尿尿是否有問題(今日已經看完vet)

今朝起身我都必定望係我隻寶貝仔
一望....點解d尿尿咁ge
有白色粉係度...
之前都未見過, 我記得"家有寶貝兔"
話如果有白色粉末都唔好

所以我都立即打電話book大圍vet
明天朝睇, 不過都想比大家望望

我仔仔d尿係咪真係有問題??

6/7睇完了~ 醫生話佢好健康
係d尿比較濃, 叫我日日比菜佢食
洗完d菜都唔需要太刻意去抹走d水
用水樽外再比多個碗裝水比佢飲
因為有d兔仔會覺得水樽飲飲下覺得累唔飲
一星期內改變一下飲食習慣
下星期再覆診再睇下d尿尿樣本有冇改善^^

[ 本帖最後由 bunny_mrj 於 2010-7-6 12:47 PM 編輯 ]

廁所唔應該用報紙,,,
應該用番紙粒or木粒,,,
因為報紙同木槺對兔兔健康都唔好~

以我所知,
尿尿其實會因應佢食既野而有唔同顏色,,
只要唔係有血就ok,,,
不過如果你係新養...今次當帶佢body check都好!!

應該係鈣化物
你兔兔幾大? 食緊 alfafa ??

我唔係新手~本來我有兩隻
第一隻果隻都養左3年, 不過有次佢牙仔有問題
帶佢去脫牙, 點知佢受唔住痳醉藥就走左
呢隻係第2隻, 一歲幾
你放心~佢個廁所有格網, 我只係拎起個網影清楚張相姐^^

佢已經成兔了
佢平時食oxbow草, 有機oxbow兔糧, oxbow/apd草磚
一星期兩次菜菜+小麥草
生果沒有, 芫茜我只係比過一次(已經係兩個月前的事, 之後都唔會再比佢食)

樓主，比個網址你參考下：
(Chapter 7 - 泌尿系統)
http://tw.myblog.yahoo.com/ladio ... amp;fid=23&sc=1

你試下減o左d小麥草丫...

小麥草我唔係日日比, 只係一個月先得一次
或者得閒先種比佢食, 上星期二都已經覆診
尿濃度已經回復正常啦!!!!

因為vet都話佢飲食生活習慣冇問題
係食菜方面日日比佢食, 同洗乾淨後唔洗抹乾
比佢吸收到多d水份

至於用水兜佢完全唔用, 我就用針筒餵佢飲
早晚逼佢飲兩枝, 我都見佢d尿已經冇晒白色粉
同尿尿(希)左好多~^^~

甘姐係兔兔飲得水少?

係呀!! 同人一樣, 人飲得水少都冇咁清ge道理一樣