戒糧是不是必要的?

其實點解兔兔要戒糧呢?

不是
其實好視乎主人既睇法, 兔兔既身體狀況
有D兔兔過胖, 戒糧可以幫佢減肥 (但兔兔肥唔肥係應該由獸醫判斷)
糧係有佢既營養價值, 未成年既兔兔唔應該戒糧
但兔兔成年後, 只靠草同菜就已經可以提供足夠營養

我自己唔幫兔兔戒糧, 因為我rabbit仔真係好鐘意食糧, 我覺得每日只俾少少糧佢當零食唔會影響佢健康, 又可以令佢開心

即使戒左糧, 仍須提供每日不少於三種蔬菜
如只能提供一種菜或未能提供, 而又無餵糧, 則容易出現營養不良問題

我無戒糧, 只係減糧
依家每日只俾一平匙糧
作為營養既補充

以下純粹個人意見......同埋試過停糧經驗
我係唔贊成停糧既... 我只贊成減糧
因為俾開糧兔仔 佢既心理同身體已經慣左一日有兩餐糧落肚
佢自己既身體機能已經調正好 個運作就係咁樣
突然減糧一黎會令佢唔開心 2黎佢身體又要從頭適應過...
好似我喵喵咁過重要減肥 我都減淨 一日兩餐 一餐半匙糧我都要俾..
我估佢唔知我俾少左,佢會開心佢有得架姐...
停糧經驗: 我有兩隻賓尼俾人拎左去養 佢有次不停咁痾又唔食野...
我拎返佢黎帶佢睇E生,睇大圍... 話係腎有事 叫我地停糧...淨食草...
但見住佢一日一日咁瘦... E生話唔俾得糧... 結果一星期後死左...
我唔肯定E生話停糧有無錯... 唔多唔少我都覺得有關...
所以我依家肥喵都無停糧... 少少都俾佢食下

每天俾少許糧當作是營養補充會好些.
因為只有一種草和有限品種的菜是不容易提供完全營養的.

我唔打算停糧, 因為JACQUELINE無其他零食, 佢食糧會好開心興奮, 所以糧就等於零食了。如果有一天過肥, 我都只係會減, 唔會戒。

不是必需的。
雖然呀B已成兔但我不會替呀B戒糧，因為佢唔食菜
同埋如樓上兔友所講，由細到大呀B都定時定侯有"飯飯"食，你唔比佢佢會企喺門口等你/製造嘈音。

雖然我唔知,,不過你隻兔兔好似狗仔呀好Q:057:

我隻兔兔有6個月大,佢好大食
佢好中意食菜價
我覺得佢好肥:057:
而加佢食糧會分兩餐,每餐有兩平湯匙
中間會食3種菜菜,同2-3個身形的草草
以及飲3樽水
佢而加訓底有電腦的keyboad咁大
我真是唔知應唔應該減糧呀:018:

肥瘦最好由醫生檢查完, 由兔兔的重量及體格再去決定; 有時D兔兔毛多D鬆D, 看上去都肥D。
我家兔兔 [小玉] 看上去圓圓胖胖的, 腰粗粗, 我都以為醫生會話佢肥要減肥;
不過年檢後, 醫生說體型體格身材都適中, 真係估唔到呢 !
因為醫生通常主張兔兔應該係SKINNY的, 而多數都係主人想兔兔有D肉地, 可愛D嘛。

另外, 我都覺得無必要一定要戒糧。
唔想佢地食咁多, 咪減量囉! 或者, 選D健康D的兔糧。
雖然說兔兔要多吃牧草, 但想佢地吃多D, 就起碼唔好令佢地食得咁悶。
所以間唔時, 我會混少少其他草俾佢食; 有時又有D不同的菜菜; T草磚/草餅又可間唔時當獎勵及零食。
佢地會好開心同興奮的呢! 兔兔都要生活情趣啊。哈哈. .

對上的樓主,你的兔兔睇落去,有點肥肥地
好可愛呀
:023:
其實草磚是用咩草整呀?