點先可以令兔兔多ｄ出黎玩（加左圍欄）

兔兔成日都唔肯出黎，令到運動量唔夠，真係唔知點好，係咪要俾ｄ玩具佢玩下引下佢呢？

點解会咁嘅,我隻仔用咗圍欄都要撞出來呀!超唔比困wo!

我豆豆一見到有人係度佢就狂咬籠,
係都要出黎

我果兩隻成日都想出黎玩=.=
唔玩咬龍

我隻兔兔都幾平均下, 好多時佢會返入寵訓覺
你試下搵野食引佢出黎, 你養左幾耐呀?

其實你期望佢會唔會多左?  

我諗兔兔同人都一樣, 一天裡面坐響度的時間漸了大部份, 無可能不斷跳來跳去玩呀, 亦無可能不斷行來行去。你當兔兔是人來看, 如果一天有走動下, 都ok啦。

係咪熱呀？而家天氣咁熱仲要披住大毛衣，行2步都唔想郁~

前排呀b都係咁，日日都攤係度休息，叫佢去街街又唔去，抱佢出黎行行2下又入返籠
後尾拎左個佢最愛的玩具---紙箱比佢，日日差唔多夠鐘就叫人放佢出黎玩…

其實兔兔本身唔太出黎玩，定係呢排唔出黎玩呢？

每天定時放菜或糧在籠外,兔兔就會養成一種習慣
到時到候就會好期待出黎食好野喇.
在外面放個箱做個地方兔兔可躲藏休息都有助
兔兔出來走動的,因為兔兔如果覺得出面唔夠籠安全就會唔出來.
改下廳的傢俬擺位都有助增加兔兔的好奇心出黎探下險.
兔兔是好奇又細膽的動物,有新奇野會出黎八下,
兔兔出左黎唔好急於捉佢摸佢追佢,
佢驚又係會唔鍾意出來.

不過,兔兔一向慣左出來玩,突然唔出就有問題羅,
佢地係習慣性動物,唔會無原因就改變習慣,
因為熱,消化唔好等唔舒服會係原因,
亦有可能覺得唔安全或感到壓力.要小心觀察下呀.