終於bond到了,謝天謝地..........

話說買雷八返嚟先,養咗个幾月,見佢一隻悶到死,趁佢細個,諗住幫佢揾伴,後尾見到仔仔同豹妹,諗住可以放埋一齊,點知雷八一見佢哋就癡咗追住佢哋咬,即刻留夜買個新籠分籠養。曰日洗兩個籠洗到我死死吓,後尾發現呢個forum,跟住你哋點bond嘅方法做,得咗。Anyway,係呢度學識咗好多養兔仔正確方法,依家同你哋share我d寶貝同成果。

[ 本帖最後由 devil77 於 2010-7-1 02:04 PM 編輯 ]

兔仔兔女未絕前要分籠養
否則每個月都可以幫你生5至8隻既兔孫
但絕育都要等至7個月到1歲先做得
建議你繼續分籠
你養得佢地,就算辛苦d洗2個籠都要
否則搞出兔命時,你仲辛苦

等到佢地發情, 每隔幾日就互UN
細種兔4個月大就可以交配, 小心

日日洗兩個籠洗到我死死吓??

兩個籠?? 你養三隻麻煩你買多個籠一兔一籠咁養啦~ 兔兔未絕育前, 男女, 男男, 女女都一樣要分開養, 養之前有冇做足功課先養呀?? 你咁叫BOND倒?? 唔好玩啦~~!!

係你真係無知到連男女放埋一齊都唔知會生BB, 定係你一心諗住俾佢哋生BB呀??

再者, 同性放埋一齊, 到咗發情期會打交咖~ 嚴重可以打到流血受傷, 你隻貓貓兔女已經四個月, 開始進入發情期, 請盡快分返籠養啦~!!

我唔知你嘅心態係點, 如果我以上有話錯你嘅話, 就請你辛苦一啲都要分返三個籠養, 兔兔係生命, 養得佢哋就要負責任, 如何養兔嘅基本知識你要知, 再深入嘅養兔知識你要邊養邊學, 做個有責任嘅主人。

PS: 唔好意思~ 我見你一籠三兔真係有啲火, 以上說話可能語氣不好, 但... 作為愛兔之人, 見倒你咁養兔, 真係.... 希望你唔好俾兔兔攪出事。

你的兔仔1歲都未夠, 仍是兔BB, 除非同一個阿媽生, 遲早會發生爭地盤的流血事件 (4個月大一定會發生), 請分籠養; 男女更要分籠。6-7個月才可以絕育, 絕左育1個月後才可以開始bond

我日日都洗2個籠, 每個用15MINS時間 (執草、換墊料、消毒個籠), 完全唔辛苦
然後用30MINS執下屋及消毒地下, 一d都唔辛苦....當你記住你這樣做可以節省幾千元的醫生費

重有, 你的貓貓要杜蟲, 否則會傳染兔仔。

[ 本帖最後由 wm20472 於 2010-6-28 01:58 PM 編輯 ]

我expect佢哋生一胎先絕育,佢哋相處好融洽.

佢哋生一胎便絕育,生到幾多,我都有足夠資源養,幾多隻bb就睇吓仔仔嘅本事la:053:

我有目先放佢哋係埋一齊:
原因一:我個工人偷錢俾我炒咗,依家揾個好嘅工人,清潔呢d嘢暫時要我做,辛苦洗兩個籠,新嚟嗰兩隻仲未識去廁所.去尿漬最辛苦.
原因二:雷八自己一個籠,我發覺佢食d草去得好慢,36oz嘅草食成個多月,又唔願郁,出嚟玩都縮埋成舊,佢仲發緊育,我要佢再大隻d,放埋一齊佢食多咗,玩多咗,依家佢哋一日食成四個塞爆草球.
原因三:我想佢哋趁後生快d born babies ,生完一胎後便絕育.
原因四:我總覺得佢哋一齊玩,跑跑跳跳,生活總比自己一隻過得開心.
我有足夠能力同資源令佢哋同d bb生活無憂,依家我都傾緊兔兔保險問題.有需要時,我便訂造大籠,依家仲有時間俾我去design個籠點造.
暫時佢哋好friend,你記住睜開對眼睇清楚我新upload佢哋相處融洽d相喎.眼清楚d喎.
不如我又鬧你冚家,然後同你講唔好意思,因為我今日心情唔好,想揾人出氣,現後同你講你一定會包容嘅,因為同我己經同你講咗唔好意思.

洗籠你唔覺辛苦,我覺辛苦,間中洗無所謂,日曰洗我覺辛苦lor.呢d留俾工人做好d.幾千元???我要佢哋健健康康,睇醫生一隻都洗咗去la,更可况三隻,將來仲有佢哋d bb洗費.我隻貓一個月都洗我千幾二千元.養佢哋成世,乜d錢有得計嘅咩???

devil77, 你唔好咁激動, 大家都係愛兔之人, 都係為兔仔著想

你有工人幫你手就真係好, 不過你最好預3個籠, 因為不論男女, 3-4個月開始有地盤意識, 一定會打架, 就算幾friend都係咁話, 你而家見到fd只係假象; 你可以參考金魚街, 兔仔BB時都重可以養埋一齊, 但再大d就要分開獨立養

只有絕左育後才能減低地盤意識, 才能嘗試bond, 有機會bond到或bond唔到

兔仔要早d絕育, 因為un開絕了都會繼續un, 因為已經成為習慣
兔女大左一定要分籠, 因為天生要霸一個洞for生育, 實打架

希望你的兔兔最後不會出現流血事件

==============================================

至於生BB, 兔兔一次可生5隻, 若果你會繼續養BB養到大, 每隻絕育費(男) $900 (女) $1500都幾貴, 希望你留意~

我唔係激動,我上嚟只係想知多d養兔正確方法同埋share我d寶貝得意相,但竟然俾人話無知,嗰個人仲係版主,講嘢一d都唔經大惱去講,版主喎,真係有所保留.既然佢乜X都知,攞牌做獸醫,嘥咗呢d人才.不過我擔心人哋唔俾個牌佢,佢都一樣鬧人無知唔識貨.
兔籠我有,當晚買嗰兩隻返嚟,雷八即打交,所以己有籠.若三隻一齊打,我諗我訂造嘅籠己經送咗過嚟.暫時雷八受咗嗰兩隻感染,食多咗好多草,肥咗.
我預左洗成萬做絕育,錢唔係一個大問題.
絕咗育都會繼續un,到時都係得啖笑:057: :057:

[ 本帖最後由 devil77 於 2010-7-1 03:55 PM 編輯 ]

just to let you know that if your girls get pregnant at a really young age it will eventually shorten her lifespan ideally they should be over 8 months before having their first litter