給留院中JANJAN 的話 1

4月30日晚上, 清涼, 但我的心卻下雨
是我錯, 明明7點應該返到屋企, 但我去了旺角, 8點半才回家
是我大意, 因為要先照顧生病的 DAVID ，我放你出黎，只給你草草，　就沒有理你
看到你像扒地兔般，還未給ＤＡＶＩＤ餵藥, 想先給你來個按摩,
當給你糧時, 你第一次竟然無興趣, 走回寵內扒地, 好, 再給你按摩 -- 這是第一個不對勁,
再給你糧, 還是無胃口; 看看你的草兜,剩下一半草, 第二個不對勁,
平日你喝一支半水, 今晚只有半支, 再多個不對勁,
給你油墨菜, 食得很慢 .... 所有所有, 確實你真的吾舒服,  9點立刻打給兔爸, 說你好吾妥, 我很驚

馬上給你開一匙草粉, 老泥圓狀, 你很乖,自己食
平時你一係在寵食野, 一係出來要按摩, 但今晚, 你沒精打采, 懶洋洋扒地
我和兔爸看著你, 很心痛,
我哭著, 兔爸話JANJAN 都無事,
但看了很多帖, 很多兔兔因為不吃不喝, 很快走了

咁JAN JAN去左邊度留院呀?

冇事嫁,,1定會好返嫁.....

JANJAN GET WELL SOON!
兔媽兔爸唔好太擔心...會無事的

5月1日, 12點再給你草粉, 只吃了一半, 你吾想再食, 菜菜草草, 統統只佷小小, 平日你食不停, 無時停, 我很担心,  
剛過了清晨一點, 叫兔爸先訓,
決定要狠心點, 用針筒force feed , 從來都無迫過你, 但今次不同
但願你明白, 我很愛你, 吾準你一走了之
穿上圍裙, 關上寵門, 雙手捉實, 抽起你背皮, 把你抱到大腿上,
我從來很少抱你, 知你不喜歡, 但我寧願不抱,  因為這樣抱你, 代表你不對勁
你很乖, 很快吃光草粉,  
清晨三點了, 就算不捨, 都要睡一會
6點半, 又要狠心 force feed , 對不起, 迫你, 但很愛你

早上致電多間 vet, betty full 了, 紅磡 & 大圍 full 晒, 仲叫我明天去, 兔兔等得嗎
?!  到早上 9點幾, 打給 joanna , 叫我去天后, 由屯門去天后, 兔爸不懂, 我更不懂, 但吾緊要, 我地3個, 馬上出發去天后, book了1點半

janjan 腳頭好, 車子差不多要過海隨, 兔友陳小姐打給我, 說他cancel 了1點半 booking, 叫我馬上打電話book betty, 太好了, 不用過海, 對janjan 也好, 不用舟車勞頓,  
10點幾己到betty 度了, 等了一陣, janjan 腳頭好 , 好快見betty ,
janjan 腸有d 點實, 問我有否給你吃糖, or janjan 會否偷吃掉在地上的餅乾 / bread,
真的沒有, 全部可能都沒有, 只係上星期開始, 給janjan 食3寶,  betty 都話無可能食3寶出問題, 平日只給你吃菜, 糧, 草,
betty 給你打皮下水, 再給很水的草粉, 你的藥比david 多,

回到家, 給你幾片菜,你終於肯食了, 我也放心了, 你扒地, 就給你按摩, 到5點, 就給你草粉+藥, 有小小cc ,  看來情況樂觀,
但媽媽今晚要去飲宴, 你要聽爸爸話, 乖乖的, 好好的吃吧

[ 本帖最後由 otola 於 2010-5-2 03:09 PM 編輯 ]

JANJAN你要加油呀!!
要乖乖地聽爸爸媽媽既話食藥呀知唔知道呀~~~

咁佢係咪腸道有事呀, JANJAN 快啲食返多多嘢, 唔好要媽咪担心呀!

唔知點解 , 每次見到兔兔屋企人講自己寶貝病左ge情況 ,
次次都好心up  , 好想哭:073:

JANJAN 媽 , 你要加油丫!!
JANJAN 好快好返同你玩ga啦!!

飲宴到9點幾, 打給兔爸, 話你又不食草粉, 相信藥力過了, 你肚仔開始痛了,
實在很想哭, 我在吃, 你在痛, 我還吃得下嗎?
敬完酒, 就走了, 在車上, 給你禱告, 但願主憐愛你小小生命, 不要把你帶走

自1月1 日領養你, 我實在沒有給你最好的,
住, 你只困在書房, 因為david 不喜歡你
食, 你4歲了, 只給你草菜糧和4寶
玩, 我們可以做的, 只有按摩,
我沒有太多創意, 只有愛, 希望夠吧

回到家, 馬上給你餵草粉, 為什麼你今次咁強硬, 吾肯食,
我又哭了, 我的眼真的很疲累, 哭了很多遍, 你可知道?  你太忍心了 !!
你知道, 你越吾食吾飲, 你的肚子會越痛, 肚子很實
最后, 草粉半食半流, 你的嘴仔滿是草粉和藥, 很心痛
我們知道, 明天又要看醫生了...

5月2日, 6點半起來給你餵草粉和藥, 我知你很痛很痛,
一直避開針筒, 看著你小小身軀, 只有微輕弱呼吸, 我可以做什麼 ?
什麼我都願意, 我寧願我痛我受, 我可以撐, 你都可以的,
你4歲, 你前主人如何對你, 我不知道,
我只知他遺棄了你, 你有淚管閉塞, 我只想給你最好的, 要你今后開開心心, 身體健康,  但實在很難, 我辦不到, 辜負了你對我的期望,
只怪我貪心, 己經有DAVID, 仲要你, 但DAVID 不喜歡你, 難為你困在房中,
每日自由活動的時間很小, 每天只是困在寵中, 等我們回來,
全是我不對

早上沒有BOOKING, 直接帶你去BETTY 度, 9點半到達, 在車你, 看著你軟弱無力, 而且肚子很實, 很胆心,很痛心
我係第2個見BETTY, 話你肚仔比昨日實, 很嚴重, 要留院,
我忍不住, 哭不停, 我實在無辨法接受, 星期五早上你還好好地,
但到晚上完全兩樣, 你是嬲我去旅行留你在兔協嗎?
還是吾想同DAVID 做鄰居, 想住反書房 ?
你想我點都無所謂, 但吾可以用你性命來開玩笑, 我受不了, 我輸吾起

你在醫院病間, 吊著鹽水, 戴上頸圓, 看著我, 像很無奈,很不滿, 還轉身背著我,
你嬲我, 吾緊要, 但請你要好好吃藥草粉,
3點打給VET, 問問你的情況, 只有小小尿, 沒有CC,
我的淚又滴下來, JOANNA 叫我要有心理準備, 我吾想吾要, 我只要你, 要你好好活著, 你是我的將軍, 我是你的主帥, 無我命令, 你決不可投降放棄,
請你想想我的感受, 我想愛你一生一世, 我要你再活多10年8年,
請你吾好中途離場, 呢場將, 我地未輸, 一定要嬴, 知道嗎?媽媽爸爸很愛你

JANJAN, 媽媽沒有放棄, 請你也不要放棄自己,
我們一家4口, 不能沒有你,
求求你

JANJAN, 加油呀, 一定唔可以放棄嫁, 我地要聽到你的好消息嫁, 乖乖努力呀! 加油呀!

JAN JAN  你要加油呀
好多兔爸兔媽兔兔都為你打氣
我知你可以架 快d柯便便

....加油呀, janjan... will pray for you