如果想養多隻兔仔有咩要注意和考慮?

見到森美一隻兔仔係屋企好似好悶,見到兔友分享兔兔有同伴會開心d和對健康有幫助
心入面有諗過養多隻兔女(森美係男仔,而且絕左育),不過真係只係諗下,因為都要平衡一下利弊

係我決定要養多隻兔兔之前,想問一下有咩要考慮和注意?
好似bonding果d,其他種種要考慮既因素等等
希望各位有經驗既兔友分享一下

thx!!!!:002:

bondind到就好啦~
bonding唔到就好慘~!

我見其他人分享話兔仔既性格都好重要
我想知點樣既性格為之易bond?

首先,
你要預左可能佢地一世bond唔到~
要以後分籠養分開放~ok?
要諗下有無呢個地方/時間/心力

2. 糧草要x2, 資金上有無問題?

3. 如果有病既時候,要預左可能兩隻都要睇醫生,
因為兔仔病都幾易傳染比其他兔~
資金上真係要好好考慮下架~

4. 自己會唔會做到公平愛護兩隻兔?唔會太偏心?

5. 可能新黎既兔兔無森美咁乖,
可能佢唔識去廁所,可能會周圍咬野,可能性格上惡d etc.
你要有呢個心理準備,因為隻隻兔性格都唔同,
未必好似森美咁乖架~ok?

如果以上既野你都考慮好又接受ok的~
咁就可以試下帶新朋友返屋企喇~

冇得睇架wor~!我之前都好似你咁想搵隻陪糯米糍~!

睇我糯米糍cc文文~真係好lady架~!

點知養左oroe~先知道佢係一隻惡死兔~!

見親就咬~2年啦~都係咁~!但對住我都好乖~好c文架~!

oreo行過籠邊~糯米糍都整個咀出黎咬佢~!

見到oreo都覺得可憐~~!

其實一個要分開2隻養~一定會有機會偏心架~!

thx!!!我會諗清楚先再決定養唔養多隻
最首要考慮的都係2者有可能一世bond唔到 & 錢的問題

請問有冇方法可以test到森美接唔接受到有新兔加入?
or性格上會唔會都睇到佢有d sign係階級重??

其實冇得test的...
之前何Hill去同D兔仔玩佢都係勁怕羞
見到其他兔兔都唔敢惡

之後我帶左隻兔兔番黎 何Hill 360度轉變
每次隻兔兔行埋佢身邊佢都想咬人地咁
兩隻都視對方如敵人

坦白講...你覺得森美悶
不如你有時間多d放佢出黎玩 同佢按下摩仲好
因為 bond唔到既機會真係好高
bond唔到咁你點算呢....... 新拎番黎個隻你又唔可以唔要
但係2隻又無法相處

雖然人地話兔兔係群體生活
但係 我始於覺得 係我地覺得佢悶 係我地覺我佢需要同伴...
呢樣又係咪真係兔兔想要既呢~
我覺得 主人錫兔兔 花多D時間陪佢地已經好足夠

原帖由 happygirl2009 於 9-5-2010 01:34 PM 發表
thx!!!我會諗清楚先再決定養唔養多隻
最首要考慮的都係2者有可能一世bond唔到 & 錢的問題

請問有冇方法可以test到森美接唔接受到有新兔加入?
or性格上會唔會都睇到佢有d sign係階級重??

冇人知架wor~!
每隻兔都唔同~!
佢唔係人~我都唔會知道佢想點~!
有返工的話~$唔係問題~!只要你每個月自己儲$!就唔洗擔心~!
草每個月都係$388~22lb~

你都講得岩
其實森美係放養,佢而家唔係食草就訓覺,每日係咁訓係咁訓係咁訓,連跑跑跳跳都少
佢又唔enjoy按摩(唔知係我唔識按定點),
如果我陪佢佢會覺得唔悶咁我都寧願自己花多d時間同佢一齊 rather than 養多隻
不過我又唔識點同佢玩,又唔知點同佢玩佢先開心
又唔知買咩玩具比佢,比紙箱佢又唔捐

我都想可以同森美親密d:022:
佢平時就係呆係度同訓覺
咁我會走埋佢叫: 森美~之後摸佢
通常佢都唔會企定定比我摸,我摸左佢幾下佢就走.不過有時佢會攤左係度任我摸
除左講野,我重可以點樣同森美close d?幫佢解悶?

其實都係按摩同餵食~~
e.g.我自己一得閒就會親手餵total食菜~
今日唔得閒就聽日餵~逐塊逐塊咁~

如果森美唔係每日食菜,咁咪逐粒糧餵lor~

之後都係按摩下~
夜晚臨訓,我都會抱total上床一齊訓一陣~按摩下~錫下佢咁~
or total食草果陣就痴係佢隔離睇佢食草(外置草兜)~
來不來揀條靚草餵下佢~

都係呢d~~

我最先養小樹（女仔），但係平日返工冇人係屋企，於是諗住養多隻，等佢知道屋企有佢既同類。就係因為咁，我係兔協領養發發（男仔）。發發係好好好乖既，可以話係怕羞仔，對其他兔兔亦友善（我見佢同Bon Bon，即我另一隻男仔兔兔相安無事，仲會互聞，同埋會攤係Bon Bon個籠側邊#^65^# ）。但因為小樹既自衛性強（女仔天生有媽媽保護孩子的個性），大半年以來都同發發都bond唔到。#^56^#

至於兔兔悶唔悶，我覺得佢地係識得自娛既，我通常放工返屋企第一件事就係放佢地出籠跑下食下跳下玩下紙盒，同時清籠，有時會親手餵糧餵草餵菜，同埋梳毛按摩剪甲...佢地開心就會跳兔仔舞　#^27^#

想問兩隻男仔會唔會話易BOND D 架?? 男仔睇落冇咁惡

森美日日都食菜ga,不過通常我都係趁佢食菜果陣就梳毛毛,因為佢平時唔比我抱住梳~
至於按摩,其實係唔係都係摸下頭仔面豬仔咁??
但我見森美佢好似唔太like我摸佢面豬咁...我都想同森美一齊訓><不過我張床係升左上去果種,所以冇機會同森美一齊訓:022:
佢平時係籠度食草我都會望住佢,又摸佢又叫佢
不過佢都係一出籠就攤係地中槍
中完槍又入籠食草,不斷重複重複..
係我餵佢食菜之前佢會係我身邊好happy咁又轉黎轉去

按摩兔兔介紹:
http://mini-house.info/redirect. ... post&sid=QeKsPp

其實我惠惠情況同你森美一樣,又係放養,唔俾抱,毎日就係食同訓,行都懶行!初時都想過養多隻陪佢,但我又唔知"佢"係咪真係想要個伴,定係"我地"想佢要個伴??不過再諗深入D,如果bond唔到,其實對兩隻兔都唔好,當放新兔困舊兔時,放養慣實唔鍾意困.放舊兔長困新兔,對新兔又唔公平,真係好難取捨.:008: :008:
所以唯有同兔兔互動多D幫佢解悶,eg.每次餵糧時我會拎住個碗跑等佢追下當做運動,一得閒就摸頭仔,陪佢坐地下,陪佢/餵條草佢食,得閒追住佢跑扮捉佢咁.同埋你要俾多D時間佢去認識你,因為佢地始終俾人遗棄過,要對人再建立返信心都要一段長時間.我初時係兔協拎佢返黎,頭八個月都唔係好理我地,仲成日發脾氣.到第九月先開始肯同我地熟絡D咋,宜家都養一年有多都肯睬下我地,不過依然唔俾抱.:029: :029: