小公主駕到....

喺我同兔爸仲諗緊養唔養第二隻陪Cookie嘅時候, 上星期五, 兔爸帶咗隻兔兔B返嚟~!!

原來早前佢同事買咗隻兔兔, 差唔多三個星期, 發覺兔兔好難照顧, 一啲都唔似兔爸咁enjoy, 結果, 就話將兔兔B送咗俾兔爸, 唔想因為自己唔識照顧害死隻兔, 雖然棄兔並唔助長, 但... 兔兔B嘅生命亦好重要......

所以, 兔兔B加入咗我哋嘅家庭喇~~~~~!!

開始接手照顧嘅時候, 發覺兔兔B好多問題, 唔識去廁所, 唔識用水樽飲水, 唔食A草, 啲屎仲細粒過保濟丸...

兔爸話... 佢同事唔識教, 所以兔兔B乜都唔識, 而寵物店只係叫佢餵T草, 食埋啲味精勁重嘅糧, 嗰陣兔爸叫佢餵A草俾兔兔B食, 佢話兔兔B唔食, 只係鍾意食T草, 但佢啲屎屎咁細粒真係唔掂, 我要努力改變佢...

跟住.. 我發覺兔兔B並唔係蠢, 而真係前主人唔多識教, 我用咗一晚時間, 兔兔B已經識去廁所, 第二朝再教咗半日, 兔兔B已經識用水樽飲水, 唯一... 真係唔愛食A草。我哋去買果樹草同另一個牌子嘅A草俾佢, 兔兔B好鍾意食果樹草, 而A草就唔多鍾意, 之後, 我就將A草當零食俾佢, 唔知係咪兔兔都喜歡零食嘅感覺, 佢終於都食A草喇~ 慢慢我將A草嘅份量加碼減T, 而且亦成功轉食埋Oxbow糧, 呢兩日嘅屎屎明顯大粒咗好多, 生活開始正常返喇~!!^^

講咗咁耐... 都未同大家介紹佢TIM... 佢係我哋嘅小公主? 中文名叫"波兒", 英文名都係"Boyee"... 原本佢叫"Bobo"~!!!! "Boyee" 依家兩個半月大, 1月11日出世, 樣子可愛可憐, 其實佢係一隻活躍份子, 跳跳紥紥冇事停... 嘩~ 原來我已經打咗咁多字喇~ 咁唔再多講喇~ 去相啦~~~~~!!

八卦豬唔知望乜呢??


Boyee:「呢度係咩地方嚟嘅呢??」


Boyee:「好想入去睇下啊~!!」


Boyee嚟咗兩日就已經玩跳壁虎功.. 一啲斯文都冇~ 唉~!!


發呆中...


發現Cookie喺裡面, 狂抓!!


狂抓失敗.. 攰了.. 抖抖先!!




又一喜歡瞓廁所嘅小朋友, 不過, 影完張相就俾我趕返落嚟.. ^O^


[ 本帖最後由 波子 於 2010-3-29 10:19 PM 編輯 ]

Boyee好細個咁喎~
Boyee要食多D A草牙...
唔係會擔心死兔媽....
Cookie有冇D反應咁??

原帖由 尤尤 於 2010-3-29 22:21 發表
Boyee好細個咁喎~
Boyee要食多D A草牙...
唔係會擔心死兔媽....
Cookie有冇D反應咁??

Cookie尋日第一次隔籠與Boyee會面, 唔知係咪之前俾Donut嚇親, 佢有啲驚Boyee, 所以, 尋晚我哋將佢兩個嘅籠分開少少平排放, 等佢哋可以見倒大家, 聞倒大家習慣一下對方嘅氣味, 希望遲啲可以Bond倒喇~ 不過, 我諗都要一段時間俾Cookie對兔兔恢復信心。

噢...太可愛了!!!!
我好喜歡你啊Boyee

波兒個樣好女仔呀!
真係好可愛,
我諗佢大個女之後, 又會係一名靚女嚟! #^72^#

波兒要乖乖食返多啲A草呀!
仲要每日送多啲大大粒黃金俾媽媽,
咁樣媽媽就會好開心~

希望波兒可以快啲同cookie仔夾到啦!!

好可愛#^9_003^#

好得意啊~好細粒~#^67^#

原帖由 smallsuishan 於 2010-3-29 22:28 發表
噢...太可愛了!!!!
我好喜歡你啊Boyee

Boyee:"多謝姨姨!! 我都好喜歡何Hill呢~!!"

原帖由 hamster1013 於 2010-3-29 23:00 發表
波兒個樣好女仔呀!
真係好可愛,
我諗佢大個女之後, 又會係一名靚女嚟! #^72^#

波兒要乖乖食返多啲A草呀!
仲要每日送多啲大大粒黃金俾媽媽,
咁樣媽媽就會好開心~

希望波兒可以快&#2187 ...

可惜波兒幾靚女都會俾佢啲粗魯晒蓋過咗~~ #^51^#

Boyee:"咪媽.. 唔好咁話我啦~ 我會斯文啲咖喇~ 我都會食多啲A草, 疴多啲屎屎, 我要大粒過Cookie嗰啲!"

好可愛 /口\"

咕仔 : 靚女...做個朋友牙#^4_002^#

HI! BOYEE
好可愛牙!真係好BB ; )
希望佢地可以好好相處!

嘩~~好可愛呀~~
咁細個對耳仔就咁長~
大個女一定會拖地~~

好可愛~~

訓廁所果張真係超得意呀!!!!!
cookie有個伴都係好事~ 希望佢地快d做到好朋友啦~:070:

原帖由 豆腐 於 2010-3-29 23:36 發表
好可愛 /口\"

咕仔 : 靚女...做個朋友牙#^4_002^#

Boyee:「我好樂意同靚仔做朋友咖~^^」

原帖由 fato_w 於 2010-3-29 23:45 發表
HI! BOYEE
好可愛牙!真係好BB ; )
希望佢地可以好好相處!

Boyee:「我會努力同哥哥攪好關係, 等D嗲,咪媽開心~!!」

原帖由 光之天使 於 2010-3-30 00:05 發表
嘩~~好可愛呀~~
咁細個對耳仔就咁長~
大個女一定會拖地~~

好可愛~~

我都覺得佢耳仔算長呀~ 因為波子、湯丸同Cookie細個嗰陣隻耳都係短短咖~!!

原帖由 珊迪小姐 於 2010-3-30 00:05 發表
訓廁所果張真係超得意呀!!!!!
cookie有個伴都係好事~ 希望佢地快d做到好朋友啦~:070:

係呀~ 瞓廁所真係超得意~ 不過, 我怕佢瞓得多唔好, 所以一見倒就趕返佢落嚟~!!