希望隻兔兔無事啦!!

頭先2點幾搭地鐵, 一入車卡就見到有個男人攞住個出街籠(IRIS手提), 心諗...入面會唔會係兔兔呢?! 個男人落車嗰陣, 終於見到....真係一隻兔兔~
隻兔兔好細隻, 我諗得2個半月到. 籠入面只得放木糠, 唔見入面有冰種.
咁熱嘅天氣帶兔兔周圍走, 希望隻兔兔無事啦!!

有時係旺角寵物店~見到d人買兔兔果陣~

d sales 教到錯晒~好想同佢講返正確~!

又驚比人覺得話多事~!

有時我都會扮同我男朋友講點樣養先正確~但唔知佢地聽唔聽到呢~!?

果陣我買兔兔.
職員同我講您洗吾洗用竉拎住隻兔兔.
果陣仲要系落雨.之後佢就比左個紙盒我地拎兔兔番屋企.

上次我見到寵x便利有隻$980既成年賓尼兔, 忍唔住問. 點解隻兔咁貴既, 個職員話呢隻係寫字樓果邊養開所以咁大隻, 仲話好少可以養到咁大隻, 跟住我問點解呢?
佢就話因為而家兔兔食果d糧營養唔係好, 所以而家d兔正常既size只有一個細階磚咁大,
我一睇. 佢地淨係賣日本糧. 我心唸d糧營養唔好, 咁你地又賣?
之後佢好強調話而家d兔仔唔會養得大....我話我隻兔食草多過食糧過仲大過你呢隻$980既兔, 咁我隻兔咪好唔正常? 佢即刻唔出聲, 得啖笑.