Donut嚟咗三個星期, 時間雖然唔耐, 但都有感情, 今晚就要送佢去新家庭嗰度, 真係有啲唔捨得~~~~
大家應該會好好奇點解Donut嚟咗我哋度又要去另一個家庭...
事緣係... 兔協姐姐喺呢段時間都有跟進Donut嚟咗之後嘅生活改變, 其實大致上都冇乜問題, 問題係... Donut唔適合同其他兔兔相處~
Donut知道Cookie嘅存在, 一直都發出好大陣嘅臭腺味, 初初俾Cookie行近個籠都冇問題, 但一放出嚟... Donut就會撲上Cookie身上面, 雖然我哋已經立即分開, 但Cookie已經嚇過半死, 之後, 放Donut出嚟未行近Cookie個籠, 相方已經好似準備出擊咁, 行近啲Cookie就已經開大個口(我從未見過佢個口咁大), 我知道佢哋唔可以再一齊玩, 所以, 就分開佢哋嘅AREA, 邊個出嚟就用布蓋住另外一個籠~!!
不過, 兔協姐姐覺得呢個方法並唔係對兩隻兔兔最好嘅, 因為, Donut本身由細到大都冇接觸過其他兔兔, 所以, 佢有咁嘅反應, 姐姐已經預咗, 只係當初大家都希望俾Donut試試同其他兔兔相處, 可惜, Donut只享往自己一個。而除咗Donut, 兔協姐姐覺得... 因為Donut嘅不合群而對Cookie發出一啲唔友善嘅警告, 亦對Cookie唔好, 怕佢會從此怕咗與其他兔兔相處, 喺為咗兩兔利益嘅大前提下, 兔協姐姐決定同Donut搵過另一個家庭, 要冇養兔兔嘅。
今晚, 新家庭會同我哋會合, 將Donut交俾佢哋, 雖然唔捨得, 但Donut能夠去一個適合佢嘅家庭, 我都會替佢高興, 因為... 我哋只希望天下嘅兔兔都能夠得到幸福。
[ 本帖最後由 波子 於 2010-3-23 12:41 AM 編輯 ] |
|