(已售)

物件名稱 : Marukan豪華兔兔專門防噴尿籠連搪盤
物件大小 : W680xD470xH510mm
新  淨  度 : 9成新
暇        疵 : 上面門口既鐵刮甩左少少(我買反黎已經有)
出讓原因 :因為估計錯誤~買左番黎先知個籠大得誇張~重要比屋企人鬧阻位=.=
購買日期 : 2010年6月13日
出售價格 : $490可議
交收方法 :荃灣至旺角交收
聯絡方法 : pm我
物品圖片 :

[ 本帖最後由 angietsang 於 2010-7-11 11:51 PM 編輯 ]

我都諗住賣= =
不過我個係中size= =

點解樓主出讓??:057:

原帖由 千秋王子 於 2010-7-8 01:40 AM 發表
點解樓主出讓??:057:

因為估計錯誤~買左番黎先知個籠大得誇張~重要比屋企人鬧阻位=.=

物件大小 : W680xD470xH510mm
呢個size算細ga, 重要比屋企人鬧阻位?
甘你換左個咩籠, 不會是再細D.......

原帖由 hh0 於 2010-7-8 09:19 PM 發表
物件大小 : W680xD470xH510mm
呢個size算細ga, 重要比屋企人鬧阻位?
甘你換左個咩籠, 不會是再細D.......

其實講真係高得制~
我冇本事住d幾千尺既屋呀
我大部份時間都會放佢出黎~
我咪用番之前果個籠lo都有54cm長45cm闊既
唔知兔專家依個可以ma???
本人表達能力差maybe有d誤會啦
同埋我想問窮等人家係咪唔可以養兔兔架??
我屋企有狗有貓都未試過養到佢地睇醫生既,我諗我屋企4百尺到唔放籠佢都夠地方跑lo
唔知咁樣可以ma?

若然你認為用番之前果個籠 (54cm長45cm闊) 係ok既, 我無言了.....#^76^#

原帖由 angietsang 於 2010-7-8 22:50 發表


其實講真係高得制~
我冇本事住d幾千尺既屋呀
我大部份時間都會放佢出黎~
我咪用番之前果個籠lo都有54cm長45cm闊既
唔知兔專家依個可以ma???
本人表達能力差maybe有d誤會啦
同埋我想問窮等人家係咪唔可以養 ...

當然你可以選擇放養啦~ 咁養兔兔只係會喺籠度食同疴嘅話, 籠細少少都唔係問題。

窮等人家唔係唔可以養兔兔, 其實有錢與冇錢人都一樣可以養, 有啲人冇錢都好, 但佢會唔食唔洗, 死慳死抵都留返啲錢嚟用喺兔兔身上, 但有啲人好有錢, 但就寧願花費喺其他嘅物質上都唔會願意多花錢喺兔兔身上, 所以, 有錢同冇錢係冇分別咖~ 最重要個人嘅心態。

其實養貓狗同養兔真係好唔同, 貓狗嘅生病機會會比兔兔少, 而兔兔嘅醫療費用亦會俾貓狗嘅高, 所以, 喺養之前就要好好諗下自己係咪真係有能力同願意花錢去照顧, 不過, 無論係貓狗、兔兔定其他嘅寵物都係有生命, 養之前一定要停一停, 諗一諗, 做個負責任嘅主人。

我都唔係有錢人, 但我係用心愛兔, 所以, 即使我同兔爸幾冇錢, 都要俾倒兔兔最好嘅。 我屋企都係得幾百尺, 其中一隻兔兔都用緊你呢個籠, 仲係中SIZE, 另外一隻個籠仲大少少, 但我哋寧願自己用嘅地方少啲都會俾兔兔多啲地方玩, 最緊要係佢哋生活得開心同健康。

希望你會明白一個愛兔者嘅心態, 亦都希望你能夠真正成為愛兔者, 樓上嘅兔友覺得你個籠細, 係因為如果兔兔唔係放養, 每曰24小時, 起碼有12小時喺籠嘅話, 兔兔嘅活動範圍係唔夠嘅, 絕對冇覺得係有冇錢人嘅問題。(如果我有誤會你嘅意思, 請見諒!!)

