兔仔黎左屋企一星期多些，咬了我和我爸爸幾次，點算？！

最近領養左隻３個月大的貓貓兔，男仔黎！原本的主人話佢比較文靜同乖..........
頭個幾日都係的，但之後幾日，可能因為日日都放佢出黎啦！佢又熟識左環境
最近，我'新'隻手入去幫佢執屎的時候，佢竟然好惡咁咬我！足足咬住左我隻手幾秒.......好在無流血！
而今日，我爸爸同兔兔不太熟，佢放糧入去比兔兔食的時候，兔兔超激動，瘋狂起來，咬了和抓了我爸爸的手，流血了！

咁我日後應該如何對待兔兔呀？好驚驚呀...........><''大家有何指教，謝謝

其實 兔兔係唔鍾意人地搞佢個籠入面既野
因為佢覺得有危險

所以你伸手入去之前要同佢講聲
再用手摸下佢 等佢對你有信任先好再搞佢入面既野

兔兔咬主人係不能避免
呢度好多兔爸兔媽都俾兔兔咬過
希望你能明白兔兔咬你 係想保護自己

你入左佢地盤嘛, 係要小心D~~
我波波絕左育有時都仲會撲埋我隻手度架, 嚇到我撞親隻手 :077:

以前MIMI佢未絕肯時我都試過中曬招..
平時只係想餵糧OR加草俾佢佢都一定出口+出手!!
但依家絕育左之後就冇LU~~
你兔兔係唔係女仔黎嫁!? 如果係女仔個地盤意息大D就會咁囉~~~

我隻小兔兔黎左屋企3日對我好熱情了....
但係岩先我"大"番眼鏡佢唔認得我嚇到佢係咁周圍走
緊張到死....
之後我除番比野佢食先無咁緊張...
但係feel到佢嬲左我...

點解MAX同其他兔兔相反?

有時唔駛加草，只要隻手伸入籠攪兩攪，MAX就會即刻跳返入籠，好似我添左新草咁食籠入面D草....

掃把仔伸入籠掃MAX都唔會有意見...總之唔好掂佢就乜都得...

不過MAX係一隻唔抱得O既兔....

我果隻都係- -
一抱佢就係到狂踢我/___\心淡呀

原帖由 千秋王子 於 2010-4-26 09:22 PM 發表
我隻小兔兔黎左屋企3日對我好熱情了....
但係岩先我"大"番眼鏡佢唔認得我嚇到佢係咁周圍走
緊張到死....
之後我除番比野佢食先無咁緊張...
但係feel到佢嬲左我...

:027: 吓載眼鏡就唔認得, 定係兔仔唔鐘意人戴眼鏡咋?

反而我剝左眼鏡MAX會驚.....

我諗就好似之前有人講過...主人變左形狀就唔認得?#^33^#

原帖由 firen_freeze 於 2010-4-26 10:02 PM 發表
反而我剝左眼鏡MAX會驚.....

我諗就好似之前有人講過...主人變左形狀就唔認得?#^33^#

普樂都係好好 無乜所謂搞佢個籠同佢d野都唔理你..不過有時會頂開件野或者頂你隻手 縑你阻住佢haha
反而我帶唔帶眼鏡佢都認得我 :055:

原帖由 千秋王子 於 26-4-2010 21:56 發表
我果隻都係- -
一抱佢就係到狂踢我/___\心淡呀

哈哈~~
肥嘟嘟已經一歲半啦, 我到依家都未抱過佢:056:
有d 兔兔唔鍾意俾人抱, 無謂勉強, 你夾硬黎咪盞佢咬你或抓你
仲有coffee 都係, (已經絕左育)幫佢執籠佢都會追住我隻手黎打架(間唔中都會),
最終咪又係俾佢咬一嘢囉:050:

我既Miffy都黎左成個月都係咁~里d野要慢慢build up返

你隻兔兔唔係唔好, 只不過係你搞佢d野佢會好嬲,
我兔兔都係領養左1年幾, 到今時今日都係咁, 我要用手按住佢個頭(唔洗好大力呀...)
唔俾佢睇到我搞緊佢d野先ok, 同埋用手按住就算佢發惡想沖過去咬你,
你都可以立即知道而反應丫嘛, 上星期幫佢換"屎兜", 一時唔記得按頭/抱開佢, 咁就奶左野喇
上次送隻公仔俾佢, 都仲未放到落籠地下, 佢已經沖左過來搶左去先喇,
so我覺得有某d兔兔係會緊張自己d野一D既, 下次要醒目d喇A_A仲要提醒你家人呀!!~~~

我諗你兔兔自我保護力很強, 好似我 david 咁,
你可以試下, 等佢出左寵, 你先伸手入寵 ,
又或者, 先伸手入寵前, 同佢傾2句, &摸下頭仔/背部,
你千其吾好係佢背后伸手入寵 ,

如果你仲係好驚,
你可以多d 係佢寵旁邊, 同佢傾下計, 等佢識得你個樣 & voice,
知道你無惡意

我 david 以前係寵入面跳來跳去, 如似癲左咁, 我仲驚:067: