有冇做過對兔地唔住既事呢??

我以前就有一個經歷,响我大概8,9歲既時候,都成廿年前,
我同學仔同我講話有兩隻兔兔唔要喇,問我養唔養,
果陣時未試過養小動物,心思思就話好,未問過屋企人就話要,
到攞返屋企既時候,我同妹妹不知幾開心,仲落街買紅蘿蔔俾兔兔食,
我仲記得兔兔既便便係水狀,所以到我未養兔之前我都已為兔便係咁既,
但係媽咪一返到嚟就好堅決地唔俾我地養,講咗好耐都傾唔掂數,
唯有攞咗兩隻兔响樓下公園有草叢既地方,而果陣時既我都唔係覺得好大問題.
(其實細個咩都唔識,已為兔仔係食紅蘿蔔就得,果時又未興有上網,又唔會自己識去搵資料,
所以我覺得而家我地每一個成年人都有責任去教育下一代或身邊既小朋友,所有生命既保貴,
希望將來被遺棄既動物會有一日消失)

有...
細個唔識養，佢係隻中國小白兔，我給菜同蘿蔔佢食，病左又唔識帶佢去睇醫生，後來便便拈上毛毛上了，我唔識幫佢清潔。..後來死左了。佢好乖好懂事架...我現在有時諗起都好傷心，有時，我對現在隻兔兔越好，我就越內疚...點都補償唔到給佢...

對佢地冇wo  ,, 狗就有一次囉

無 牙" trubi 係 第一隻 我 親手養 既 動物
trubi 一直 都 好 乖~:033:

有AR.....今日都有....俾少左草草俾MAX食....

平日一向係早上6:45左右俾糧同加草既
但多數星期日唔使返工就懶左起身
雖然半夢半醒之間都知道兔兔期待緊呢個懶兔媽起身俾糧
但真係身不由己呀, 唔知算唔算對兔地唔住呢

但係可能兔地已經習慣左呢個規律
只好默默地食埋前一晚D草啦
一路食一路等兔媽起身
多數10點前會起身架啦
想落都有D內疚,
不過甘樣反而令班兔肯乖乖食晒D舊草

有呀,有時候BUBU周街走既時候我咁M經過佢又行緊差D變左兔餅=_="
或者睇唔到佢又變左兔足球,我都會當場講聲對唔住,然後摸摸佢*

不過最內疚既係,我數年前果隻傷殘既白兔,因為我當時唔夠知識,
比錯野佢食,搞到佢肚痾,又以為痾完會好返,
結果最後係魂歸天國...
呢件事我一直都耿耿於懷,仲記得當時打上網誌,
比一個唔識既網友鬧我害死左我隻兔仔...
我彌補唔到一條生命,但我警惕自己,
下次再養寵物,特別係兔仔既時候,我要做好準備,
睇多D有關資料先成為一隻寵物既主人!

細個都差d買左白兔仔黎養, 諗起好彩冇買..   唔係害死兔兔,


反而而家對住家中2隻小魔怪  就會成日一轉身  唔知踢親佢地    自己當堂嚇親

倒反轉兔兔過來鍚番我      係家中真係要小心d   唔好跑來跑去

hilahila:我對唔住既兩隻兔兔都係白兔嚟嫁,我而家都好內疚,不過冇辦法啦,時間都返唔到轉頭,我地唯有對而家既小動物們盡力,彌補我地既過錯啦~:024:
  曈:其實到我大個少少之後屋企都有養狗嫁,後來我嫲嫲打開門,佢偷走咗,我地再搵唔返佢,唔知算唔算對唔住佢呢~:022:
  千千:你就好啦,TRUBI咁乖,你又對佢咁好,起碼到老時留下美好回憶,唔駛心UP UP嘛~:060:
  firen:你就唔啱喇,俾少咗草max爺食,我都要鬧下你先得~:004:
  hho:兔地對於食野既時間觀念真係非常準確,遲少少都嘈到拆天,我個衰仔遲半個鐘到就係咁咬欄,又搖下咁,我有時專登唔理佢,但係之後又覺得佢好慘咁,唉...都唔知係邊個慘~:047:
  baby:我地既過錯可以轉為一種經驗,畢竟我地以前都係好細,唔懂事,以後唔好再犯同一個錯誤,我諗小動物們响彩虹橋都會原諒我地既~:049:
  makoi:係呀,我地放兔時真係要千萬個小心先得,尤其俾野佢地食果陣,好似衝鋒車咁,亂衝亂撞,唔覺意有時真係會咁......:007:

上個禮拜同朋友唱完k好夜番..
番到屋企攤左落張床度諗住hup一陣就起身, 點知一訓就天光..
個晚仲要未餵糧比pota!! 草架d草都空到mo仔都冇條:022:
第2朝pota嬲左我..佢係好活躍既兔仔..唔放佢出黎一晚真係痛苦死佢:011:
再加上冇食一餐晚餐..唉~我第2朝真係好慚愧....好采pota一d都唔小器!!
好快就原諒番我! pota豬~~我包保冇下次嫁喇:014: