養兔兔 + 女主人生BB

我和太太考慮緊去領養，想問下有乜野留意。
不過，有一點讓我們要認真考慮既係我打算兩年後生BB，擔心有無乜野要特別留意，或不合適?

由於我不想養養下就離棄牠們，我視牠們如自己仔女，我一定不忍心。

我是超鍾意小動物的，以前都養左好多年狗，個時住村屋一次過有成五隻添....:021: ，而家結左婚搬左去居屋，唔適合養狗，但我又好喜歡動物，兔仔是一個很不錯既選擇。

你有無去過兔協綱店睇過?
http://www.hkrabbit.org/adopt.html
不過如果你怕兔仔的毛毛可能令到BB會敏感的話,不如考慮毛較短的兔兔作為首選.

我地已經去過兔協啦。

剛剛個星期日仲係個度做左第一次義工添，佢地仲抱左我地心移既兔仔俾我地抱抱。
我真係好喜歡佢地:061:
下下星期又會再去做多次義工...^_^

而家我地還未決定是否領養，所以無HOLD到兔兔住。唔想草率帶左�\地返屋企， 最後又再送走牠。想先問多D有關養兔仔期間，女主人懷孕有沒有影響。
如果不適合，是否沒辦法解決或舒緩?

我見這裡，兔媽多過兔爸，所以想你地分享一下經驗和請指點一下...^_^

[ 本帖最後由 alanfatfish 於 2010-7-13 11:25 AM 編輯 ]

首先, 你地要撫心自問是否很驚青或迷信的人呢?

即係, 有d人大左肚, 未見肚就已經驚青到死, 去行街被人不小心迫到一下都怕會小產。有左之後, 聽見樓上裝修聲都會怕bb出生會有缺憾;  總之坊間傳言咩野唔做得,都會依足的人士...............如果你地會是寧可信其有,不可信其無的人(是但一方), 咁我勸你地唔好養動物了。因為,到其時有咩唔妥, 驚青的人都會放棄寵物, 一聽到別人說"可能"寵物的問題, 即使無憑無據:041:

你係咪抱  美斯 & 卡卡  ??

係呀...^_^
佢地有少少驚，又無興趣食我地俾牠的菜菜，不過都好乖乖扒係我地大脾。

其實一個大人平時唔會出現嘅過敏, 不適等情況, 喺大肚嘅時候會發生都唔定, 所以, 既然呢刻你都冇養小動物, 咁不如等你太太生咗BB先再諗啦~ 始終大肚婆緊要啲, 唔養開唔養住唔係問題, 但養咗先發現有問題就太遲喇~ 始終冇人可以保證小動物返咗屋企之後係100%對大肚婆冇影響, 每個嘅身體狀況都唔同, 如果你咁鍾意小動物, 可以喺兔協報做義工先, 順便吸收多啲養兔經驗, 將來一切準備好先養咪仲好~!!

我就係中間房個女仔,
你係曲髮個男仔:037:

哈哈...你好呀!!

中間房? 係咪美斯卡卡住個間?
你係本身已經領養左兔兔那個，定係將會領養黑色兔兔那個呀?

已經領養了2隻: janjan 同david

我都有諗過生bb 時, if touch wood bb 吾可以同 兔兔一齊,
我會放 bb 係 奶奶度, 我同奶奶住得近
bb 有其他人愛同 take care,
但兔兔就只有我同老公

其實你可以做暫養,

我唔知我又無睇錯，我見暫養好似主要係幫手照顧一D有長期病患的兔兔, RIGHT?

我絕對唔係介意幫手照顧牠們呀，只係因經驗有限，反而讓牠們得不到合適照料

過去有d例子係...
主人養兔多年一向都無敏感,
但係突然出現對兔毛敏感既跡象,被迫要將兔兔送走~

又有d係一向都無事,
有左bb之後就敏感都有~

所以如果你問對兩年後生bb會唔會有影響,
真係無人知~even唔係生bb,可能你or你太太突然出現敏感都話唔定~
(當然唔淨指係兔兔,狗/鼠等都有機會la)

暫養都係一個唔錯既選擇~
暫養唔一定係照顧長期病患架~有d兔兔係正常健康,
但係長期無人領養or兔協唔夠位等等~所以都會送出去比暫養家庭~

對樓主來說,似乎太多未明朗因素, 暫養都係一個好提議, 支持。