兔仔太熱唔願食?

大家愛兔呢兩日有無唔多肯食野呀?
我家的"肥高"今日唔知做咩事唔願食野
就連平時追住食ge兔糧都唔食
我今日下午出街前放左兔糧俾佢 岩岩返黎仲未掂過
我俾花佢食又係咁 送到咀邊都唔食
最後我出絕招 兔仔零食 平時佢聞到都飛住過黎的
但今日完全無反應 佢仲好似呆下呆下咁樣
好乖咁俾我抱起 平時唔得的
唔知會唔會係因為太熱呢 我已經立即加左冰種俾佢

打算再過一陣佢仲係唔食野ge話 就會餵佢食草粉

[ 本帖最後由 icelun 於 2010-5-5 09:38 PM 編輯 ]

太熱應該會狂飲水發皮4...
唔食野似係唔舒服喎..(腸胃)
不如去睇醫生啦...

原帖由 fishbu 於 2010-5-5 09:38 PM 發表
太熱應該會狂飲水發皮4...
唔食野似係唔舒服喎..(腸胃)
不如去睇醫生啦...

AGREE!!!!

太熱既話我隻兔都會食少左~
但係你拎埋兔糧同零食呢d佢咁中意既野佢都冇反應,,
真係可能出左問題~
你留意下佢有冇便便,,,如果佢仲係好累咁訓埋一邊唔彩你,,,
你就要快d帶佢睇e生

似係有事多d~
如果見自己平日鍾意食,特別係兔糧都唔肯食的話....
已經唔正常了~
摸下肚仔實唔實,實的話好大機會已經腸停or開始停
水又無飲過呀?
有無便便出呀?
試下用耳仔聽下佢個肚,有無咕嚕咕嚕聲?

我建議你今晚睇實佢既情況,幫佢按下個肚仔~
佢真係再唔肯食的話,聽日一定要帶佢去睇醫生架喇

前幾日我花花都希類似既情況...
唔係好食野~ 水又唔係好飲~~
CC 細左好多~!!!!!#^73^# #^73^#

我即刻同花花去左睇醫生~~

#^68^# 醫生話花花太熱啦~!!!#^68^#

你有冇開冷氣 OR 風扇 OR 冰種比"肥高"呀~???

我已經立即放哂冰種俾佢 佢而家"痴"實個冰種唔願郁
但仲未食野 準備餵草粉了 應該話而家就去

原帖由 光之天使 於 2010-5-5 10:58 PM 發表
似係有事多d~
如果見自己平日鍾意食,特別係兔糧都唔肯食的話....
已經唔正常了~
摸下肚仔實唔實,實的話好大機會已經腸停or開始停
水又無飲過呀?
有無便便出呀?
試下用耳仔聽下佢個肚,有無咕嚕咕嚕聲?

我建議 ...

我模過佢肚仔了，可惜我唔知點先叫實 -_-
但以我ge感覺就唔算實，林林地咁
水同便都好似無的
已經聽過佢肚仔了，間唔中會有一兩聲咕嚕咕嚕聲

無飲水無便便......就唔正常了~
如果正常,應該係keep住不停咕嚕咕嚕聲的~

如果肚仔唔漲,
你比少少草粉佢等個肚仔有d野落肚先la...
一定要去睇vet呀....

佢係咪仲唔肯食野呀??

我覺得兔兔似係中暑咁O既....
摸下後頸係咪好熱
除左冰種，可能要用濕毛巾整濕佢耳仔，幫佢快D降溫
冰種唔好放肚仔，放背脊，免得剌激到D腸唔郁...

如果耳仔唔係熱，反而涼涼的，咁就危險啦...要拎開冰種

仲可以輕輕貼耳仔去佢個肚仔度聽下腸鳴聲正唔正常(我隻兔兔隔幾秒就咕一次)

原帖由 icelun 於 2010-5-5 11:46 PM 發表
我已經立即放哂冰種俾佢 佢而家"痴"實個冰種唔願郁
但仲未食野 準備餵草粉了 應該話而家就去

唔知兔兔而家點呢...
痴實冰種似係因為太熱....腸仲有咕咕聲應該還好...

原帖由 firen_freeze 於 2010-5-6 12:55 AM 發表


唔知兔兔而家點呢...
痴實冰種似係因為太熱....腸仲有咕咕聲應該還好...

而家仲係痴實冰種 岩岩去摸過佢耳仔
無乜溫度 唔熱唔凍咁的

頭先都餵左D草粉俾佢 同放左D草係佢隔離

攪到我都好緊張!!
希望兔兔真係只係太熱唔係肚仔有事啦...

而家佢ge反應比我頭先岩岩返家時好
行過去 佢都會伸個頭望下我 頭先係好呆的

你屋企依家係咪好熱呀??
佢有無主動食野同飲水呀?