Mo仔走了 。

本人在 3/4 在旺角 "寵物X林" 買了一隻4個月大既賓尼兔(Mo仔) ... 回家後一直好活潑 , 跑來跑去 , 胃口都唔錯 , 除第二天有2次軟便 , 其他一齊正常 , 直到 16/4 早上放兔兔出籠 , 但佢唔多願走動 , 我不以為意 , 以為佢累坐係度休息 , 下午回家兔兔便走了 。

我的飼養方法如下 : 大量 oxbow timothy hay , 每天一匙 Kaytee 幼兔糧 , 4-5日一粒草磚 , 每天換水,木糠,梳毛 , 2天洗一次籠 , 一天3-4小時出籠玩 . 大約係咁 !

這是我第一次養兔 , 究竟我既兔點解會死 !? 點解走得咁特然 ? 是我有東西出錯 ? 兔兔買來本身有病 ?
我好有心想養兔 , 希望可找出原因 ! 再次養兔 !

先感謝各位回我的問題 ! 多謝 !

我都好唔開心﹗希望mo仔在彩虹橋能開開心心地再跳兔仔舞﹗你都唔好太難過了﹗但我發現少少既問題﹕

1. mk係買兔熱點同埋黑點，好可能係佢本身已經染病了﹗
2. 至於草磚佢太細個食了,
3. 木糠唔好用，會影響佢既呼吸,應該教兔兔去廁所，用木粒、豆腐粒、貓砂等
4. 可能佢太細個﹐未適應環境就放佢出黎玩，令佢精神緊張…
5. 可以過多半個月以上，先好開籠門比佢自己自由選擇出唔出黎玩
6. 可以既話就唔好食kaxtee糧，可以選擇oxbox / momi / apx
7. 如果買兔既話，一定要同佢去睇醫生﹗﹗﹗
8. 可以既話，請去愛協/兔協果度領養吧﹗

mo仔一路好走了...見到mo仔都覺得同mocha bb果陣好似樣

樓主其實都算養得不差,但2樓的1-4點我都幾認同.可能下次要注意一下,頭2-3日應該是適應期,不應太主動跟兔兔接近太多.應給予時間兔兔接受新環境同主人

日子雖短..但我知道你已當他是你的寶貝了...放心..mo仔是知道的

mo仔亦有好多兔兔,包括mocha..在天國照顧這小可愛

R.I.P...momo係天堂都有好多兔兔陪佢....
好多時出面買既兔兔...都有病患...最好都係幫佢睇醫生做個boby check 咁就最好....
都係果個問題...出面賣兔兔都係木康做底..其實咁係唔好...唔用都可以..仲未學懂廁所..可以加尿片做底...
糧草...都係 oxbow,moni,apd 果D大路D.....
不過現在處理momo 身後事為先....:041: :041:

RIP....
睇得出樓主有用心養MO仔..
其實只要我地細心D留意住佢身體既變化,就會避免左D唔開心既事發生
ANYWAY,兔兔係天堂都會開心的 ; )

多謝各位 ~ :050:

mo仔身後事已處理好 .
另外我决定不會再買兔 ,  已去兔協申請做會員 , 準備領養 !
食物及底材係sales介紹 , 誤信左佢 , 只怪自己衝動 , 買左先上網睇資料 !

精神緊張會係死亡原因 ? ( 因為我地經常抱佢 , 好大機會令佢害怕 ):024:
草磚應幾多歲可以比兔食 ?
頭半個月只在籠內會唔會令兔仔唔開心 ?

草磚可以唔比
頭半個月只在籠內, 係唔會令兔仔唔開心
相反係令兔仔更有安全感, 接受新環境同主人

一般兔兔買回來多數有病,,最好帶左佢身體核查先

甘就萬冇一失啦#^79^#

RIP 可愛的MO仔，係彩虹橋開開心心吧！

唔洗怕兔仔悶，佢要適應環境。同埋你會發覺兔仔會躲在一角，因為牠害怕。

當你見佢合埋眼訓 / 好放鬆咁訓覺，恭喜你！佢已經習慣左你屋企啦^^，多點親手餵草同行過佢個籠叫下佢個名摸下佢，等佢信任你先！咁你可以試下放佢出黎，如果佢唔比抱就唔好勉強喇！因為兔仔都唔知咩叫抱，更加唔知你係咪對佢不利，話哂兔仔始終係細膽的動物。

好開心見你話領養~~ 未接兔兔呢段時間多D黎睇下兔兔寶典丫!~

原帖由 chung22003 於 2010-4-19 01:05 PM 發表
多謝各位 ~ :050:

mo仔身後事已處理好 .
另外我决定不會再買兔 ,  已去兔協申請做會員 , 準備領養 !
食物及底材係sales介紹 , 誤信左佢 , 只怪自己衝動 , 買左先上網睇資料 !

精神緊張會係死亡原因 ? ...

緊張唔係死既原因

但緊將會令兔兔抵抗力低..令潛伏既病影響兔兔而死

其實唔一定要半個月先放.而係留意兔兔表現先決定應唔應該放

我家OVALTINE都係星期五下晝走左
MO仔同佢做伴一齊去彩虹橋做天使一定唔會悶
你要振作D,兔兔會好掛住你架
我到宜家都好掛住OVALTINE:044:

下次再養記得第一時間去BODY CHECK啦!

"精神緊張會係死亡原因 ? ( 因為我地經常抱佢 , 好大機會令佢害怕 )"

壓力對兔仔既影響好大, 唔單止驚咁簡單, 仲會影響到腸蠕動, 免疫系統等等
所以儘量減低環境既壓力好重要

原帖由 chung22003 於 2010-4-19 01:05 PM 發表
多謝各位 ~ :050:

mo仔身後事已處理好 .
另外我决定不會再買兔 ,  已去兔協申請做會員 , 準備領養 !
食物及底材係sales介紹 , 誤信左佢 , 只怪自己衝動 , 買左先上網睇資料 !

精神緊張會係死亡原因 ? ...

領養好, 又可以幫到兔兔搵到一個"家", 比心機, mo仔去到彩虹橋有朋友仔~~

原帖由 chung22003 於 2010-4-19 01:05 PM 發表
多謝各位 ~ :050:

mo仔身後事已處理好 .
另外我决定不會再買兔 ,  已去兔協申請做會員 , 準備領養 !
食物及底材係sales介紹 , 誤信左佢 , 只怪自己衝動 , 買左先上網睇資料 !

精神緊張會係死亡原因 ? ...

別太傷心喇..好可能如兔友所講..兔兔本身已經有病..mo仔曾經有你陪住佢..已經好幸福!
佢會係彩虹橋開開心心!

支持你的決定...下次你領養了兔兔.. 記得post上黎..介紹俾大家呀!

其實都唔洗話半個月咁耐,我之前睇書都係話兩三日
最緊要唔好抱佢住, 由得佢自己行出黎

另外, BB 要食Alfalfa 草, 咁先夠營養
不過都係無軟便情況下
如果佢無軟便, 可以全部食Alfalfa 草, 加少少Timonthy
糧要食 alfalfa based   o既糧
呢d係dr. Yen 教o既