腸停過既兔仔日後要點樣護理?

好唔好彩森美前日腸停....經過一番醫治後而家情況好番d
腸停過既兔仔係唔係好容易復發??
想知道日後要點樣照顧佢避免佢再有事?

謝謝各位

其實都無話點樣護理...
最緊要係搵出原因,
會唔會係..
1. 食太多糧?
2. 食太多菜令腸入面糖份太多?
3. 食左d唔食得既異物?e.g.尿片?
4. 屋企有改變令佢唔開心唔食野?e.g.插左電蚊香等等
5. 草質唔好,唔夠纖維?

total都試過腸停兩次...
但係注意返飲食,其實都唔會話好易復發既,(隻隻兔唔同)
自從上次腸停,total呢半年都正正常常無乜事~
森美仔咁叻,應該都好快無事~

另外,腸停其實你可以定時幫佢按摩下肚仔~
由胸位向尾掃,用少少力~
對推郁條腸有少少幫助架~

更加小心佢既飲食, 唔好俾太多甜野零食俾兔
同埋係佢一切未正常番先前都唔好俾糧佢食住呀..但佢完完全全正常番既便便後先慢慢小小咁加番俾兔兔食(如需要)

同埋知唔知今次係因為咩事而腸停﹖知道的話盡量避便同一事件再發生..
小心天氣(太熱) 呢排真係好熱.. 好易出事呢..

其實森美已經戎左糧同埋我唔會比零食佢食,間唔中會比少少草餅同幾粒糧做reward
不過我有時會比蕃茄佢食,1-2星期1次,每次大概2隻手指份量...因為我見d list度冇話唔比食蕃茄,所以照比

至於今次腸停,原因不明-
佢係突然間有事,之前果日都好好的,肯食肯痾
醫生check到佢係腸入面有野塞住左,我問佢係唔係異物,因為我懷疑森美食左d電線膠....(係我大意,我以後唔會再咁大意!!)
但e生話佢摸到唔係d好似異物硬既物質,應該係乾左既食物塞住左...
之後照x-ray,見到唔係異物

我估可能係毛球塞住腸或者係佢飲唔夠水..
唔知點解自從1月去完九龍城睇e生之後佢既飲水量就少左...點樣可以令佢鐘意番飲水?
同埋最近屋企樓上同出面打椿
我自己係屋企睇就見到森美就算我覺得好嘈但佢都中哂槍咁訓得好舒服,同埋食量又冇少到所以冇覺得呢個係問題....但唔知關唔關事

森美而家係大圍day care緊,一陣出去接佢番屋企
希望佢快d好番,我真係好擔心!:022:

[ 本帖最後由 happygirl2009 於 2010-5-22 04:05 PM 編輯 ]

其實如果係個list無話唔食得既...我都唔會比兔食~
只係食返個list上話食得既野~
同埋最好睇多幾本書,因為有d書話呢樣食得,第二本書又無寫咁~
最好都係餵返d本本書都寫話食得既食物~~e.g.某d蔬菜

加上total腸停過之後,我都好少話比零食獎佢~
唔會比糧(因為屋企無)
亦都唔會比草餅~
要獎佢多數都係同佢玩/幫佢按摩,大家傾下計~
唔敢隨便騷擾佢腸胃~盡量避免因為餵食而令佢腸停既機會~

飲水...都無話點樣可以令佢飲多d~
會唔會係比多左菜佢食~佢多左水分所以飲少左?
每日有菜食?

如果見森美都無話比d嘈音影響,咁應該唔係太關事既~

勤力d幫佢梳毛,小心d比佢食落口既野~

森美咁叻仔~好快好返既!

MIFFY 都試過2次腸停，
之後我都好留意佢d便便，一細左就會睇下佢乜野問題。

除左菜之外，都無俾其他零食，
只係得草草~

個list有話食得蕃茄(係蔬菜類),但d人成日淨係講唔食得生果,所以我就唔知比蕃茄佢會唔會over左

佢係每日都有菜食ga.

蕃茄皮唔食得, 除非係有機
蕃茄食得多會容易軟便, 最好唔好俾啦

原帖由 happygirl2009 於 2010-5-22 07:31 PM 發表
個list有話食得蕃茄(係蔬菜類),但d人成日淨係講唔食得生果,所以我就唔知比蕃茄佢會唔會over左

佢係每日都有菜食ga.

記得留意返菜既份量~
好似我家total咁la~
以前岩岩戒糧,之後我比差唔多每日大半碗菜~
後來糖分可能太多喇~導致腸停~

依家total每日食3-4塊菜~
腸胃好健康~(咕嚕咕嚕聲不斷呀~^^)

所以留意返自己會唔會比得太多菜森美呀~