今日上咗兔協做義工啦

係兔協申請領養後...今日第一次上去做義工
清晒啲籠後...進行呢個"親子時間", 恨咗好耐啦
當我抱到隻兔後, 覺得佢好得意, 好可愛...
我玩咗一陣之後...發覺呢隻咁可愛既兔,
其實唔係我架, 本來佢係我既第一選擇,
不過當義工聯絡我既時候, 覺得第二選擇既兔仔性格會適合我多啲
係我同意之下...我既選擇改為第二隻兔...所以兔協啲義工就抱錯咗俾我啦...
:037: 我竟然唔認得自己揀既兔!!!
終於可以抱到我隻兔兔啦...但係...
佢係我抱唔夠一分鍾既情況下, 咬咗我一啖...仲要流血呀...:047:
唔知佢係咪唔鐘意我呢？咁樣, 我仲帶唔帶佢返屋企好呢？
仲有我同第一隻相處咗一陣後...我發覺我好似鍾意第一隻多啲,咁點算好呢？

既然妳係鐘意第一隻的話,咁就唔洗諗咁多喇,最緊要合自己眼緣,因要照顧佢一生一世呀,如果妳揀咗隻無咁鐘意的話,妳之後又会成日掛住最鐘意果隻嫁!

或者當兔協的職員打電話跟進你同你媽咪第一次做義工後的感覺時,你可以告訴她你的感覺.

直接告訴兔協,你鐘意第一隻, 而第二隻咬你。

今日兔協個義工打嚟跟進我的情況,
佢知道我比較鐘意第一隻兔, 都比我揀返佢,
同埋解釋咗比我聽因為我抱完第一隻兔(佢未絕育架)留低咗啲氣味係我度,
所以再抱第二隻就咬我啦...我聽嗰度啲義工講佢平時好痴人架, 任抱任摸,
可能係我自己嚇親佢啦, 唉...我就覺得好對佢唔住,本來佢可以有個新屋企架,
所以就算可以揀返第一隻, 我都有啲唔開心.
最衰就係自己無本事領養埋佢啦(佢都好可愛架, 肥肥地,幾好抱架),
希望佢可以快啲有個新主人...

唔需要咁唔開心的.
只要有祝福的心存在,另外一隻都可以找到一個像你那麼愛兔的主人.
記得帶兔兔回家後好好愛錫牠呀:038:

""因為我抱完第一隻兔(佢未絕育架)留低咗啲氣味係我度,
所以再抱第二隻就咬我啦""
都係有好大甘既可能性 不過絕育後的兔兔脾氣應該會轉好吧....
係呢 你申請邊只兔兔呀? #^72^#

當然啦...咁都可以領養到佢...一定錫佢啦

我而家申請緊GIBSON...
星期四上去做第二次義工啦...
好想快啲帶佢返屋企...

你係唔係帶左GIBSON返屋企啦~ 我上個星期當值都好似唔見既~
好好照顧佢啦.....
星期日有人黎棄養.....佢當初都係0係兔恊領養.....真係有0的angry.....當初都無諗清楚就養....兔兔俾人棄養兩次唔係既好lor.....:052:

原帖由 emily_520825 於 2010-10-13 03:48 PM 發表
你係唔係帶左GIBSON返屋企啦~ 我上個星期當值都好似唔見既~
好好照顧佢啦.....
星期日有人黎棄養.....佢當初都係0係兔恊領養.....真係有0的angry.....當初都無諗清楚就養....兔兔俾人棄養兩次唔係既好lor... ...

兩次被棄養﹖是乖乖嗎﹖:050:

係我領養咗佢呀~~
我一定會對佢好好架, 除咗我之外, 婆婆都好錫佢架,
日日都用手喂佢食菜菜, 仲同佢玩添,
返而我就要放工先可以陪到佢,

:044: 不過唔知點解每次佢食野都好"狼死"
我第一次用手餵佢食糧佢仲咬到我流血,
好似好肚餓咁？

希望啲人嚟領養既時候考慮清楚啦~~
唔係啲兔兔俾人遺棄完一次又一次, 好慘架
#^56^#

[ 本帖最後由 Apple 於 2010-10-13 04:33 PM 編輯 ]

除左乖乖...仲有細膽都係...嗚~
之前上去見到細膽，問當值義工，真係以前隻細膽黎的，好似係個主人話生BB照顧唔到佢，見到佢既眼神好唔開心又好驚咁，心都UP埋...
不過最近好似有人申請左領養佢啦，希望細膽搵到注好人家啦~