想養多一隻兔

始終有啲怕林B悶，想係兔協領養一隻絕了育的兔女做伴，但有以下問題!!
1 兩隻兔有機會唔夾，要永遠分籠養(咁樣林B會少了71CM長X44CM闊既活動空間
2 兩隻兔唔知有沒機會肯用同一個籠去廁所、食和飲水(如可以就可以唔要新兔既籠，多返71CM長X44CM闊既活動空間)
3 兩隻兔會唔會因為爭廁所同草而打架爭地盤
4 如不夾，就要分唔同時間俾佢地用中間既活動空間，咁樣會唔會令林B唔開心.............
5 如新兔本身已絕育，林B唔絕OK嗎??(林B唔會絕)
5 點樣先知林B想唔想有個伴，又或者介唔介意分享下你地既經驗

[ 本帖最後由 long~spirit 於 2010-8-30 10:57 PM 編輯 ]

唔絕育就唔駛bond 囉~~

廁所可以共用一個

原帖由 wesky 於 2010-8-30 11:07 PM 發表
唔絕育就唔駛bond 囉~~

廁所可以共用一個

其中一方絕咗都唔得???

如果夾, 係唔會爭廁所同霸地盆既, 會一齊共用廁所同一齊訓
唔夾就一定係分開養, 所有野要2份

我既經驗分享下, 養多隻既出發點係自己真係想養多一隻
一開始己經預左獨立分開養, 日後再試夾, 夾到當係bonus
相反如果是為原本果隻作伴而養多隻 但唔夾,
你會覺得失去意義而唔開心既

林B可能會覺得地盤、愛佢既人被瓜分.....所以，除左BOND唔BOND 到外，仲要諗下林B會唔會被瓜分你對佢既愛:054:

原帖由 hh0 於 2010-8-30 11:20 PM 發表
如果夾, 係唔會爭廁所同霸地盆既, 會一齊共用廁所同一齊訓
唔夾就一定係分開養, 所有野要2份

我既經驗分享下, 養多隻既出發點係自己真係想養多一隻
一開始己經預左獨立分開養, 日後再試夾, 夾到當係bonus
相反 ...

多謝你既意見^^

原帖由 Maggie 於 2010-8-31 01:12 AM 發表
林B可能會覺得地盤、愛佢既人被瓜分.....所以，除左BOND唔BOND 到外，仲要諗下林B會唔會被瓜分你對佢既愛:054:

對，我唔希望會咁，所以唯有抽多啲時間陪林B，另外我想問大家係未冬天先帶兔仔出街多(大草地)

養多隻又夾到, 其實兔仔真係會無咁悶, 見2隻一齊四圍走, 都幾開心
我都養左1年半, 比佢吔做左隔離鄰舍一年, 有一天一齊放出來玩時出奇地好friend互相掃毛一齊訓, 咁就夾到了, 你可以看看我的setting: http://mini-house.info/thread-8744-1-1.html , 很多都係比兔仔做隔離鄰舍慢慢適應對方

兔仔兔女都好一定要絕育, 因為仔會UN, 女會霸地盤, 一定BOND唔到

BOND到後, 都建議2個籠、廁所、草架、水, 因為一份係唔夠食/用的, 一個廁所亦唔夠呵, 而且有病、有事時都可以分籠. 我2隻兔食的習慣唔同, 為免比大妹食曬d糧和穗, 所以放食物時一定要佢哋分籠先, 食完後才比返四圍走. 2隻兔有時會爭食咬下對方, 不過好快就無事

我覺得任何動物都鍾意有伴，至於接唔接受對方真係要看主人點處理

回答返你既問題…你話林B駛唔駛絕育…其實無所謂…
一般一男一女既兔養埋一齊…事但一隻絕左就可以一齊養…唔會有任何問題
講返兩隻兔夾唔夾呢個問題先…
首先…其實你選擇距既另一半…係需要更多既準備
一般兩隻兔可以一齊…其實最好既時間就係距地6個月大之前
兩隻兔年齡越小…bonding既機會越容易成功
重有就係兩隻兔既年齡要差唔多相同…體形同品種都要較為接近成功率先會提升

