豆腐花唔習慣新屋環境（更新）

昨日早上，把豆腐花搬進新家，
知道新的環境兔兔要一段時間先
可以適應的，所以昨日由得豆腐花自己
靜下，今日一早起身又睇下佢，但依然
呢埋一邊，我開左個籠諗住清潔一下，
但就俾豆腐花咬了一啖，整日都打開個籠
豆腐花一步都冇出過來，食草量、飲水量都少左，
便便就同之前一樣好正常。

[ 本帖最後由 明月 於 2010-7-18 10:59 PM 編輯 ]

試下用草鋪個籠~~ 會多d 安全感~ 佢想食又可以食~

第一日je~
比d時間佢~

或者坐係籠附近比d安全感佢~?

今日已經第四日了，
豆腐花都係唔肯步出個籠，
食同飲水量就正常，
現在成日都開住籠的門
都唔走出來，未搬果陣，
門一開就成枝箭咁跑出來。
豆腐花你幾時先至踏出籠外，
舒展下筋骨呢？

唔駛擔心嘅, 飲食大小便正常應該無問題,  比d時間佢, 佢遲早會出來:048:

咁點解無啦啦要搬屋既.v.?

原帖由 ping_1312 於 2010-7-15 05:46 PM 發表
咁點解無啦啦要搬屋既.v.?

因為離左婚，住開果度冇得住。

慢慢嚟啦!
我相信豆腐花好快就會走出籠架喇!!

試下用佢鍾意食嘅氹佢出籠睇下得唔得??

同埋你間屋會唔會有陣新搬嘅裝修氣味?? 例如: 油漆...

有冇一啲豆腐花以前用開嘅布可以舖喺佢個籠面上面或舖入籠裡面, 等佢有返一啲以前嘅氣味???

豆腐花唔水驚驚..
媽媽同姐姐會係新屋陪住你
快 D 出來陪佢地玩啦

慢慢嚟啦........#^57^#

豆腐花今日終於肯步出個籠喇！
一踏出個籠到立即在我腳邊留下一灘尿，
跟住跑入廚房，搵到個鍾意的位置趴下
睡覺。