發現三隻棄兔!! 急尋有心人領養 (全部已被領養)

各位，昨天有一個不幸消息。:050:
本人上班的時候，路經葵盛東村，在一山坡上發現了三隻被遺棄的兔子。
因本人家已有一狗一兔，實屬擠迫，因此本人才在此發貼尋找愛心主人!!
有興趣的請盡快p.m本人:054:
事不宜遲，請大家來看看三隻可愛的兔子吧。
(本人昨晚已帶各兔子去看醫生，做了檢查，身體、牙齒、手腳及毛髮一切是正常的，唯因兔子年齡太小，未能分辨雌雄)

[ 本帖最後由 勞仔 於 2010-7-17 05:24 PM 編輯 ]

Haha..多謝各位。
唔知另外兩隻兔兔而家點呢？

願上天保佑你和你的兔兔都健健康康....#^9_003^#

HAHA好感謝你地養得佢地咁幸福，遇到你真是佢地的福氣，放棄佢地的人真是社會的人渣

cool cool 遇到你真好...
第二張 佢訓到好舒服呢...#^72^#

呢隻就係當時被棄嘅賓尼兔cool cool，佢係仔仔黎架！我諗佢而家肥左1�4左右啦，好健康好活潑，又好乖，好鍾意俾我同家人摸頭。。以前另一隻兔女施施係我同兔爸每人養一個月到，但而家施施長係兔爸到，cool cool就係我到，早排家人買左件衫仔俾佢地試，於是幫佢拍左張嬌豔相，哈！

[ 本帖最後由 szeszebaby 於 2010-12-2 08:04 PM 編輯 ]

原帖由 yts_fd_love 於 2010-9-8 02:26 AM 發表
有意養小兔兔們呢!
可憐的牠們,真不忍心見著牠們這樣><
樓主add我吧  [email protected]

3隻都已經有主人領養了

有意養小兔兔們呢!
可憐的牠們,真不忍心見著牠們這樣><
樓主add我吧  [email protected]

3隻兔兔要快高長大呀~
c4果張相影到cool cool好可愛,好好奇呀#^65^#

終於都揾到有心人領養三隻兔仔啦#^79^#

COOL COOL近況~
thanks Anthony 同勞仔~

[ 本帖最後由 szeszebaby 於 2010-8-9 07:35 PM 編輯 ]

仲有,根據我3隻兔兔的經驗,用碗俾佢地飲水,佢地會飲得多d,原因可能係每次"lam"個珠珠都只係得dd水,太麻煩所以會飲少左水.我自己都試過lam粒珠珠,真係要lam好多次先有平時的一啖,如果好口渴,真係會飲到"忟".
所以我俾佢地用樽的時候,有時會見到佢地咬個粒珠珠同出水位,其實佢地唔係玩,係唔耐煩,想咬大d個窿飲水. 兔兔唔識講野,我唔明白佢地的意思,只好親口試一試佢地的食物,水, 訓下佢成日攤個位,估下佢地的感受.可能只係我的兔兔係咁,唔代表其他兔係,不過希望大家都多d代入兔兔的角色,體會一下.

文字表達不到語氣,希望大家平心討論,只係為兔兔好,不要意氣之爭!

原帖由 wesky 於 2010-8-6 02:08 PM 發表
用兜/碗盛水, 碗中的水好容易被環境中的細菌所污染並大量繁殖, 空氣中飄浮的污染物易容易飛入水中污染水源, 故需要頻繁更換才能確保水質
令外, 須注意飲水時容易沾濕下巴的毛, 最好定期檢查該處的皮膚有沒有異樣

...

多謝你的意見!我亦無意辯論,只係想指出一d你可能冇諗過的地方.
首先,用碗裝水比起用樽裝水更容易清潔,主人未必會咁神心日日走去搵支長柄刷塞入個樽入面洗,通常都係"浪一浪"就算.而且個出水位,即係粒珠珠果道,其實都唔知應該點洗. 用碗就非常容易清洗啦,係有d水漬,不過用百潔布一洗就甩,其實唔係你想像中咁污糟,只係好似你自己隻水杯咁,梗係會有水漬係個底,等閒洗下就乾淨啦!
而空氣中的塵就梗有啦,就算抖氣都會吸到ga,唔通要過濾曬d空氣俾佢吸?咁d草又驚唔驚俾塵,俾細菌污染呢?係溫室中的寵物不會更健康,只會削弱佢的免疫力,有起事上黎特別難醫好!
我非常同意用碗裝水要頻繁更換,但係用樽其實一樣,就算佢冇接觸出面的空氣,但個樽入面一樣有空氣,加埋兔兔的口水,一樣會滋生細菌,所以係呢一點上面,用樽同用碗根本上冇分別.

用兜/碗盛水, 碗中的水好容易被環境中的細菌所污染並大量繁殖, 空氣中飄浮的污染物易容易飛入水中污染水源, 故需要頻繁更換才能確保水質
令外, 須注意飲水時容易沾濕下巴的毛, 最好定期檢查該處的皮膚有沒有異樣

純綷意見,  亦無意爭論, 接受與否自己決定

原帖由 波子 於 2010-8-5 01:14 PM 發表


你可以買個玻璃水樽俾兔兔飲, 我個仔都係用玻璃水樽咖~ 咁咪唔係膠囉~!! 因為就咁俾個兜/碗俾兔兔飲, 如果兔兔踩咗入去手手腳腳就會濕, 同埋如果兔兔飲水飲得急, 仲好易"唂"親TIM~!!

其實我之前都試過用玻璃水樽,不過d兔兔撞黎撞去打爛左.

兔兔係大自然生活,都係係河邊或者其他水源飲水,從來冇話會唔識自己飲水. 就算真係"俗親"或者整濕左,下次咪學識小心d.
我要換個過水樽好容易,但我覺得呢個態度唔正確.就好似d港爸港媽咁,唔通就係驚個仔自己沖涼會浸親,所以個仔讀中學都要同佢沖涼?

我希望大家作為兔爸兔媽,都要諗下咩係正確的態度,開頭可能只係一個水樽,唔會影響到佢健康.但係之後可能佢嫌d草硬唔食,你又會幫佢剪碎d草,揀d嫩葉俾佢,愈就佢只會縱壞佢,到牙仔有問題就恨錯難返. 可能誇張左少少,不過我有時真係唔係好睇得過眼而家d人咁養寵物的方式. 希望大家認真諗下,唔好愛兔變成害兔.