想問大家一下，有人在養2隻兔女的嗎？

因為我現在在養一隻朱儒兔，女生，覺得她一個人太悶了，想多買一隻女生來陪她，所以想兔媽們養兩隻女生兔兔的經驗

1.想問兩隻女生養在同一個籠子會打架的嗎？我的籠子也算是比較大的籠來的，有足夠空間給兩隻小兔活動的！

2.她們在同一個籠子內會因為地盤的問題而大小便都會變得不能在同一個次所上去而搞到好污糟的嗎？ (我現在養的小兔已經學會在尿盤上大小便)

3.會比較容易因為發情期而造成假性懷孕嗎？

還有甚麼地方是我要注意的喔，因為我的確很想把兩次養在同一個籠子內！

感謝你們喔！

一個寵2隻,沒乜活動空間,要放佢地出黎多些

呀B係獨女，不過試下答你個問題啦~

＊首先，你話帶多隻兔女返黎，你係買多隻定係領養呢？ 如果買多隻，未夠3個月係睇唔出佢係兔仔定兔女，要等佢成年絕左育先好ＢＯＮＤ。
＊2隻兔兔絕左育，先可嘗試一齊玩。唔絕育係會因為爭地盤打架。
＊同居的話先確定兔兔接受彼此，同埋間屋要開門，打架都可以立即制止。
＊咩都要雙份，例如草�水樽�草架。。病會傳染，診金都要比雙份
＊倆兔感情好好，一隻去左彩虹橋，另外一隻會鬱鬱不歡。。照顧得不好會跟住兔兔去彩虹橋　（好似講得太遙遠）

[ 本帖最後由 katy 於 2010-9-28 01:02 PM 編輯 ]

我都係養2隻兔女

兔女會有霸地盤for生育的意識, 會為地霸大打出手, 記左仇就好難再夾; 所以未絕育前一定要分籠養, 直室絕育後1個月才可以開始bond。你絕育前, 你可以將2個籠放埋一齊等佢哋鄰居, 習慣對方的體味, 對日後bond有幫助

bond成功後, 要看飲食和起居習慣才決定一齊住或分籠, 好似我大細妹, 一隻食得快、一隻食得慢, 一隻鍾意左邊厠所、一隻鍾意右邊厠所, 所以我依然分籠, 當我們在家時才放他們出來一齊玩

一個籠養2隻兔, 要看你個籠有幾大, 起碼可以比兔仔跳3下的距離會較合適。所以我用細籠, 再配合欄養, 好讓2隻都有充足活動空間。而且你用一個籠養2隻兔, 還是要留返一個籠以備不時之需, e.g. 病左要分籠
(參考:http://mini-house.info/viewthrea ... p;extra=&page=1）

一個籠養2隻兔大小便無大問題, 只係會好快滿, 你要勤d換墊料和執屎


養2隻兔, 你要有心理準備開支會x2, 愛心都要x2; 不過見大細妹2隻咁firend, 一齊玩一齊食一齊訓一齊破壞一齊問你攞嘢食, 做主人都幾開心

[ 本帖最後由 wm20472 於 2010-9-28 01:57 PM 編輯 ]

無論點都好
養多一隻兔未必係你諗得咁完美
你覺得兔兔一隻悶 你帶多隻番黎 兔兔可以會更唔開心!!
你係咪有足夠既時間 金錢 心機照顧2隻兔呢......

我覺得只要你得閒陪下兔兔 摸下佢 見下佢
兔兔就已經好開心...

有一點係好重要嘅, 就係... 即使兩隻都已經絕育都唔係百分之一百一定可以BOND倒, 所以, 你必須要有心理準備如果夾唔倒咁就一世都要分開養, 分開照顧, 分開玩。

係啦~....本身有隻兔仔....之後我地接左一隻絕左育o既兔仔.....絕左育o既兔仔都可以好惡~....所以分開養...分開玩~!!#^3_002^#

我覺得,你將新的兔仔(B)放埋入去你舊有兔仔(A)既籠一齊養有幾個因素要考慮
1.(A)住左o係而家呢個籠已有一段日子,佢會覺得個籠係佢既地盤,如果(B)一返黎就入住(A)的籠,我想(A)有大機會會為保護地盤而同(B)打交
2.兩隻兔仔養埋一齊的話,你會比較難觀察佢地有冇異樣,因為兔仔有冇唔舒服,係靠睇佢地食左幾多野,飲左幾多水,同大便數量and size而定,兩隻一齊既話你好難知道邊隻食多d邊隻食少d,and d 大小便係邊個痾的
3.兔仔夾唔夾都係要考慮既要點!我諗(A)好難會與一來到便"入侵"自己地盤的(B)好好相處吧...我睇好多書,都話如果有新來的兔兔,一定都要給牠們一點適應的時間,什至一開始不要給牠們見面太耐,要續點續點加長時間~等牠們都真的接受對方,才安心放牠們一起玩~

[ 本帖最後由 阿一 於 2010-9-29 09:57 PM 編輯 ]

謝謝你們喔！
我會再觀察現在的小兔看看
:053:

我都係兩隻兔女，我個兩隻會打架。同埋同一個龍比較冇可能

我之前二隻兔兔,都係女,佢地無野果陣會好fd,lam來lam去,捱住一齊訓...好溫馨:023: 但係有時都唔知咩事又會打下交,你要睇返佢地兩個之間既相處

但係養兩隻,通常會有一隻比較強勢,做阿頭的~

同埋先入住的,巳有了地盆意識,會打新果隻

你係屋企既時候,先放佢地一齊玩,就算佢地真係打交你都睇到~打交就要分開架喇,唔係分一世既,隔一段時間,先再試一齊

若果佢地鐘意對方,想一齊生活,你會發現將佢地分開兩個籠,佢地都會掛住對方,排除萬難,都想去找另外果隻兔,就算隔住個圍欄,都會捱埋一齊,互lam對方:023:

同埋佢地係一條心既話,佢地仲識一齊打你:060: 即係幫拖...我的二隻兔兔,識得一齊打兔爸的...:011:

我果陣養二隻兔,係要分開二個糧兜,因為佢地有一隻食野快,一隻慢,食得快果陣,會食埋慢果隻d糧

屎既份量,飲水量,就要平時多觀察佢地既習慣