旺角Q兔廊賣假草!apd變平價草! *更新食用後屎彈狀況

更新*
今朝清籠時候,
我見到vetbed上面有啲好生面口嘅屎彈
一摸之下
已經唔係平時實淨乾身嘅屎彈
變成潮濕而且鬆散嘅屎彈!!
真係難為了兔!!
_____________________________________________

我地做兔主嘅
買得apd
當然希望用比較高嘅價錢買到質素高而又穩定嘅牧草
但係估唔到有店舖為咗從中謀取利潤
竟然將不知名平價草充當APD正貨草

有好多人都話
金魚街成條街都係同一個老細
都係黑店
但係亦都不少人話
Q兔廊係金魚街唯一一間比較可信嘅鋪頭
但係今日我喺度想話比大家知個真相
希望大家唔好再幫襯呢間黑店,唔希望再有人受害!

尋晚朋友幫我喺Q兔廊買咗箱APD FIRST CUT (AMERICAN PET DINER HIGH FIBER HAY)
有買過箱裝草嘅朋友都知道
佢地巡例會開箱比我地CHECK
佢地就見我朋友生面口
應該唔似養開兔
所以就趁機呃佢
賣咗一箱APD PACKING嘅Q兔自家草比佢

我一拎到箱草
打開
發覺有問題
根本唔係買開嘅APD草
而係Q兔草
點解我可以咁肯定?
因為我買APD已經買咗兩年
而以前曾經有一次Q兔SELL過我買佢地嘅草
我有開箱望過,摸過同埋聞過啲草
當然質素唔好所以冇選擇到
但係估唔到佢地竟然用呢種咁低劣嘅手法去清晒自己嘅草

第二日,晏晝嘅時候我打去
同佢講話箱草有問題
我兩隻兔仔都唔食
希望可以換過箱
佢問我有咩問題,係唔係太碎
我話唔係,係箱草唔同咗樣,唔係我買開果隻,而且我啲兔仔唔食
佢:哦,咁即係箱草冇問題,只係你嘅兔仔食唔慣
我:唔係,係完全唔同樣
佢:小姐,草係種出黎架嘛,點會一樣樣
我:唔好意思,我買APD已經買咗兩年,不嬲都唔係去開你度買,但係今次喺你度買箱草就咁

5點鐘,我拎住箱草返去佢度
要求換
佢唔係著緊於開箱新草比我睇
而係拎個磅出黎磅袋草
然後望一望個磅跟住話袋草冇咗好多
我已經話過我兩隻兔仔唔食
基本上拎起咗10條草都冇
然後佢話箱草少咗咁唔得架喎
我就話,你不如開另一箱比我睇咗先啦
如果箱草係一樣,我咪要返自己果箱囉
咁你唔會有損失
佢竟然可以話,唔會一樣架,呢箱
我問點解,佢話兜返話因為呢箱碎啲
咁好啦,一開,果然!呢箱先係APD
舊果箱係假貨!!
我即時面色一黑,"就係呢箱啦~"
但係佢地都仲係執著於舊果箱少咗,話賣唔到比人
我真係唔知佢地點做生意
講真,我冇搞大件事,好聲好氣拎黎同你換
你地身有屎嘅話就快快脆脆換咗比我 我就走啦
你地三個仲搞咁多嘢喺我面前做場戲
咩嘢叫做死雞撐飯蓋??
扮晒打電話比呀SHIRLEY要退返箱草
因為少咗好多??!!
如果憑良心做生意,邊度好意思仲咁樣

你地叫我下次最好自己落黎買,或者叫個朋友睇清楚
我想話比你地知
唔會有下次!!

我宜家尋求緊方法聯絡AMERICAN PET DINER供應商撤消Q兔廊嘅特許經銷商!希望可以打擊呢間黑店!!

[ 本帖最後由 vice0926 於 2010-4-3 04:48 PM 編輯 ]

咁都得..
拎得幾條都可以話少左好多 :013:
待客好有問題

離晒譜!!!!
最後換到嗎? 如果換到呀, 俾我要磅吓有冇少到添!
拎咗幾條就會輕咗好多.....
明顯佢哋本身賣Q兔草都入少D啦!!!

之前我都有係果度買開Feline Fresh既木粒, 平出面成50蚊wor. 梗係去間平既買la.
之後咁啱有一次我唔得閒自己落去買, 就去左另一間Shop訂貨順便送埋貨la. 送到嚟果包同樣既木粒, 大小同埋木味同Q兔差好多. 叫左幫我送貨果間shop 問下供應商la. 點知原來我係Q兔買開果D係假貨...果次剩下果半包照用埋. 但以後都冇再去買.

[ 本帖最後由 Futagoza_Kaniza 於 2010-4-3 01:09 AM 編輯 ]

估唔到佢原來都係同其他黑店一樣！！！

睇完呢篇post之後真係要再三考慮會唔會幫襯佢地．．．

咁既待客服務！！

雖然我唔係好知邊間~
不過對金魚街d舖頭無好感.......
所以最好唔再幫佢地買野

大家都係要小心d好......:013: :013: :013:

唉,,買貴d都係想兔兔食好d~
如果比人換左平d既草但係品質唔係咁差都唔會咁嬲!
問題係一心想兔兔食好d,,但到頭來比d咁既野兔兔食,,真係好心痛~

我買緊apd a草,,,轉新包裝之後都覺得個味唔同哂~
買左2包都係咁~應該唔會係假,,,不過真係唔知幾時先會似番以前個隻一樣~
好煩~~~#^62^#

唔係掛...我仲以為嗰間野係全mk除兔協外既唯一一間良心店鋪
估唔到佢狸貓換太子
佢自己d草又冇成份、來源資料喎
仲要充名牌草, 好過份

之前係旺角番工都好鐘意係佢到買野~
但係點知原來佢係咁嫁！好失望呀！

但我地仲可以係邊到買靚草牙"
到到都黑店咁制="=

曾經聽過一次有兔友話佢地個d apd箱有好多膠紙封口，
似係曾經俾人拆開過。

無一間shop可以係保證靚草，
但至少唔可以換人地d草啦。
不過apd又衰，唔似oxbow咁開口封實，
俾人拆開就實知。

換左草..咁d真草又去晒邊度?佢地自己用?
草呢樣野好多都係一年大收兩次,之後入袋

買過唔開心.下次就唔好買佢,唔晒受氣的!

我去開銅鑼灣總統多多龍買APD的~大約買左一年~~我點都會自己親自去~佢會開箱草俾我睇~~
果個店員點都係同一個女仔~佢好好人~仲教我點睇靚草同點先唔會俾人呃-3-
我唔滿意,佢會JE刻開過第2箱俾我睇TIM!同佢好好傾~^^~同你地介紹下E間信得過GE良心店=]

我屋企係西灣河~所以附近都有間多多龍~但我都係仲意去銅鑼灣買>V<

我係葵芳買開草
個間鋪頭D人都好好
同喵女個間一樣, 會開俾我睇,
又教我點間草
如果D草唔靚,
個老板會自己退返俾供應商, 唔會賣俾人

個間店全部人都有養兔仔或者龍貓
我覺得佢地絕對有良心
不過佢地APD 箱草賣貴人 10 蚊
但係我都覺得值..

我唔開名啦, 以免好似係度賣廣告咁
如果有兔友近呢區, 想知就PM 我啦