隔離屋裝修, 好怕嚇親兔....

直到六月尾, 隔離屋都會裝修, 我地兩個單位得一面牆係貼住的, 兔兔個籠正正就係放喺呢面牆... 於是我就將兔兔移入書房, 叫做冇咁應啦, 但放咗兩日, feel 到兔兔唔開心, 因為以前喺廳, 兔兔可以聽到見到我地, 又可以睇到電視, 入咗書房佢就扮雞, 唔理人... 裝修時間係返工時間, 我同兔爸都唔會知道實際會係幾嘈... 很煩惱...而家我地諗到兩個方案

1. 裝修完前都放入書房, 唔開心都要佢習慣
2. 我地喺屋企就放廰, 返工就移入書房, 我又怕日日轉位兔兔仲唔習慣...

大家可唔可以俾 d 意見我?
好彩今次係隔離屋, 唔係樓上, 如果係樓上真係搬去邊都避唔到... 有冇人可以分享下類似經歷呀??

我都試過係係樓上..但都冇計...我又唔覺兔兔有咩問題~一齊正常..
你地唔係到既時候會放兔兔出黎嗎?

我地喺屋企就會放佢出黎, 佢平時好少好少扮雞的, 但入咗書房就扮雞.... 好慘咁...
兔兔真的不怕裝修聲?? 因為我自己就好怕, 會好煩燥...

如果係晏就就會好嘈...因為兔兔晏就係要訓教...唔多唔小都會受影響!!!咁我覺得你唔係屋企既時候就放兔兔係冇咁應聲既地方...到你地返黎...就放返佢出黎!!

我覺得隔離裝修既話D聲係無得避
就算得一幅牆連住, 都係成間屋好嘈
放係廳同書房分別唔大
可能兔兔日頭訓得唔好, 無咩心機唔開心啦

前排兔爸屋企隔離都有裝修。又冇特別搬佢間屋，只不過見佢果排好累咁。
不過呀b唔太怕嘈。有時屋企打麻將佢都照訓照食草

我啱啱養惠惠頭一兩月樓上就大裝修,仲要係正樓上嗰層,日日係你個頭頂上鑽足兩個月,都咪話唔嘈!!:052: :052: :052: 而且我返輪班的,日日早午都同惠惠係屋企挨.......:050: :050:
記得最開始裝時,我放佢出黎,佢好似癫咗咁橫衝直撞,係真係癲咗同瞎咗個種!!!!見到都俾佢嚇死,之後見佢"呢"係紙箱/柜底下面打冷震.都幾攪笑架.所以頭幾日佢未適應時日頭都無放佢,佢自己係個籠裡面會無咁驚架,之後過多一個禮拜佢適應咗就乜都唔驚,佢仲好訓得添.

我今朝先受過呢種苦呀!!!!!!!!!!!
一到九點就鑽!!樓上呀!!!
(講真...佢斷斷續續鑽左一年架喇......鑽半個鐘又停15min...
到我差唔多訓返著,佢又鑽!!!!!!
我都唔知佢有咩要裝修咁耐!!!!!!!!!!!)

其實我都好怕嘈到total,人都忟la~何況佢地聽覺咁勁~
但係都無辦法....
so far total都係照食照訓,無乜問題~~係可能會訓得無咁好,所以夜晚訓多d~

你話驚個籠轉地方會唔慣~
其實我覺得唔會~~
頭兩日可能佢會覺得點解周圍風景唔同左,
但係慣左就無事~~
total以前長期個籠係廳,後來夜晚困係房~
開頭成日想跳出去~但後來都慣左~

[ 本帖最後由 光之天使 於 2010-4-19 11:12 PM 編輯 ]

斐斐要捱兩個月冇覺好訓的日子.... 真係慘.... 不過聽完大家咁講, 我都放心 d, 雖然係捱, 但係捱得住... 我係怕長期咁大聲, 令佢長期受壓, 對佢健康有影響!

原帖由 ronniecheung 於 2010-4-19 11:02 PM 發表
斐斐要捱兩個月冇覺好訓的日子.... 真係慘.... 不過聽完大家咁講, 我都放心 d, 雖然係捱, 但係捱得住... 我係怕長期咁大聲, 令佢長期受壓, 對佢健康有影響!

佢地鑽野都應該唔會長期不停咁鑽既~~(唔會好似我樓上咁變態掛)
又會食午飯,又會食Tea,又早放工~

不過,你都要留意返佢wor~
隻隻兔都唔同~
夜晚多d陪佢~幫佢按摩下當錫返la~

你屋企我估都唔會得一個牆掛#^60^#

而裝修你留意一下佢點開始,,甘你先放佢入房

佢就算轉牆,都唔會轉得太夜

因為轉牆轉得太夜佢會比人投訴的

所以夜晚你都可以放佢係客廳#^64^#

你要注意下佢D屎呀, 上次我就係屋企裝修搞到兔兔差d腸停要去睇E生:063:

我屋企出面拆樓tim啊而家:056:
但我發現如果我將塊黑布蓋住籠頂佢地好似會冇咁驚架喎~:048: