!!!!!!!!!!!!!!!!路過唔該入黎幫下我既小白呀/___\

小白一開始係咀下面有少少甩毛既地方.上面仲有D白色一塊塊既野...過左冇內就勁甩毛
我睇過本書講可能有皮膚病..但係我又唔行定.

E加連個鼻都咁..



下巴D毛冇晒...


隻左眼上面有粒唔知你咪瘡既野....


右眼就眼皮上面有D一粒粒凸出黎既(肉粒?!!).....


2隻手都有甩毛既地方.有D仲有好似凸出黎既瘡......



2隻腳都甩毛.左腳就甩左一大忽.......
右:

左:


我好驚呀/___\
我想帶佢去睇醫生但係呀媽又唔比...佢話睇醫生要千蚊(其實洗唔洗?!)
呀媽買左一枝$56[茶樹皮膚軟膏](每曰2次).



個SALL屎話岩我隻兔仔用,但係茶左成個禮拜都好似冇用咁
點算好?!
仲有我想問下我隻兔仔係咪有皮膚病?
旺角附近有冇動物醫院?
做一次身體檢察要幾錢?!
仲有...兔仔既尿係咪有好大附食性?!因為我隻兔仔之前冇次所,成日踩係D尿到.係咪因為佢D尿搞到佢腳甩毛?!
我第一次養兔仔.所以有好多問題.唔好嫌我麻煩.
唔該晒大家既解答.THZ~:054: :054:

[ 本帖最後由 ★NINTENKI 於 2010-8-14 09:49 PM 編輯 ]

你地估我想加咩.我已經喊晒咁求我呀媽加啦.
我呀媽又死頂話兔仔有免疫能力.會自己好返...死都唔行帶小白去睇醫生
如果可以我一早帶左啦.
你地估我唔知小白係生命?你地估我唔知小白病得好嚴重?你地估我一D都唔心痛??!
我日日望到小白個樣都喊晒,E加睇到你地既CM又搞到鍵盤上面都係淚水,喊係解決唔到問題呀嘛.我都知~
唔通真係要我殺左我呀媽先可以帶小白去睇醫生?!
呀爸呀媽話十幾號去長龍....(我知你地一家會鬧我E加仲有心情去玩),
但係我想問下呀媽呢2日可唔可以比朋友睇住,個朋友屋企都有隻兔兔.有經驗
我就叫埋佢帶小白去睇醫生.遲D比返錢佢.不過唔知佢行唔行...

你而家應該學會了要考慮後果才做決定的道理...

現在是你當日沒考慮自己有沒有能力帶小白睇醫生...你的不自量力害了一條生命...

點解仲等2日先問?你究竟知不知每拖一秒,小白病得好既機會就低一點,為何唔即時問果位朋友先代你睇醫生?

最後的方法...不如你交去兔協...佢地會醫小白...加上你的能力亦沒有資格再養得起小白

[ 本帖最後由 elvisli 於 2010-8-14 01:27 PM 編輯 ]

你朋友睇住!?
你朋友係咪有正確養兔既知識架?
而且...你要知道小白既病好大可能會傳染比你朋友屋企隻兔兔,
你有無同你朋友講明小白既情況?
佢肯承受呢個風險嗎?
(千祈唔好暪住你朋友等佢答應你之後先知隻兔有病)

錢方面我唔知你朋友肯唔肯借比你...因為我相信你朋友同你差唔多年紀,
都係無經濟能力~

呢度既兔友都係緊張病左既兔兔先語氣重,
病既野真係拖一日就危險多幾倍,因為兔仔係好脆弱~
希望你明白兔友們都係緊張隻兔~

我始終覺得,
你如果想救隻兔,
點都要問你家人拎返"你自己d錢"去醫隻兔~
否則就算隻兔就算以後好返又好,你養第二樣野都好,
佢地都唔會有好日子過~
你都係無主見,無能力去為隻寵物爭取幸福
因為你阿媽一句,就主宰左寵物既生死....

小白好辛苦呀..睇見到心痛,,
再拖真系會死架 !!
其實樓主系咪有經濟困難先唔帶佢去睇?
兔仔有免疫力, 但系佢咁細個.......都唔方強得去邊啦免疫力!!!

我唔鼓勵人棄兔;;
但系樓主如果自問無經濟能力 響兔兔有咩事既時候比到錢出黎醫佢 ;
咁我情願你帶佢去兔協!!
起碼佢地會醫好佢!!
唔好因為你個人理由而害左1條小生命啦...............

