只肯食苜蓿草...

奶茶而家半個幾月啦...我霖住開始比佢食提摩西同果樹草, 點知佢只係肯食oxbow既苜蓿草...一D都唔食oxbow既提摩西同果樹草...溝比佢食就食淨曬D提摩西同果樹草. 淨比提摩西同果樹草就完全唔食...搞到連屎都無得all#^37^# ...係咪因為D苜蓿草香過D提摩西同果樹草, 所以佢食都唔食下...有D咩方法可以令佢開始食提摩西草呀?

隻兔兔得半個月大?!!!!唔係掛......

係半個幾月大, 個幾月大定係半歲大??

如果係BB兔或幼兔, 只要兔兔食咗冇軟便, 淨係食苜蓿草(A草)係冇問題嘅, 而果樹草並唔係太適合幼兔食用, 間中幾條作零食就好。

如果兔兔係已經半歲大, 咁就要開始慢慢轉食提摩西草(T草), 唔好太急進, 由9份A草+1份T草,  由8份A草+2份T草,  由7份A草+3份T草,  由6份A草+4份T草... 如此類推咁慢慢轉, 開初兔兔可能未必接受, 如果係咁... 唔好加密加草, 要俾兔兔知道唔食啲T草就要餓, 但要視乎兔兔會唔會餓得太耐時間, 因為餓太耐亦唔太好, 你可以嘗試自己親手餵食T草, 緊記唔好太急進, 八個月大前轉晒食T草就OK~!!

另外, 喺兔兔未轉晒食T草前, 暫時都唔好加果樹俾兔兔食, 等佢只係食T草, 因為果樹草香過T草, 好容易令兔兔食咗果樹草之後嫌棄T草唔夠香唔食咖~!!

近排OXBOW嘅T草嘅質素都比較差, 兔兔好咀勺, 有可能係咁所以唔食T草, 你可以試試買另一個牌子嘅細包裝俾兔兔試下。

咁我隻兔兔一開始已經比T草佢食,A草就一日比2餐,夜晚臨訓有時會剩係比A草~
A草我比佢都係一"柱"仔,唔敢比得多,怕佢只係食A草
但我想問我咁樣做有冇問題??

原帖由 angietsang 於 2010-7-8 01:45 PM 發表
咁我隻兔兔一開始已經比T草佢食,A草就一日比2餐,夜晚臨訓有時會剩係比A草~
A草我比佢都係一"柱"仔,唔敢比得多,怕佢只係食A草
但我想問我咁樣做有冇問題??

我同你一樣呀~~
呀B幼兔果陣個SALES教我早晚A草、A糧、全天T草… (七~八個月到開始轉成兔糧，唔比A草)
但係最近另外一間D職員話我咁餵發育會唔好，我形容呀B個SIZE比佢聽又話我隻兔咁細粒… 所以佢唔肚痾都係A草做主食

[ 本帖最後由 katy 於 2010-7-8 02:07 PM 編輯 ]

其實點解要佢肚痾??
兔兔唔係一定要t草做主糧ma??
個sales教我早晚2餐餵佢係驚佢到大隻左唔肯食番t草

有軟便唔等於肚痾, 軟便健康版置頂文有介紹
幼兔儘量以 A 草為主
如果因為擔心佢轉唔到t草而令佢吸收少左營養, 以致發育不好, 不值得吧

但我未見過佢有軟便wo

係半歲....打錯左...
我遲D試下change做jojo'S既提摩西草, 睇下佢食唔食...#^71^#

半歲就真係要開始令佢食T草喇~~

其實有時唔可以太寵兔兔,
要比佢知道,唔食T草就無架喇~
因為始終佢地主食係T草...迫都要令佢習慣~

其實唔駛溝果樹草,
你淨係A+T就得~比例要慢慢轉
(2:8)咁樣~甚至係(1:9)

兔仔係會揀草食架,所以唔可以比太多選擇佢~

原帖由 angietsang 於 2010-7-8 16:56 發表
但我未見過佢有軟便wo

兔兔食A草冇軟便, 咁就無限量供應A草啦~ 等佢幼兔時吸收多啲營養, 身體都會健康啲~ 如果你怕佢食慣A唔食T, 你可以溝少少T草, 或者以T草當零食咁親手餵俾兔兔食, 可以令兔兔增加食T草嘅興趣。