唔識養, 俾埋啲有害嘅嘢俾兔兔食先會攪成咁, 真係好過意唔去...

嚟到加拿大.. 呢邊無論環境, 空氣, 地方都好適合養兔兔, 而兔爸亦喜歡, 所以就再養返兔兔喇~!!

我話過... 我要用我最大嘅努力去養兔兔, 彌補我曾經對第一隻兔兔嘅不是, 我希望天下嘅兔兔都得到健康、幸福。

[ 本帖最後由 波子 於 2010-3-26 09:16 PM 編輯 ]

原帖由 bosasa1987 於 2010-3-19 06:48 PM 發表
一直都好鐘意兔仔, 但就無諗過養, 因為太忙了~~

我記得係2009年12月22日我同事係山邊執左隻兔仔, 但佢已經養左隻狗唔想養多隻兔仔

其他人又唔要, 佢兩雙眼都受感染, 我驚送去愛護動物協會, 會將佢人道毁 ...

你隻兔兔真係好好彩遇到你~~~
咁佢好返未呀#^60^#

無咩得解...一見鍾情#^65^#

本來兔兔是來暫養, 得2個月大, 但發現兔兔好似有病

帶左佢去睇betty,  後來主人都好似冇心要佢  

我就養左佢,  建立左感情  怕比番前主人   又唔識養   3分鐘熱度

一直都好鐘意兔仔, 但就無諗過養, 因為太忙了~~

我記得係2009年12月22日我同事係山邊執左隻兔仔, 但佢已經養左隻狗唔想養多隻兔仔

其他人又唔要, 佢兩雙眼都受感染, 我驚送去愛護動物協會, 會將佢人道毁滅, 咁我咪收留佢..

而家仲學緊點養兔仔..

本身自細都想養兔，但屋企人一直話臭唔俾我養
直至我妹有年生日，佢班唔知乜野FD竟然用兔仔當禮物
我妹玩左一個月多d玩厭左話唔要，我先拎黎我家養佢

我之前公司~~有2個同事有養兔兔~佢不停講兔兔o既趣事~!

之後考慮清楚~決定養兔兔~!點知一養,就好中意兔兔~已經不能自拔

我養兔既原因本身冇咩特別...
其實我由細到依家都好想好想養竉物, 好想有隻寵物陪住自己同埋照顧佢..
好耐之前養過倉鼠之後都冇諗過要再養竉物..
但由舊年年尾開始聽朋友講養兔仔, 就突然間好似靈光一閃咁..好想養兔仔...
個時我以為自己係心癢純諗下..
點知過左一段時間我仍然好想好想養兔仔..仲不斷搵兔仔d資料...
真係覺得兔仔好可愛!
雖然我最後都係揀左買兔仔唔領養..但好好采我隻pota好健康!
依家我真係好希望可以陪伴pota直至佢終老!

細個時養過一次兔, 但兔仔咬老豆
老豆就吾要佢, 放佢係山邊

之后一直都想養, 但家人反對,
直到上年 7 月, 姨丈突然心臟病入院, 仲差D 無命,
之后我就諗, 我要在有生之年, 做自己想做, 又係能力範圍內 的事,

係7月底就領養左 DAVID 了:015:

上年行過寵物店見到d兔仔好可愛, 之後就成日走去睇.
我又成日係男朋友面前提起d兔仔, 睇左好多資料說服佢, 係寵物店見左幾次呀b, BF就應承我買返屋企. 現在假日去陪佢.^^~

雖然呀B比較惡死, 但我好享受當兔奴^^

因為我係兔痴...雖然都鍾意其他小動物
但最鍾意又認識最多都係兔....
註定一世做兔奴

細細個鐘意兔兔,街邊逢係兔仔既野都會定神望,
可能細個養過,所以愛兔多過愛其他動物*
甚麼時候都會想著我的兔寶寶*3*