你話你媽媽無返工.
我開頭以為佢keep住你d錢系想當屋企既應急錢
不過既然你地去到長隆玩,
姐系屋企既經濟都唔算太差
你真系要多d堅持..
無論如何都要拎得返"你自己d錢"出黎醫佢

現在不是怒天怒人的時候,唔係什麼都係一句"你估我想架咩"去做推卸的藉口.
你自問一下小白的皮膚病發生左幾耐.你如果一早諗到叫朋友幫你照顧及帶小白去睇醫生的話現在就不會埋怨被我們去話你.我們每一個人都係在幫你,見你好似好無助咁,同埋係見到小白d皮膚去到這麼嚴重的地步,實在不忍心.
正如Mocha爸所講,你不如交小白去兔協,等小白早日可以得到醫治.
講真就算今次你朋友幫左你,小白好返無事.你有無諗過下次呢?小兔係好脆弱好容易不知為什麼就生病的.你可以擔保下次你朋友會再幫你嗎?
小朋友請你盡快認真考慮清楚!!

[ 本帖最後由 twpig 於 2010-8-14 05:31 PM 編輯 ]

整件事責任絕對係主人到，一開始發現有問題即時醫治，唔會用得你咁多錢，而家搞到咁............我寧願你試下問兔協......................起碼隻兔有機會好返....................而家咩都己經沒用.............醫兔仔係重點.............

我有話過我唔想用我D錢?!
唔好講到我好似乜都冇做過
我一D都唔怕我呀媽鬧,我都比佢鬧過唔少
就算我用晒我D錢都想救返小白,如果我真係搞唔掂我呀媽我不如你地叫我殺左我呀媽

[ 本帖最後由 ★NINTENKI 於 2010-8-14 07:33 PM 編輯 ]

冇野係搞唔掂,講到你底你係自私,
你明知你媽唔會俾你醫,你又要HOLD住小白,
你一句唔捨得唔係大晒,可以累死一條生命,
宜家唔係發脾氣既時間,
你最好盡快帶佢去兔協啦,求下你:054:

比人鬧咪比人鬧LOR﹖﹗樓主你未試過比阿媽鬧﹖

我相信，如果你係先斬後奏咁買左小白返去，都比你阿媽鬧LA﹗:052:


買了兔回家，就應該好好的養飼、照顧牠們的一切，講真，我地個個養得兔兔，就預左係無「回報的」用晒我們為佢地儲的錢，就算佢地真係要用盡我們所有的錢，我地都唔會有咩埋怨﹗因為我地係預左比我地的所有，包括對佢地的錢、愛、包容、時間同我地的自由(旅遊/出去玩)﹗

樓主下下都話要KILL UR MOTHER﹗真的需要嗎﹖﹗

樓主你認為自己對小動物的負責任，而你的媽媽不讓你對小白負責任﹗﹖

你唔想醫，就快D比兔協，放小白一條生路﹗

唔好再拖了.......放佢一條生路吧.............

冷靜D~ 嘈係冇用既
其實大家都明白你心情... 倒不如咁講~大家都好心急架!
但係大家都係講緊一樣好重要既野
就係你仲係一個要依靠屋企既小朋友
你冇能力照顧佢一生
因為你屋企人都冇共識去負責任
你媽媽都講到出口啦~ 暑假之後就送小白俾人
就算今次俾你帶到小白睇醫生
下次又如何? 次次你都喊住口嗎?
難保有一次佢會掉小白出街~呢D CASE見唔少
養小動物既人都當佢地係自己仔仔女女
所以大家先緊張~叫你送去兔協~
好過係度等你朋友帶佢睇醫生...一個冇了期既日子
你有讀書~ 呢D道理你應該明白
你係度等~佢就危險多一日~ 所以大家先語氣重左姐
冷靜D諗下~ 希望你盡快做出決定

祝福小白盡快好返喇~

既然你父母唔讚成你養, 而且唔會係金錢上資助你既. 不如你都係放棄啦.
等你讀完書出嚟做野, 有經濟能力果時先再養囉. 又唔係叫你以後唔好養.
無謂左拖右拖. 仲話要等十幾號...再唔醫佢真係會死.
放去你朋友度9成會傳染比你朋友隻兔.

可憐的小白,
沒有享受過生命, 就要受苦了
沒有被愛過, 就要被遺棄了
只可說, 怪你實在太可愛,
被主人看中, 帶了回家
回家了, 你有開心過嗎 ?
有被珍惜過嗎 ?
你看到主人對著你哭得死去活來,
但他根本不懂你所受的苦, 是會死的,
他傷心又如何, 受苦的是你,
可憐的是你,
拋棄你后, 他最多傷心 十天八天, 就會忘記你,
甚至忘記是誰害你如斯田地,

如果, 你可以到兔協,
還有機會快樂地活著, 連病也可能病得好,
還可以找到好主人, 愛你照顧你一生一世
他心智未成熟, 沒有想盡方法去救你
而且你主人很忙, 他要去長隆,

主佑小白

[ 本帖最後由 otola 於 2010-8-16 09:50 AM 編輯 ]

我絶對不支持遺棄動物,
但主人的錯, 點解要由動物來承受,
你傷心你哭, 又如何 ????????
是你痛嗎 ? 你會死嗎 ??

你到長隆玩得開開心心吧