你講得無錯bonding係唔一定成功既…
重有就係bonding要慢慢黎…快既幾日…慢既…1…2個月…或永遠都唔一定會成功

如果你真係林住養兩隻既話你就必需要先準備兩個有相隔距離既空間同龍
之後既野…如果你真係要養兩隻…我先再教你點bond…因為其實bonding有好多法架
我買我隻兔之前…個breeder老婆婆要我睇晒距寫果本書先肯比我買…=___=…重要考我問題…裡面寫左好專業既養兔方法同埋距養左30年既經驗…
如果你鍾意既話你都可以自己上去睇…我留底個網比你…不過全英文……我睇左一個幾鐘先睇得晒…好長盡…
唔係好明既話…你問返我…我可以話返比你知
你去page 4~既bonding只細睇下…真係睇唔明…我先再翻譯比你
page 3~裡面講解左一下兔男女或男男組合~~既資料…
http://rabbitbook.webs.com/

[ 本帖最後由 adamchan1023 於 2010-8-31 08:32 AM 編輯 ]

我都係用緊你想買的那個籠,都幾好的.:057:
夾兔真係好講倆隻兔兔本身的性格,林B本身的性格如何?
你可以在兔協申請領養時向她們說明要一隻可同其牠兔兔相處到的兔仔.

其實 養多1隻真係要好好諗清楚
好似hh0咁講 你預左夾唔到先...夾到係bonus

之前我都試過帶隻兔仔番去同何Hill bond
但係...何Hill俾個隻兔仔蝦得好利害...
最後何Hill要用好長時間先平靜番自己既心情
所以 諗清楚... 唔好因為一時之念 影響到林B~~

其實 你得閒同佢傾下計 放佢跑下 佢已經好開心
你認為帶隻兔仔番黎係令佢開心...事實又係唔係呢??

多謝你地既資料,始終屋企空間有限.如果夾唔到要分籠養,空間會小好多.你地會唔會約兔友一齊帶隻兔去公園玩架?同埋出街點防止因而生皮膚病?

原帖由 long~spirit 於 31-8-2010 01:28 PM 發表
多謝你地既資料,始終屋企空間有限.如果夾唔到要分籠養,空間會小好多.你地會唔會約兔友一齊帶隻兔去公園玩架?同埋出街點防止因而生皮膚病?

公園真係唔好去啦~~好dirty架~!

e到有時會搞活動架~但你要等下有冇機會啦~!

都唔知e到幾時會搞一次~!

我個意見係領養... 因為我隻飯飯都係領養 又可以幫到d棄兔
不過領養之前都需要三思 要諗下有無時間去照顧多一隻, 如果有咩事要睇醫生既資金問題....好多好多...
仲有一個重要的point係 如果你新果隻兔同舊果隻兔真係夾唔到既時候
你可唔可以分配好兩隻出黎玩既時間呢..?? 兩隻都要出黎玩架喎...
如果好似你咁講 林B唔絕育既話 就唔見意領多隻
因為就算隻女絕左 都會係咁俾佢UN 同埋絕左育的確健康D同埋呢 無霸地盤霸得咁勁 ^^
你諗清楚啦 ^^
我自己既經驗係好既結果...
因為喵喵之前不嬲都係自己一個.. 我領多個想有伴陪佢...
但當兔協批左之後 我都有再三思要唔要 因為我怕喵喵吃醋, 佢太O爹了...
結果返左黎兩星期我就幫佢地BONDING... 點知頭幾日佢地都無表現不滿 不過都要時間都耐性...
結果前後唔夠一個月成功左... 仲好好好好FRIEND tim..
起馬依家我放籠 開左一個既籠先 佢地唔係第一時間黎搵我 係去對方既籠門口等對方出黎-- 變左我吃醋,,,

[ 本帖最後由 喵喵 於 2010-8-31 10:11 PM 編輯 ]