兔兔絕育後点解唔食又唔飲水

兔兔做完絕育手術後五点到十点半都未食過一條草同飲水祗係痾過尿，喂草粉又唔得，点算好呢？

佢0岩0岩肯自己飲左少少水同自己食左一條油墨菜!!  咁都放心d，不過依家又再訓 lu!

我未餵過草粉唔係好識…… 但係安置好佢先拎毛巾(之前唔好比佢見到)包起，再搵個人遮住佢對眼會唔會好d？

姑娘餵佢肯食因為佢驚陌生人，屋企人熟哂所以會蝦…(我都係咁)#^50^#

放定d幼草/菜菜/草粉係佢面前，隔一陣睇下佢會唔會自己食…

而家等佢休息下，靜先落黎先！同埋離開少少觀察佢(好似平時咁，唔好比太大壓力佢，我都係扮做第2 d野/講野,電視開細聲d 佢先合眼睡)，夠鐘再嘗試打草粉吧！兔媽同兔兔加油！

[ 本帖最後由 katy 於 2010-4-11 10:57 PM 編輯 ]

但頭先去診所俾姑娘餵個陣佢好乖係咁食無0累0架喎...........................!! 但我地頭先餵20 ml就累左4份一度仲係咁掙扎，我地都唔敢再餵, 好驚佢整到傷口!!

佢依家好似唔信我地咁，一見到我地攞條毛巾就想走，捉佢又係咁想跳我地無晒佢符!:047:

haha~~ 咁我應該琴日見到你la~~^^
兔兔0累出黎, 真係咁難食... =0="

我隻兔尋日係因為尿尿有血所以睇醫生0既，我之前睇左dr yen, 照過x 光無生石去到驗尿又無血，咁佢開左d消炎藥俾兔兔 (佢話可能尿道/膀胱炎)，但如果都有血就應該係子宮病變叫我做絕育) 咁我住屯門呢度d兔友又話 dr. gerry 做絕育好，咁我梗係屯門做啦!

尋日驗尿都係無血，咁佢問我做唔做desex, 咁我都覺得佢子宮有事就做埋啦，因為做完手術見dr gerry 話發現佢子宮有積血但無腫癗可能係早期子宮病變，做完之後尿尿應該無事!!  應該係咁所以醫生要我地入去同我地講返佢0既情況!

死啦!!!!   唔知佢係咪嬲左我地定烚我地 .................. 頭先餵草粉佢0累返出0黎:073:

e~~ 你入去接兔仔?? 我成個過程都冇見過醫生…只係護士同我講野, 接送呀b.#^77^#
我都係拎d幼草餵佢食同埋要食新草(放係面前果d唔吼)，食1條都食得好慢同好累(可能痛)… 不過今日下午肯自己搵草食，應該好肚餓，幾條草一齊食。同食左一粒糧

接呀b果陣，護士比我睇下佢，對腳都係疊住左冇哂力，返到屋企都係咁…直至藥力過左

兔仔點呀?? 希望你兔兔快d肯食同飲野! 加油!:038:

係呀... 我尋日去接我隻兔個時已經見到佢(呀 b) 係入面個籠度都識自己行下!! 但我隻兔兔郁都唔郁... 成晚到今朝９點都唔食野又唔飲水，咪打返去問下點攪好囉!! 佢地叫我拎返去等佢地睇下同幫我餵草粉，尿尿就無血, 但都係唔肯自己食野，咁姑娘話Dr. Gerry 返過０黎睇過佢（註：　Dr. Gerry 今日放假)話無問題，依家接左返屋企，都係唔食野０既話每２個鍾餵草粉佢食!!  

(我個隻係個袋出０黎個陣後腳都係唔識郁咁跌左一跌, 嚇鬼死我，之後我又見佢訓住條毛巾有血，而佢又唔食野喎！以為佢跌傷個傷口呀!)

兔仔定兔女黎ga?? 我琴日都帶左呀b(女)去左維多利絕育…
返到黎佢係咁郁(麻醉藥未過唔知痛)…腳唔聽洗係咁撞，心都痛埋
最尾等佢靜靜地休息，4小時後開始食1,2條好幼ge草，對最愛的糧冇反應，反而佢飲水多過食草。
都今早見到佢去左幾粒好小的便便，但間唔中都會食草草… 佢都會比眼神我叫我餵草/水… 咁樣有冇問題？？ 等待康復中…

接佢果陣都有流血，我問姑娘點解咁 (因為佢一直強調唔應該流血!)，佢只係用濕水紙巾抺左就算。咁我返屋企再觀察下，佢一直坐係角落，直至第1次尿尿行開左先見到冇再流血水la! 樓主勤d換尿片，唔好比佢坐係d血度…
(點解我唔帶佢返診所呢？首先我見佢不是流血，是血水… 如果係咁流血ge話帶佢返診所，醫生可以做ge就係把傷口打返切大d開再聯過…<- 別人告訴我的經驗)

唔知點解小便仲有d血..... 依家係診所留醫!!!

俾佢玩..
好過兔兔真係腸停...
小心照顧兔兔

到今朝佢都唔食野，又無"屎"痾，又唔肯俾人喂草粉!! 帶左佢返X多利，點知隻衰野俾姑娘喂就肯食草粉，仲痾埋屎添!!!!   真係俾佢玩死!!!:036:

[ 本帖最後由 eggegg89 於 2010-4-11 10:45 PM 編輯 ]

我隻仔上星期才剛剛做完絕育手術, 當天回來後連平时最愛嘅兔糧都唔食, 我就每一少段时间喂佢食A草及菜菜, 佢每次都係食好少好少, 又係唔多飲水水, 到第二天都係無乜胃口,成日呢埋訓覺覺, 直到張近中午才慢慢有番啲胃口, 我才放下心, 到第三天就精神番晒喇!

唔緊要, 到聽朝都無食先force feed 草粉
依家比巨休息下