奶茶bye bye...

2010年6月3日 晚上11時

我回到家中行至房門..
發現門既閉著的..心有不妙的感覺...
打開門..一陣微微的酸味傳出, 不妙的感覺更強..
我開燈, 望向籠內, 不見你的身影
平常你都會坐在廁所中 呆呆的看著是誰開燈..
我奇怪, 立刻走到籠前, 發現你躺在正中間, 眼睛睜大大的...
我知道你出事了...但阿Q地安慰自己你只是在睡覺...
我輕輕叫你, 搖搖籠子...你沒有動..
我注視你的身體..沒有呼吸...
那一刻我嚇壞了...不知所措..我怕得不敢打開籠, 不敢摸你...
打電話給兔爸...他一聽到便趕緊折返
看著你迷你的硬硬的身體...兔爸哭了...我也哭得更緊要...
奶茶...你就這樣走了...我沒有在你身邊...不知道你是怎樣去的...
但種種跡象都令我們懷疑甚至相信是女傭嚇致你心臟病發死的...

奶茶...你現在應該在天堂上自由自在的跑跑跳跳了吧...
再也沒有人麻麻煩煩地整天「喂~唔准呀」, 「喂~曳曳呀」, 「哎呀, 又賴尿...」 ..
你應該覺得很開心吧...
小寶貝...媽咪錫晒你...
天一光你的小小身體就會被火化...
再捨不得也要捨得...因為你永遠也會活在我們心裡

節哀順變啦~~~
炒左個女傭佢!!
fishbu不要太難過:050:

點解會甘嫁??><
吾駛懷疑啦  直接問個女傭做左d咩  好過估估下啦!!
屋企生活都甘易心臟病發死嫁咩??好得人驚!!
btw 奶茶一路好走 係彩虹橋要生活得快樂啊~

fishbu振作d~~~
問問個女傭發生什麼事????

OMG....
Rest in peace...
女傭做咩黎啊...

咁突然ge?  奶茶rip…#^56^#
樓主真係要問下女傭咩事，同顧傭中心反映下!!!

點解會咁架><
太突然了...
奶茶RIP...去到彩虹橋要快快樂樂...
奶茶媽媽要振作呀!!

奶茶 一路走好
Rest in peace
#^56^#

奶茶媽 節哀
BTW, 你點解覺得係女傭?
咁你仲有另外一隻兔兔
要小心D

睇見我都覺得好難過，眼濕濕了#^37^#
與心愛的寵物分離真令人感到很痛心
我前一陣子才經歷了與相處三年的倉鼠分別，哭得死去活來
你要振作呀！
你心愛的奶茶都希望自己的媽媽開開心心的

奶茶點解會咁架~ 太突然啦 個工人做咩黎丫
R.I.P. 奶茶

點解你會覺得係個女傭嚇致奶茶心臟病發死呢?
係咪見到啲咩證據?
問清楚個女傭到底做過啲咩,
解僱與否是其次的事~

奶茶一路好走,
R.I.P.

個工人做過咩令你覺得係佢整死既??
我記得你好似仲有隻BB..如果係既小心D..
奶茶一路好走!
R.I.P.

[ 本帖最後由 connie0909 於 2010-6-4 02:17 PM 編輯 ]

好突然...

但係之前好似睇你講過話奶茶都便便細左,唔多郁?
會唔會係果陣已經開始唔舒服?

不過點都好la~
奶茶依家去左彩虹橋,唔會再病,佢會好舒服架喇~
唔好太擔心~

要振作,另一隻兔兔都會唔開心架~
你地要好好照顧佢~

多謝咁多位,,我地懷疑個女傭係因為我留意到:

1. 度門閂埋左: 我已經叫佢開住度門, 用個門頂頂住唔比佢閂埋, 但尋晚係閂埋左既。就算勁大風都冇理由吹郁個門頂架?? 但我地問佢佢話佢冇閂到。

2. 個籠既底盤比人郁過: 我平時走之前都會整理好晒D野先出門, 所以個底盤係一定唔會拉出黎..但尋晚個盤比人拉左出黎 但我地問佢佢話佢冇

3. 佢尋日幫我換床單被單, 唔知係咪因為咁嚇親 (可能佢整到好大聲好嘈)

4. 我地問個女傭果陣都未話兔仔死左佢就已經好似好心虛咁話咩都唔記得

咁仲唔係佢???!!!

不過又有可能真係唔關佢事...但點都好...問佢都係冇用...佢實話唔知
至於BB因為之前佢咬奶茶耳仔所以佢去左兔爸屋企住 只可以話幸好佢去左兔爸屋企
不過冷靜落黎之後我諗...奶茶係咪本身身體就唔好?
BB同奶茶只係差1日出世, BB3月4, 奶茶3月5 但BB大隻好多
到左尋日BB既磅數係560g 但奶茶(在生時) 只係280g
本來係book左今日帶去另1個醫生度做詳細body check......點知...............

點都好...
奶茶已經上左天堂...
rip
要好好照顧另一隻兔兔...