促使你地養兔既原因係........

如題......
可以分享下嗎?:053:

由細到大都鐘意兔仔，
只係屋企人古老思想認為兔仔多病菌，
所以一直都唔俾養，
直到而家大個，
自己同未婚夫出黎住，
就有得養lu~~~~~~~~~

由細到大都鐘意~
因為由細細個第一次養既就係兔仔

我都一樣，細細個已鍾意兔兔，
在我7、8歲到家中已養兔兔，
但果時養兔的知識唔多，所以兔兔最多養到3年就走了。
其後又養過貓、狗，龜，倉鼠，始終最愛都係兔兔，
連我囡囡都好鍾情兔兔。

其實冇咩原因,逢動物都鐘意,亦都養過好多小動物,
但係有好多小動物都係好似預期既一樣,但係兔兔就俾到我好大既驚喜,
原來兔兔係可以咁有靈性,咁聰明同咁古惑,仲有當佢由朝到黑都要"黏"住我既時候,
我就知道我呢一世都逃唔出兔兔既魔掌喇~:046:

有個朋友話唔要兔兔.咁就接返黎養。如果唔係兔兔嘅下場就係被遺棄街頭
本身諗住,養兔同養倉鼠都係差唔多..
一養落就發覺....差太遠了:043:

原帖由 陳皮妹 於 2010-3-13 09:08 PM 發表
其實冇咩原因,逢動物都鐘意,亦都養過好多小動物,
但係有好多小動物都係好似預期既一樣,但係兔兔就俾到我好大既驚喜,
原來兔兔係可以咁有靈性,咁聰明同咁古惑,仲有當佢由朝到黑都要"黏"住我既時候,
我就知道我呢一 ...

係啊係啊，我很多未養過兔兔的朋友都有這個誤解，以為兔兔除了識食和識便便之外就咩都唔識啦。我同佢地講話其實兔兔好叻好醒目架，仲識去厠所，佢地都一臉難以置信的樣。:012: 我自己以前都以為兔兔就係好温馴的小動物，沒甚麼特別，現在就發覺佢地好有自己的性格~:021:

由細到大都好鐘意 (細個死都話自己係兔年出世 xd)
但媽媽唔喜歡養小動物  話好麻煩  養你都好麻煩

依家大個左開始有經濟能力   就諗住自己出錢出力    但一直都驚媽媽唔鐘意  
同男友行街街佢見我望得咁入神  就送左momo比我  
依家momo 好似我地個女咁 xddd

最攪笑係我老媽依家日日返到黎都係叫左momo先叫我 =3=
又幫佢買草買糧    仲積極過我  哈哈

細細個鐘意兔兔,街邊逢係兔仔既野都會定神望,
可能細個養過,所以愛兔多過愛其他動物*
甚麼時候都會想著我的兔寶寶*3*

因為我係兔痴...雖然都鍾意其他小動物
但最鍾意又認識最多都係兔....
註定一世做兔奴

上年行過寵物店見到d兔仔好可愛, 之後就成日走去睇.
我又成日係男朋友面前提起d兔仔, 睇左好多資料說服佢, 係寵物店見左幾次呀b, BF就應承我買返屋企. 現在假日去陪佢.^^~

雖然呀B比較惡死, 但我好享受當兔奴^^

細個時養過一次兔, 但兔仔咬老豆
老豆就吾要佢, 放佢係山邊

之后一直都想養, 但家人反對,
直到上年 7 月, 姨丈突然心臟病入院, 仲差D 無命,
之后我就諗, 我要在有生之年, 做自己想做, 又係能力範圍內 的事,

係7月底就領養左 DAVID 了:015:

我養兔既原因本身冇咩特別...
其實我由細到依家都好想好想養竉物, 好想有隻寵物陪住自己同埋照顧佢..
好耐之前養過倉鼠之後都冇諗過要再養竉物..
但由舊年年尾開始聽朋友講養兔仔, 就突然間好似靈光一閃咁..好想養兔仔...
個時我以為自己係心癢純諗下..
點知過左一段時間我仍然好想好想養兔仔..仲不斷搵兔仔d資料...
真係覺得兔仔好可愛!
雖然我最後都係揀左買兔仔唔領養..但好好采我隻pota好健康!
依家我真係好希望可以陪伴pota直至佢終老!

我之前公司~~有2個同事有養兔兔~佢不停講兔兔o既趣事~!

之後考慮清楚~決定養兔兔~!點知一養,就好中意兔兔~已經不能自拔