兔兔唔肯食T草

佢兩個月大
佢E家唔肯食T草, 就算無野食都係食幾條
佢寧願食草屋D草都唔食T草-.-
雖然我知道佢咁細淨係A草都冇問題 , 但係我驚佢大個會變左唔肯食T草呀??
咁我應該點做呀??
餓到佢食為止??但係我試過成個下午都無俾A草, 佢都唔食T草-.-
定係換第2隻牌子既T草? 我而家用緊OWBOX

佢依家先得兩個月大, 你唔需要太強迫佢食"T"草, 因為依家營養對兔兔先係最重要, "A"草先可以俾倒營養兔兔, 只要兔兔食"A"草冇出現疴軟便嘅情況, 你就俾兔兔食無限量"A"草啦~!! "T"草方面唔駛咁急, 你可以放少少喺啲"A"草度撈亂佢, 或者等佢大少少先俾"T"草佢食, 依家兔兔仲咁細, 你唔好餓親佢呀~!! 佢唔舒服就可大可小喇~ 要教都唔好咁急於一時, 如果唔係只會弄巧反拙咖咋~!!

PS: 如果兔兔只會食草屋嘅草, 我都建議先拎起草屋, 同埋香港近排都比較濕, 草屋好易滋生蚊蟲, 對兔兔唔太好。

[ 本帖最後由 波子 於 2010-3-26 01:02 PM 編輯 ]

我餓佢一個下午佢都唔食, 又唔敢餓佢咁耐WO~~~~

好啦, 我無限俾A草啦~~ 我都係驚到佢大個會唔食T草, 咁就麻煩啦~
唔該哂=]
BTW, 換第2隻牌子既T草會唔會有用架?

[ 本帖最後由 波子 於 2010-3-26 01:53 PM 編輯 ]

你俾佢食開邊隻牌子呀??

講真, 我三隻兔兔由兩個月大返嚟到五個月大我都只係俾"A"草佢哋食, 到五個月大先開始溝入"T"草, 三隻兔兔都冇問題, 只係慢慢轉, 慢慢轉晒"T"草就可以... 唔需要喺兔兔先兩個月大擔心佢唔食"T"草, 你不如擔心佢唔食草仲好啦~ 佢依家肯食"A"草咪好囉~ 你一陣餓餓下, 餓到佢乜都唔食嗰陣你就真係後悔喇~!!

下午通常都食少d~
佢係咪岩岩黎呀???如果係,佢可能唔知頭唔知路
未敢食住呀,,連a草都唔食
俾d耐性佢啦~佢唔會餓親自己架,一係你試下喂佢食

個時我問過e生,有可能係d草唔靚(我個時食緊momi)
我就俾佢試下apd,,不過我覺得你唔洗轉住,
睇多陣先啦~^^

原帖由 小糖^^ 於 2010-3-26 12:55 PM 發表
你連草屋都拎走，你餓多佢一陣都唔好理佢……你睇佢會唔會唔食﹗﹖

兔兔係唔係餓死自己gar﹗

兔兔而家仲咁細,遲D慢慢先戒A草轉T草都未遲
現階段兔兔最需要既係多D營養,發育期嘛
咁先可以為兔兔將來既健康奠下根基
再者教兔兔好似小朋友咁要耐性,慢慢黎
來急進既辦法對兔兔有害無益架

兔兔會揀牌子架，你可以試下轉第二個牌子買包細包草俾它試下
我只兔兔之前都係，食完第一包T，我想俾它試下第二個牌子，點知它完全無興趣，無奈我又換番第一個牌子，棄用左它唔中意果包。

係唔係 隻兔兔唔鍾意依個牌子既草-0-
試下換左佢..有D牌子有試食裝@0@!
比兔兔試下先..
依D野   急唔黎..:038:

我隻仔呢.又系咁.於是我轉左momi...佢又食...@_@