maybe你地屋企多位掛,我同daddymami住既~間屋最大話事權始終係佢地,佢地都好鐘意小動物既,唔係早已鬧爆啦,我覺得佢地肯比我養已經係好好~你話兔兔係好容易病,但你有冇諗過點解佢地會病le?係唔係自己既問題le??我自問每樣野做得好足既我買比兔兔既野唔係貴亦唔多~我比到佢既都盡量比~只少唔會餓死同悶死~其實講真我冇心養或一時貪新鮮既我諗我唔會搵果幾百或幾千黎哂lo~其實講真呀~我真係唔知自己賣個籠都要人批准同批評既~真係無言lo~同埋我覺得如果你地咁有同情心哂時間係到既倒不如你地去領養哂d兔兔,禁止d無良兔販重好啦,你知唔知有幾多兔兔比糟塌??你地咁有同情心去幫佢地啦~唔好係到哂時間多多事事啦

原帖由 angietsang 於 2010-7-9 03:03 發表
maybe你地屋企多位掛,我同daddymami住既~間屋最大話事權始終係佢地,佢地都好鐘意小動物既,唔係早已鬧爆啦,我覺得佢地肯比我養已經係好好~你話兔兔係好容易病,但你有冇諗過點解佢地會病le?係唔係自己既問題le??我自問 ...

其實我相信忠言永遠係逆耳呢個道理~~~!!
首先, 請你留意樓上嘅兔友只係好奇點解你買咗呢個籠唔夠一個月要出讓, 所以, 只係好簡單問一句, 我唔覺得佢有咩問題。
第二, 樓上嘅資深兔友去提出你個籠細, 係因為兔兔嘅活動範圍係越大越好, 佢只係好心講句, 我唔覺得佢係多事。
第三, 我作出嘅回應, 係因為我覺得你諗錯咗人哋嘅出發點, 亦都覺得你好似諗錯咗窮等先可以係咪唔可以養動物呢個問題, 我以上嘅回覆, 係希望已經身為主人嘅你, 唔好覺得自己屋企細或者冇錢就認為有好多嘢係必然嘅, 只係視乎自己嘅做化。
第四, 呢個論壇係有言論自由, 你開POST, 別人留言係一件好少嘅事, 如果咁都叫多事, 咁呢個論壇攪嚟做乜?? 各兔友有問題上嚟問, 想搵人解答, 咁個個都驚多事, 咪冇人答囉?? 而且大家都係會以有兔友可能, 或者, 有機會唔懂養兔嘅基本知識而好心講句。
第五, 你嘅回覆 "你話兔兔係好容易病,但你有冇諗過點解佢地會病le?係唔係自己既問題le??" 請你好好咁睇清楚我對你嘅回覆, 我冇話兔兔好容易病, 只係"貓狗嘅生病機會會比兔兔少", 呢個係事實。有啲人可以好盡心養兔兔, 但兔兔都有機會有病, 你又知唔知??? 即使兔兔每日過得精精神神, 食得瞓得都會突然離開, 你又知唔知?? 兔兔有病並唔一定係主人嘅問題, 兔兔有啲病, 可以係連醫生都CHECK唔倒, 可以係連醫生都冇辦法。你又知唔知係咩病??

別人都係為你嘅兔好, 你唔願意聽同接受, 咁你就唔好上嚟問問題, 唔好開POST, 我本嚟對你都冇乜嘢, 你之前開POST問個籠啱啱你兔兔用, 我好心回答咗你, 咁我又係咪多事????????????

[ 本帖最後由 波子 於 2010-7-9 09:47 AM 編輯 ]

你絕對係諗錯隔離,
養任何小動物係唔應該同金錢掛鈎
你一直只係認為人地多多事事阻住你賣籠
我無版主咁好氣回你
唔啱聽就算吧

我只係知道賣個籠都要你地多多事事

我有意 add我 pm比我msn你

ok,  已pm ,我add左你

我放同樓主一樣既籠出黎係因為覺得細，佢沒咩空間走動，因為我24小時只有大約4小每日俾佢走動，所以買大小小俾佢^^

樓主長期放佢出黎，細籠細都OK，絕對沒問題^^
其他兔友只係提供意見，唔需要太執著^^