有冇兔友又養兔仔又養狗仔?

請問有冇兔友係又養兔仔又養狗仔(or貓仔)??
如有想請問兩者是如何共處?

最重要係要睇住隻狗仔,
狗子第一次見到兔兔，覺得佢陌生，可能會攻擊兔兔架
所以最好比隻狗狗見到兔兔係你既寵物，大家都係同一家人
咁狗狗就唔會攻擊兔兔架啦~
我帶隻兔兔去女朋友屋企    佢隻金毛成日都想同兔兔玩~
係兔兔面前跳黎跳去,  但係兔兔就當佢冇到...唔理佢  做自己野
搞到狗狗鬼死咁可憐:042:

其實無乜點共處，屋企隻狗狗因為細個俾主人虐待，
而家接左手之後佢就好神經質，
再加上poodle本身又係活潑個種狗 (聽說呢種祖先係獵犬)，
所以我都唔敢俾佢地兩個唔係我視線下一齊。
頂多都係我睇電視個陣兔兔趴係我旁邊，
狗狗因為見到我係到唔敢搞兔兔，
所以唯有坐係兔兔旁邊。

其實只要狗狗唔搞兔兔，兔兔都唔會理...

我有隻狗..雖然隻狗只系想同樂樂叮叮玩..但系太粗佬..驚佢整親兔兔..所以吾算好夾到..
同埋你既系狗定貓?兔兔泥先定狗/貓泥先?隻狗/貓系成狗/貓定系幼狗/貓?

我屋企人一直都想養番狗仔,但森美會係我既顧慮,所以想問下大家個情況會係點
係兔仔係度先,狗仔後加
如果係狗仔3-4個月果陣開始同兔仔相處,問題會唔會冇?

其實我係好驚好驚養左狗仔之後森美會驚,不過其實如果相處冇問題,兔仔有狗仔陪會唔會覺得多個伴?還是要係番兔仔先得?

其實我都只係計劃下,如果唔係解決哂所有問題都唔會真係養狗仔(除非森美唔係度)

原帖由 happygirl2009 於 2010-4-27 08:05 PM 發表
我屋企人一直都想養番狗仔,但森美會係我既顧慮,所以想問下大家個情況會係點
係兔仔係度先,狗仔後加
如果係狗仔3-4個月果陣開始同兔仔相處,問題會唔會冇?

其實我係好驚好驚養左狗仔之後森美會驚,不過其實如果相處 ...

其實我認為狗仔同兔仔比較難夾..不過真系好睇兔兔同狗仔本身既性格..兔兔可能會呷醋..不過由狗BB開始養可能會易D夾..其實主要都系睇隻狗仔曳吾曳..雖然狗BB可能比較易夾..不過狗BB會牙痕可能會咬兔兔(大狗都會咬既如果真系要咬既話..)..同埋要比兔兔做大,甘遲d放狗仔同兔兔放出泥1齊玩比較易.不過如果隻狗仔吾吠d兔兔既,分開玩都ok既..我e家就系甘..不過兔兔真系會少左時間出泥..有圍欄就方便好多~可以2樣放晒~呢d都只系我個人意見~

thx!!
我想問你果隻係咩狗狗??同埋係唔係兔兔後加ga?

狗我諗可能會似大哥哥甘睇住隻兔兔~