如何決擇 請大家幫幫忙

今日帶左小哈女做絕育,佢已經做完喇,宜家休息緊.
問題係之前佢腸停既時候,DR. MA發現佢有個奇怪既腫起地方,之前諗住醫番好佢腸停先再理呢個問題.
但呢一個月腄脹既地方大左,今日做絕育終於知道原來佢可能生左個膿蒼...
個膿蒼黏住條盲腸...做手術高風險...但唔做個膿蒼會一直大...佢會痛..又可以再腸停...同埋有機會爆...
我應該點做..><...做定唔做...
本來今日DR己經問我地即日做唔做,但我個下無辦法接受即日做...好驚...
大家有咩意見.....
好迷茫.....

吾...有無問多個醫生o既意見? 咁大件事.. 要聽多小小專業意見好d wor.. 快d睇多個醫生.. 盡量唔好拖多日喇...

要面對咁大決選...一定有壓力.....希望你兔兔快d無事... guggg, 要加油呀!

但係dr ma既意見係做定唔做???

其實如果咁serious 你可以搵多一兩個vet俾advice既

當下醫生既意見係做or唔做?

會唔會可以等兔兔好返d先做?岩岩desex完...
幾個月後先做會唔會安全d?
如果真係想搵多個意見,試下去大圍果d睇下~

我覺得...如果一日唔做..兔兔都會痛,個瘡都係會變大...
咁不如做...起碼有機會醫好...
如果話唔做,個瘡只會keep係度,唔會對兔兔有咩大影響就唔做je...

我會同意今日做埋,　
個瘡始終會大
第時唔使再開肚
唔做有可能會好痛苦
不過都已經過去,等兔兔康復先啦

有問過醫生如果做可以幾時做...佢話星期一已經可以...但我地BOOK左下星期五先...
仲未決定到...
DR.MA無話做好定唔做好...佢只係話高風險...但唔做就會變大有機會爆...
但我好驚佢做左...當日佢就會走左...
好confuse...好唔開心...

我諗我都會問一問大圍個邊既意見...

我相信醫生會suggest愈快做愈好,,
既然個腫瘤唔理佢會愈黎愈大,
咁梗係襯而家唔係好大果陣處理..

我會睇多一個vet, 聽埋另一個o既建議先,
如果都一樣係咁講的話, 我諗我會決定做,
因為個瘡會不停咁大, 仲有可能會爆添!
咁樣兔兔就會越嚟越辛苦同痛苦,
親個瘡未變到最大時切咗佢會好啲~

好難抉擇.....

如果唔做兔兔係咪會成日痛住，定係生大左先會痛?

問下醫生個失敗率有幾高，如果好可能會死，咁我會選擇唔想兔兔咁快走.....做唔做都要死的話，我會選擇唔俾佢捱多刀...
話時話，有個膿瘡點解唔順便絻育DR拎走埋呢? 咁咪唔駛捱多刀....

原帖由 firen_freeze 於 2010-4-30 11:50 PM 發表
好難抉擇.....

如果唔做兔兔係咪會成日痛住，定係生大左先會痛?

問下醫生個失敗率有幾高，如果好可能會死，咁我會選擇唔想兔兔咁快走.....做唔做都要死的話，我會選擇唔俾佢捱多刀...
話時話，有個膿瘡點解唔 ...

我諗醫生唔做埋既原因係
始於割個瘡係高風險 touch wood兔兔係呢個手術捱唔到 醫生好難交代
同埋 我諗 麻醉藥都係一個問題~
可能個份量唔夠做2個手術

anyway 多問一個vet意見 再決定~~
希望兔兔會冇事

:038: 我都祝你兔兔可以平平安安!!

實際上我覺得咁既情況其實都係要做,
冇可能由得個瘡係入面成個計時炸彈咁,
而家只可以話搵個好有經驗既醫生幫兔兔做,
減低個手術風險

如果係我... 我就會決定做, 雖然高風險, 但都係一線希望, 如果唔做結果就只係得一個結果?"等死"!!

我唔會忍心睇住兔兔痛苦同等死, 即使做手術嘅時候真係要走, 至少佢都麻醉咗, 無痛苦咁離開, 而且, 我亦盡咗最大努力去醫佢, 佢就算要走我都無悔。

如果... 我嘅波子及早發現有腫瘤嘅話, 我一定會俾佢做手術, 咁佢就唔駛喺痛苦中離開。

首先, 你對醫生信唔信得過
另外, 我會選擇做, 因為腸停一定死, 做左反而有機會唔腸停

多謝大家既意見, 到呢一劇我同兔爸仲未下到一個決定.
希望今日醫院有開,咁就可以問埋大圍個邊既意見,如果問意見係咪都要親身過去架?
我唔忍心要佢再開刀,都唔忍心幫佢做一個可能立即結束佢生命既決定,都唔忍心見住佢個倉變大.
我真係好迷茫!
如果佢可以話我知佢想點你話幾好呢...
#^56^#

我諗你問多一個醫生既結果都唔會差太遠,你都問埋因為兔兔啱啱做完絕育手術,如果即時又再做依個手術,會唔會更加增多個風險啦~我只係怕兔兔依家個傷口都未痛完又要再開刀,真係怕佢會頂唔順架...不過,anyway等醫生比咗意見你先啦~~希望小哈女可以捱過依關....加油呀!!